Jozue 9:8 - Ritonõpo Omiry: A Bíblia Sagrada na língua Aparai do Brasil

⁸ — Opoetorykõme exĩko ynanase ise awahtao xine, tykase toto. — Onokyh matohu? Otokoino moehtou? tykase Jozue eya xine.

Jozue 9:8 ပူးပေါင်းရင်းမြစ်များ

2 Tuisa 10:5

Naeroro tõximõse toto; tuisa tapyĩ konõto erase te, pata tuisary maro te, tamuximãkõ maro, Akape ekyry pyno exiketõ maro. Oximaro omi taropose eya xine Jeu a ynara katohme: “Opoetoryme ynanase. Õmiry omipona se rokẽ ynanase. Yrome tuisa ekyry onymenekara ynanase tuisame tyritohme. Naeroro zae ehtoh oya tyriko,” tykase toto.

Teuteronomiu 20:11

Moro pata põkõ osepeme se toto ahtao, osekaroryhtao oya xine, opoetoryme exĩko mã toto anamotokõme aerohtohkõme õmirykõ omipona.

Jozue 10:6

Mame omi aronanõ tonyohse Kipeão tomo a, Kiukau pona Jozue zuruse: — Yna onurumekara ehtoko! Axĩ ke osehtoko, yna akorehmatokose, yna ewomatokose! Amoreu tõ tuisary tõ emero tõximõse toto yna poremãkapotohme!

Jozue 9:11

Yna tonyohse yna esẽ tomo a yna patary põkomo a roropa atakimatohme tonahsẽ maro yna oehtohme xiaro. Yna tonyohse eya xine ouruse xine, ynara katohme: “Opoetorykõme ynanase exĩko, yna erohtohme, õmirykõ omipona yna ehtohme! Morara exiryke õmirykõ etapoko yna a osepeme kuehtohkõme.”

Jozue 9:23

Morara exiryke, taroino awãnohtorỹko Ritonõpo mana. Opoenõkomo, apakomotyãkõ roropa jũme yna namotome erohnõko matose wewe rakary poko te, tuna puimary poko Ritonõpo tapyĩ kyryryme.

Jozue 9:25

Seromaroro opoetoryme ynanase. Yna tyriko õsenetupuhtoh ae rokẽ azamaro ritohme yna a.

Jozue 9:27

Yrome Izyraeu tõ poetoryme tyrise toto eya wewe akohtohme eya xine, tuna puimatohme roropa eya xine, apoto apõ poko toto erohtohme roropa, Ritonõpo tapyĩ poko roropa, enara. Seromaroro pona ro moro rĩko mã toto, erohnõko mã toto, Ritonõpo nymenekahpyry po, toahmatohme.