Juize 14:17 - Ritonõpo Omiry: A Bíblia Sagrada na língua Aparai do Brasil

¹⁷ Tyxitase nohpo kokoro rokene. Mame ẽmepyry 7mã po xitakehpyra nohpo exiryke ezuhtoh tokarose eya. Morarame tope tomo a ezuhtoh tokarose roropa nohpo a.

Juize 14:17 ပူးပေါင်းရင်းမြစ်များ

Jenexi 3:6

Mame moro wewe kure tonese nohpo a, epery roropa kure potu tonese eya, tonahsẽme. Tõsenetupuhse ynororo: “Kure exiry emero zuaro toehse jahtao,” tykase ynororo tyya rokene. Naeroro moro wewe epery tapoise eya, tonahse roropa eya; tokarose eya tynio a, tonahse eya roropa.

Jo 2:9

Morara ahtao ynara tykase ipyty eya: — Zae ehtoh poko roh mah? Popyra Ritonõpo tyriko oorihtohme, tykase ipyty.

Porowepio 7:21

Tõmiry anusasamã ke mokyro tõmipona tyripose eya. Tonekunohse ynororo eya.

Jeremia 9:3

Tahxime ajohpe oturũko mã toto imehnomo a. Ajohpe rokẽ mã toto sero nono po, zae ehtoh poko pyra mã toto. Ynara ãko Kuesẽkõ mana: “Ypoetory tõ popyra ehtoh poko exikehpyra mã toto, Ritonõpome jenetupuhpyra mã toto.”

Mikeja 7:5

Osewomapopyra ehtoko oepe tomo a. Osenekunohpopyra exiko amaro ytoytokety a. Tomeseke exiko õtururu poko opyty a.

Ruka 11:8

— Morarame otarame otuhparo: “Ise, ise,” ãko mase. Morara ahtao otara exĩko hnae moromeĩpo? Etatoko pahne, oepe owõnõko mana wyi ekarose oya. Yrome oepeme toexiry pokoino pyra owõnõko mana, orẽpyra torekohmaryke oya õpenery ekarotohme oya, otuhparo oexiryke. Morara exiryke sã rokẽ owõnõko mana, tykase Jezu eya xine.

Juize 14:16

Naeroro Sãsão pyty toytose tyxitaryme eya, ynara tykase ynororo: — Ypyno nymyry pyra mase! Yse pyra mase! Enetupuhtoh tupimã mekaroase jepe tomo a, yrome ezuhtoh onekaropyra mase ya! — Ezuhtoh onekaropyra exino papa tomo a aja roropa, tykase ynororo. — Oty katohme ezuhtoh ekarõko ha oya?

Juize 14:18

Morara exiryke ẽmepyry 7mã po kohmãsasaka ahtao, pata põkõ orutua kõ ynara tykase Sãsão a: — Oty anusasamehxo nae, ano zeni. Onoky jamihmehxo nae, reão mokyro? Ynara tykase Sãsão eya xine: — Ypyty onenaroximara awahtao xine, ezuhtoh waro pyra ro mehtory.

Juize 16:13

— Ajohpe rokẽ mase, tykase Tarira. — Jenekunohnõko rokẽ mase, kure kuuruko, jenekunohpyra exiko. Otãto imehnõ omyhnõko nae jamihme pyra oehtohme? Ynara tykase ynororo nohpo a: — Jũsety emero tykahse oya ahtao ikahtoh ke, wewe suimã ke tapoise ahtao tũpore samo, morara ahtao jamihme pyra exĩko ase imehnõ samo.

Juize 16:16

Onekaropokehpyra nohpo kynexine kokoro rokene. Sãsão typenekehse moro etary poko tyya.

Juize 16:6

Naeroro Sãsão a tõturupose Tarira, ynara tykase ynororo eya: — Ajohpãme sã, kuruko, oty pokoino imehnõ motye jamihme mah? Omykyry se imehnõ ahtao oporemãkatohme, osewomara oehtohme, oty riry kure jamihme pyra oehtohme? tykase Tarira Sãsão a.