Juize 16:13 - Ritonõpo Omiry: A Bíblia Sagrada na língua Aparai do Brasil

¹³ — Ajohpe rokẽ mase, tykase Tarira. — Jenekunohnõko rokẽ mase, kure kuuruko, jenekunohpyra exiko. Otãto imehnõ omyhnõko nae jamihme pyra oehtohme? Ynara tykase ynororo nohpo a: — Jũsety emero tykahse oya ahtao ikahtoh ke, wewe suimã ke tapoise ahtao tũpore samo, morara ahtao jamihme pyra exĩko ase imehnõ samo.

Juize 16:13 ပူးပေါင်းရင်းမြစ်များ

Juize 14:17

Tyxitase nohpo kokoro rokene. Mame ẽmepyry 7mã po xitakehpyra nohpo exiryke ezuhtoh tokarose eya. Morarame tope tomo a ezuhtoh tokarose roropa nohpo a.

Juize 16:10

Mame ynara tykase Tarira eya: — Etako ke, tuarõ karame jekarõko mase, ajohpe mase. Ajohpãme sã zae osekaroko ya, otãto omyhnõko ha?

Juize 16:12

Naeroro eary tyrisenã tapoise Tarira a, apory tõ tymyhse eya. Mame tykohmase eya: — Sãsão! Pirixteu tõ oehnõko mana! Orutua kõ tonẽse ropa kynexine, imepỹ nyhtoh tao eraximãko rokẽ toh kynexine. Yrome Sãsão a eary tõ tamohmohse, eary pisarara sã tyrise eya.

Juize 16:14

Mame Sãsão tynyhmapose Tarira a. Tynyhse ynororo ahtao zũsety tyrise eya ikahtoh aka, tykahse eya kamisa samo, mame moro tapoipose roropa eya, wewe suimã ke tũpore samo. Moromeĩpo tykohmase ynororo eya: — Sãsão! Pirixteu tõ mokaro oehnõko! Yrome towõse ynororo, wewe suimã touse eya, axĩ zũsety tãtakahpokase ropa.