Juize 11:27 - Ritonõpo Omiry: A Bíblia Sagrada na língua Aparai do Brasil

²⁷ Naeroro azahkuru ehtoh onyripyra exiase oya xine. Zae pyra matose õsetaparykõ se awahtao xine yna maro. Ritonõpo zae apiakaneme mana. Zae exiketõ enepõko mana seroae: Izyraeu tomo, amonita tomo, enara.

Juize 11:27 ပူးပေါင်းရင်းမြစ်များ

Jenexi 16:5

Naeroro ynara tykase Sarai tynio a: — Onyrihpyry pokoino jyhtomãko Akara nase. Ywy roro mose ekaroase oya ipoko oehtohme repe; seromaroro poetoẽme toehse toexiryke ymotye kure osekarõko nase, jyhtomãko. Naeroro Ritonõpo a kuapiakary se ase onoky tyyrypyhpyke: ywy, omoro?

Jenexi 18:25

Ahno kurã onetapasaromepyra mase pohnõ maro, iirypyryme pyra toto ahtao. Morara onyripyra exiko. Omoro rokẽ zae sero nono põkõ apiakaneme mase. Zae rokẽ ahno apiakãko mase.

Jenexi 31:53

Ritonõpo, Aparão Esemy, Naoa Esẽ roropa Kuapiakaneme mana. Mame Ritonõpo, tumy Izake Esẽ netaryme, tõmiry totapose Jako a moro omipona ehtohme.

2 Koronika 20:12

Yna Esẽme mase Ritonõpo! Mokaro zuãnohko, jamihme pyra yna exiryke, osewomary waro pyra ynanase, imoihme mokaro soutatu tõ exiryke. Yna poremãkãko mã toto. Yna atakorehmary waro pyra ynanase. Yrome oya osekarõko ynanase. Ajohpãme sã yna akorehmako!

Jo 23:7

Ajohpe pyra exiketyme ase. Otarame osekarõko ase emero porehme inetaryme. Mame jũme rokẽ iirypyryme pyra jekarõko mana.

Jo 9:15

Zae rokẽ jahtao ro onezuhpyra jexiry. Japiakaneme mana; ‘Ajohpãme samo, ypyno exiko,’ ãko rokẽ ase.

Saumu 50:6

Kapuaõkõ emero zae Ritonõpo ehtoh ekarõko mã toto, ynororo apiakaneme exĩko mana.

Saumu 7:11

Zae rokẽ apiakaneme Ritonõpo mana; kokoro rokẽ popyra exiketõ wãnohpõko mana.

Saumu 75:7

Ritonõpo kuapiakatorỹko mana; ynoro rokẽ zae pyra exiketõ apiakãko mana, imehnõ iirypyryme pyra ekarõko mana.

Saumu 82:8

Osehko, Ritonõpo, tuisame exiko sero nono Esẽme. Imeimehnõ nonory põkõ emero okyryryme mã toto, opoetoryme roropa.

Saumu 94:2

Ahno apiakaneme mase emero porehme; owõko, epyrypaketõ epehmako toto nyrihpyry emetakame.

Saumu 98:9

Ynara exiryke, oehnõko mana tõmiry omipona sero nono põkõ ritohme! Ahno tõ emero esẽme exĩko mana sero nono po, zae ehtoh ke toto rohmanohpõko mana, zae rokẽ ehtohme sero nono po.

Ekereziaxti 11:9

Nuasemãkomo, oryximãkõ roropa, atãkyematoko poetome ro awahtao xine. Ise oehtohkõ tyritoko, openetatohkõ okurohtao xine. Yrome ynara wenikehpyra ehtoko: ãpiakatorỹko Ritonõpo mana onyrihpyrykõ poko emero porehme.

Ekereziaxti 12:14

Mame Ritonõpo ẽpataka osekarõko sytatose kynyrihpyrykõ poko emero porehme, tokare pyra tyrise ahtao ro kyya xine: kure ehtopo, popyra ehtoh roropa, enara rokene.

2 Korĩtiu 11:11

“Yna mõkomory apoiry se pyra Pauru nexiase yna pyno pyra exiryke,” kara ehtoko. Opyno xine ase ipunaka. Morara jehtoh waro Ritonõpo mana.

2 Korĩtiu 5:10

Imeĩpo kymarokõ emero Kyrixtu ẽpataka osenepõko sytatose. Kuapiakatorỹko mana kuepehmatohkõme kynyrihpyrykõ epehpyryme. Kure rokẽ kynyrihpyrykõ ahtao sero nono po kurã ke kuepehmatorỹko mana. Yrome popyra kuahtao xine sero nono po, kynyrihpyrykõ epehpyryme rokẽ kuepehmatorỹko mana.

Epereu 12:23

Ritonõpo poenõ osemazuhme aenurutyã maro oximõnõko matose, tãkye exiketõ maro. Mokaro esety mã tymerose moero kapu ao. Ritonõpo maro toehse matose, kuapiakanekõ maro. Imaro tuhke inukurãkatyã zuzenu mana. Kure kuhse tyrise toto eya.

Juize 11:28

Yrome Jepete omiry etary se pyra amonita tõ tuisary kynexine.

1 Samueu 2:10

Ritonõpo Kuesẽkõ zehno exiketõ enahkapõko mana; konomeru ke toto poremãkapõko mana kapu aeino. Sero nono põkõ apiakãko Kuesẽkõ mana emero porehme. Tyjamitunuru ekarõko mana tuisa a. Tuisamehxo, imehnõ esẽme tynymenekahpyry rĩko mana.

1 Samueu 24:12

Ritonõpo kuapiakãko mana, zae pyra exikety wãnohnõko mana. Ynoro rokẽ oepehmãko mana zae pyra onyrihpyry poko ya. Yrome ywy oetapara ase.

1 Samueu 24:13

Ynara katopõpyry ae: “Iirypyrymãkõ zae pyra ehtoh rĩko mã toto.” Yrome ywy kure rokẽ orĩko ase, zae jexiryke.

1 Samueu 24:15

Ritonõpo Izyraeu tõ Esẽ kuapiakãko mana. Zae pyra exikety enetupuhnõko mana. Zae jehtoh enẽko mã ynororo. Jewomãko mana. Ypynanohnõko roropa mana jetapara oehtohme, tykase Tawi eya.

1 Samueu 24:16

Mame tõturukehse Tawi ahtao, ynara tykase Sauu: — Omoro nymyry mahno, umũkuru Tawi? Mame tyxitapitose ynororo.