Juize 14:18 - Ritonõpo Omiry: A Bíblia Sagrada na língua Aparai do Brasil

¹⁸ Morara exiryke ẽmepyry 7mã po kohmãsasaka ahtao, pata põkõ orutua kõ ynara tykase Sãsão a: — Oty anusasamehxo nae, ano zeni. Onoky jamihmehxo nae, reão mokyro? Ynara tykase Sãsão eya xine: — Ypyty onenaroximara awahtao xine, ezuhtoh waro pyra ro mehtory.

Juize 14:18 ပူးပေါင်းရင်းမြစ်များ

2 Samueu 1:23

Sauu maro Jonata, opyno xine toh nexiase. Oximaro toh nexiase isene ahtao, oximaro toorihse toto. Piano tõ motye axĩ toh nexiase, reão tõ motye jamihme roropa.

Saumu 81:16

Yrome oya xine tiriiku kurã ekarory anapyrykõme, ano zeni roropa ekarory oya xine õkurukõme tuesapare oehtohkõ pona.”

Porowepio 30:30

reão te, imehnõ onokyro tõ motye jamihme mana, imehnõ zuno pyra roropa mana;

Ezekieu 1:10

Toiro onokyro 4me ẽmyty nae nexiase oxisã pyra: ipotyryme ahno ẽmyty nae nexiase; apotunuru wino reão ẽmyty sã nexiase; ipozery wino pui ẽmyty sã nexiase; ĩkae piano ẽmyty sã roropa nexiase.

Juize 14:17

Tyxitase nohpo kokoro rokene. Mame ẽmepyry 7mã po xitakehpyra nohpo exiryke ezuhtoh tokarose eya. Morarame tope tomo a ezuhtoh tokarose roropa nohpo a.

Juize 14:19

Mame Ritonõpo Zuzenu poe jamihme toehse Sãsão. Toytose ynororo Axikerõ pona, moroto 30me orutua kõ totapase eya, mokaro zuponỹpyry kurã touse eya ekarotohme mokaro 30mãkomo a, moro tupimã aexihpyry tozuhse eya xine exiryke. Moromeĩpo tumy tapyĩ taka toytose ropa ynororo. Tyekĩtapãse ynororo moro tupimã aexihpyry waro mokaro toehse exiryke.