Juize 15:19 - Ritonõpo Omiry: A Bíblia Sagrada na língua Aparai do Brasil

¹⁹ Mame moroto, pata Rei po, tuna enatyry totapuruhmakase Ritonõpo a, moro ae tuna tutũtase. Tõse Sãsão a, mame toekurãkase ropa ynororo. Moro tuna eutary tosehpase En-Hakoreme. Moroto ro mana seroae ro.

Juize 15:19 ပူးပေါင်းရင်းမြစ်များ

Jenexi 16:13

Mame tyorõme Ritonõpo tosehpase Akara a: “Mã jeneneme Ritonõpo”. Ynara exiryke imaro tõturuse Ritonõpo nenyokyhpyry, tõturupose roropa ynororo tyya rokene: “Ajohpe pyra nae, Mokyro eneno, Jeneneme?” tykase.

Jenexi 28:19

Moro pũto pata kynexine, esety Ruze. Yrome moro tosehpase eya Peteume.

Jenexi 30:30

Oehpyra ro jahtao oeky tõ tuhke pyra nexiase. Yrome seromaroro tuhke tomãse toto. Kure rokẽ tyrise omoro Ritonõpo a yneneryme emero pona toytose jahtao. Seromaroro jytory se ropa ase ypoenõ akorehmatohme, tykase Jako eya.

Jenexi 45:27

Mame turuse ynororo ahtao Joze omihpyry tokarose eya xine. Kahosa tõ eneryke tyya roropa Joze nenehpohpyry aarotohme Ejitu pona, sekese toehse ropa ynororo.

Saumu 110:7

Osema tao tuna ẽnõko tuisa mana iporiry wino, tyjamihtase owõnõko ropa mana, orẽpyra rahkene.

Saumu 120:1

Popyra ehtoh toehse ahtao ya, Ritonõpo Kuesẽkõ tykohmase ya, jomiry totase eya.

Saumu 34:6

Takorehmaneke pyra jahtao tykohtase ywy; totase Ritonõpo a, mame typynanohse ywy eya yyryhmatoh tonõ poe emero.

Saumu 50:15

Kykohmako popyra ehtoh toehse ahtao, opynanohnõko ase, mame jeahmãko mase.”

Exutu 17:15

Moroto apoto apõ tyrise Moeze a. Moro tosehpase eya: “Ritonõpo Kuesẽkõ Jewomaneme mana.”

Izaja 40:26

Enetoko ke kakoxi kapu poko xirikuato tomo. Onoky kynexine mokaro rihpono? Mokyro ynororo, toto tũtanohpone atakenaka, soutatu tõ samo; tuhke toto exiry waro mana, toto esehtõko mana toto esety ae. Ijamitunuru itamurumehxo exiryke aomipona exikehpyra mã kehko.

Izaja 40:29

Totaehse exiketõ jamihtanohpõko ropa mana, tyjamihkehse exiketomo a tyjamitunuru ekarõko mana.

Izaja 44:3

Konopo enehpõko ase ona tonorẽ po, iporiry tõ rĩko ase serere katohme nono tonorẽ poro. Moro saaro Juzenu kuãnõko ase opoenõ pona, apakõ pona roropa, kure ehtoh ekarõko roropa ase apakomo a.

Numeru 20:11

Mame tomary tanỹse Moeze a. Topuimo totatotapase eya asakoro, tymyxiry ke, tuna tutũtase itamurume. Mame tõse ahno a, okyno tomo a, enara.

Juize 15:9

Mame pirixteu tõ toytose osesarise Juta tõ nonory pona, tõsetapase toto pata Rei põkõ maro.

1 Samueu 30:12

Epery fiku tõ asarahtyamo te, uwa epery roropa asarahtyamo tokarose eya. Mame tonahse eya rahkene. Tyjamihtase ropa ynororo.