Juize 16:23 - Ritonõpo Omiry: A Bíblia Sagrada na língua Aparai do Brasil

²³ Morarame pirixteu tõ kowenatu tõ tõximõse tãkye toehtohkõme. Otuhtoh konõto tyrise eya xine, tynekarorykõ zahkatohme, tyneponãmarykõ Takõ eahmatohme. Toremiase toto: “Kuepekõkara, Sãsão typoremãkase kyneponãmarykõ Takõ a.”

Juize 16:23 ပူးပေါင်းရင်းမြစ်များ

1 Koronika 10:10

Mame aosewomatoh tarose eya xine tyneponãmarykõ eahmatoh taka, zupuhpyry tymyhse eya xine kakoxi tyneponãmarykõ Takõ eahmatoh tao.

Porowepio 24:17

Atãkyemara exiko oepekara etuarimaryhtao. Tãkye pyra exiko iporemãkary eneryhtao oya.

Jeremia 2:11

Imepỹ nonory põkõ tyritõ onymyakãmara tyneponãmary panõ ke, isene pyra exiketõ ke, tynyrihpyrykõ ke, toponãmasã ajohpe exikety ke. Yrome ypoetory tomo a tymyakãmase ywy, Ritonõpo kurã, Imehxo Exikety tymyakãmase eya xine, toponãmasã panõ ke, tynyrityã ke, isene pyra exiketõ ke, anakorehmara exiketõ ke.

Mikeja 4:5

Imehnõ nonory põkõ tyneponãmarykõ eahmãko mã toto, aomipona roropa mã toto; yrome kymarokomo a Ritonõpo Kuesẽkõme mana. Ynororo eahmãko sytatose, aomipona exikehpyra sytatose, jũme.

1 Korĩtiu 10:20

Yrome etatoko pahne, moro tõsẽ riryhtao joroko zohme, Ritonõpo a moro onekaropyra matose. Joroko tamuru omi poe moro rĩko matose. Yrome joroko tõ poko oexirykõ se pyra ase ipunaka.

Juize 16:22

Yrome zũsety tahtapitose ropa.

1 Samueu 31:9

Mame Sauu zupuhpyry tyhkohse eya xine. Aosewomatoh, metau risẽ tapoise roropa eya xine, zuponỹpyry roropa metau risemy. Mame omi aronanõ taropose eya xine pirixteu tõ patary tõ poro toto zurutohme Sauu orihtopõpyry poko. Mame tyneponãmarykõ eahmatoh tao, ahno rãnao roropa turuse eya xine.