Jozue 8:6 - Ritonõpo Omiry: A Bíblia Sagrada na língua Aparai do Brasil

⁶ Mame yna ekahmãko mã toto typatarykõ rumekãko myahme samo. Typoe xine yna epato ekarõko mã toto, yna epatopõpyry sã apitoryme.

Jozue 8:6 ပူးပေါင်းရင်းမြစ်များ

Exutu 14:3

Izyraeu tõ tytahse, ekarõko Ejitu tuisary mana. Ytoytõko rokene, aza rokẽ ahno esao pyra.

Exutu 15:9

Kuepetõkara ynara tykase: “Mokaro ekahmãko sytatose, toto apoĩko sytatose, Imõkomory emero apoĩko sytatose, kymõkomorykõme. Kypyrekõ ke toto poremãkapõko sytatose.”

Ekereziaxti 8:11

Oty katoh axĩ sã rokẽ popyra ehtoh rĩko ahno nae? Otarame axi hkopyra tuãnohse popyra exiketõ exiryke.

Ekereziaxti 9:12

Zuaro ehsaromepyra sytatose otara ahtao typoremãkasẽme exĩko sytatou. Torõ tõ samo toepukase ahtao apoitoh taka, kana sã roropa tomõse ahtao tarãpa aka. Moro sã typoremãkasẽme exĩko sytatose oneraximara kuahtao xine.

Jozue 8:5

Ywy ypoetory tõ maro taroino ytõko ase pata pona. Mame pata Ae põkõ oepyryhtao yna ekahmase, epãko sã ynanase pake ehtopõpyry samo.

Jozue 8:7

Mame tũtãko matose õtonẽtohkõ poe, pata poremãkapose. Ritonõpo Kuesẽkõ moro pata ekarõko kyya xine mana.

Juize 20:32

Ynara tykase toto: — Mokaro poremãkãko sytatose apitoryme kuehtopõpyrykõ samo. Yrome ynara tykase Izyraeu tomo: — Sepatone aporo, kuekahmapotohkõme eya xine osema tõ pona.