Juize 15:18 - Ritonõpo Omiry: A Bíblia Sagrada na língua Aparai do Brasil

¹⁸ Mame tutunazehnase Sãsão ipunaka. Ynara tykase ynororo Ritonõpo a: — Orẽpyra tyrise ywy oya Ritonõpo. Ajohpãme sã jorihmapopyra exiko tuna peneryke, jekaropyra exiko mokaro, pirixteu tomo a. Õmiry omipona pyra mokaro mã toto, tyaĩkõpotapihpyry onysahkara roropa mã toto.

Juize 15:18 ပူးပေါင်းရင်းမြစ်များ

Jenexi 20:11

Ynara tykase Aparão eya: — Sero nono põkõ Ritonõpo omipona pyra emero ekaroase repe, jetapãko mã toto ypyty apoitohme typytyme, ekaroase repe.

Jenexi 32:31

Xixi tutũtase, Penieu poe Jako toytose ahtao. Sekunahme toytose ynororo ipety tytemuhmase Ritonõpo nenyokyhpyry a exiryke.

2 Samueu 1:20

Kate põkõ onurupyra ehtoko, Axikerõ põkomo onurupyra ehtoko, tãkye pirixteu ẽxiry tõ exiryino, Ritonõpo waro pyra exiketõ ẽxiry tõ atãkyemaryino.

João 19:28

Morarame toerohtopõpyry otyhkary waro toehse Jezu. Morara exiryke Ritonõpo omihpyry ae ro: — Tuna se hano, tykase ynororo.

Epereu 11:32

Ritonõpo enetupuhnanõ nae ro tuhke. Yrome okynã jexiry toto poko oururukohtao emero, Kiteão poko te, Parake te, Sãsão te, Jepete te, Tawi te, Samueu te, imehnõ urutõ kõ roropa.

Juize 14:3

Mame ynara tykase toto, jumy jẽ maro: — Oty katohme pirixteu tõ nohpory poko mah? Ritonõpo nyripohpyry omipona pyra mã mokaro, jaĩkõpotapihpyry onysahkara exiryke. Kuekyrykõ oryxiã nae. Oty katoh mokaro onenepyra mahno? tykase toto. Yrome ynara tykase Sãsão eya: — Mokyro oryxi se ase, jenuru zamaro exiryke.

Juize 15:17

Imeĩpo moro zemata zehpyry typahse eya. Moroto tosehpase “ypy Zemata Zehpyryme”.

Juize 16:28

Mame tõturuse Sãsão Ritonõpo a, ynara tykase ynororo: — Ritonõpo Jesemy, wenikehpyra exiko ypoko. Ajohpãme sã jamihme kyriko ropa seroae rokene. Kuakorehmako seromaroro pirixteu tõ etapatohme jemỹpotohme jenuru posohkatopõpyry emetakame.

Juize 8:4

Morarame Kiteão tõ toytose 300mãkõ maro tuna Joatão pona. Tãtakuohse toto. Totaehse toh kynexine repe. Yrome topetõkara ekahmãko ro toh kynexine.

1 Samueu 17:26

Mame imehnomo a tõturupose Tawi: — Oty apoĩko mokyro totapase ahtao Izyraeu tõ eunohkehpotohme? tykase Tawi eya xine. — Ritonõpo omipona pyra exiketyme mokyro pirixteu. Imehxo Ritonõpo mana. Ipoetory tõ onyporemãkasaromepyra mokyro mana, tykase Tawi.

1 Samueu 17:36

— Morara tyrise ya reão poko te, uuso poko roropa. Morararo mokyro pirixteu etapãko ase, Ritonõpo omipona pyra exikety, ipoetory tõ poremãkapory se exikety.

1 Samueu 27:1

Morarame Tawi ynara tõsenetupuhse: — Okynã pyra Sauu jetapãko mana. Naeroro kurehxo jepary pirixteu tõ esaka. Mame jupikehnõko mã Sauu Izyraeu tõ esao, morarame osewomãko ase, tykase ynororo.