Juize 15:6 - Ritonõpo Omiry: A Bíblia Sagrada na língua Aparai do Brasil

⁶ Tõturupose pirixteu tomo, ynara tykase toto: — Onoky a tyahkapose moro? Mame zuaro toehse toto, Sãsão a moro tyahkapose imeretamuru a ipyty tapoise ropa exiryke ekarotohme epe a. Naeroro toytose pirixteu tomo, isene ro Sãsão pyty tyahkase eya xine jũ tapyĩ maro.

Juize 15:6 ပူးပေါင်းရင်းမြစ်များ

Porowepio 22:8

Zae pyra ehtoh riryhtao ahno a, otyro puhturu arykary sã mana, imeĩpo atasamãko mana, tuãnohsẽme exĩko imehnõ zehno toehtamitume.

1 Tesaronika 4:6

Jezu poetoryme oexirykõke, osenekunohpyra ehtoko. Imehnõ pyxiã poko pyra ehtoko. Morara kuuruatose pake: “Tomeseke ehtoko. Ritonõpo awãnohtorỹko mana imehnõ nohpo tõ poko awahtao xine,” ynanakene oya xine.

Juize 12:1

Mame orutua kõ, Eparaĩ tõ tõximõse etonatohme. Tuna Joatão takuohse eya xine Zapõ pona, ynara tykase toto Jepete a: — Oty katohme yna onykohmara mexiase oytoryhtao amonita tõ poremãkase? Morara exiryke atapyĩ zahkãko ynanase azahtohme, tykase toto.

Juize 14:15

Tõmehse 4me ahtao ynara tykase toto Sãsão pyty a: — Onio a ezuhtoh ekaropoko zuaro yna ehtohme. Onekaropopyra awahtao omy tapyĩ zahkãko ynanase, zahnõko mase imaro. Oya xine toahmase yna enekunohtohme, yna tinerũ ematonanohtohme, tuaro ynanase.

Juize 15:5

Mame apoto tukase ahtao ipokona xine tutũtanohpose eya pirixteu tõ tupi rãnakuroko tiriiku zahkatohme. Tiriiku isahkatyã tyahkase emero apoto a, otyro tupito tõ po exikety roropa, wewe tõ roropa, oriwera tõ maro emero tyahse kehko.

Juize 15:7

Mame ynara tykase Sãsão: — Morara tyrĩko matou? Ahtao morararo ase: oseremara ase epehmapory poko oya xine, onyrihpyrykõ epehmãko matose.