Juize 16:14 - Ritonõpo Omiry: A Bíblia Sagrada na língua Aparai do Brasil

¹⁴ Mame Sãsão tynyhmapose Tarira a. Tynyhse ynororo ahtao zũsety tyrise eya ikahtoh aka, tykahse eya kamisa samo, mame moro tapoipose roropa eya, wewe suimã ke tũpore samo. Moromeĩpo tykohmase ynororo eya: — Sãsão! Pirixteu tõ mokaro oehnõko! Yrome towõse ynororo, wewe suimã touse eya, axĩ zũsety tãtakahpokase ropa.

Juize 16:14 ပူးပေါင်းရင်းမြစ်များ

Saumu 106:43

Tuhke rokẽ typynanohse toto Ritonõpo a, yrome Tosẽkõ rumekary sehxo toh kynexine, yronymyrymehxo tyyrypyrykõ poko se toh kynexine.

Juize 16:13

— Ajohpe rokẽ mase, tykase Tarira. — Jenekunohnõko rokẽ mase, kure kuuruko, jenekunohpyra exiko. Otãto imehnõ omyhnõko nae jamihme pyra oehtohme? Ynara tykase ynororo nohpo a: — Jũsety emero tykahse oya ahtao ikahtoh ke, wewe suimã ke tapoise ahtao tũpore samo, morara ahtao jamihme pyra exĩko ase imehnõ samo.

Juize 16:15

Mame ynara tykase nohpo eya: — Oty katohme: “Opyno ase,” ãko mah ya, Jenekunohnõko rokẽ mase, yse nymyry pyra mase? Putuhtome kyriase oseruao pona. Yrome osekaropyra ro mase ya zae nymyry: oty pokoino imehnõ motye jamihme mahno, zae kuuruko rahkene.