Jozue 8:20 - Ritonõpo Omiry: A Bíblia Sagrada na língua Aparai do Brasil

²⁰ Tỹkakoxi xine tõsenuhmase Ae põkõ soutatu tõ ahtao, orexĩto tonese eya xine putoãko kakoxi. Yrome epasaromepyra toh kynexine, tapuruse toexirykõke Izyraeu tomo a.

Jozue 8:20 ပူးပေါင်းရင်းမြစ်များ

Jenexi 19:28

Tõsenuhmase ynororo Sotoma wino te, Komora wino roropa jakanahmã pona roropa. Orexĩto konõto tonese eya onuhnõko nono poe, apoto konõto erexĩtory samo.

Jo 11:20

Yrome popyra exiketõ tỹkakoxi osenuhmãko mã toto, enaromỹke, otonẽtoh zupĩko mã toto epatohme repe. Yrome onenepyra mã toto; toorikyrykõ rokẽ eraximãko mã toto.”

Saumu 76:5

Mokaro soutatu tõ, jamihme exiketõ pyre tarose kehko emero; seromaroro nyhnõko mã toto toorihse, osewomasaromepyra toexirykõke.

Izaja 34:10

Moro apoto onezehkara exĩko mana, erexĩtory onuhkehpyra exĩko roropa mana. Moro nono jũme zahketyme exĩko mana, typahse nono pona, ikuroko jũme ytoytoketõ ytopyra exĩko mana.

Jozue 8:19

Tomary tanỹse ahtao Jozue a, orutua kõ aotonẽtyã towõse axiny, tururume toytose toto pata poremãkase, mame pata tyahkase eya xine.

Jozue 8:21

Pata jahkatopõpyry Izyraeu tomo a eneryke Jozue tomo a, toeramase toto Ae põkõ etapase.

Apokaripxi 18:9

Morarame sero põkõ tuisary tõ ipoko xine aehtyã xitãko mana. Imaro xine tãkye aexityã pata zatyry eneryke tyya xine xitãko mã toto. Apoto erexĩtory eneryke tyya xine xitãko mã toto.

Apokaripxi 19:3

Mame opore ynara tykase ropa toto: — Kure mase, Ritonõpo! Moro pata imehxo aexihpyry zahkehpyra mana. Erexĩtory onuhkehpyra roropa mana jũme, tykase toto.

Juize 20:38

Osemazuhme tõturuse toto otonẽpyra ro toto ahtao, ynara tykase toto: — Zuaro exĩko matose, orexĩto eneryhtao oya xine akurũ sã konõto onuhnõko pata poe,

Juize 20:40

Mame orexĩto tonese akuru sã konõto onuhpitõko pata poe. Tỹkakoxi xine tõsenuhmase Pẽjamĩ tõ ahtao, tõserehse toto, pata tytororo zatyry eneryke tyya xine.

Juize 20:41

Naeroro Izyraeu orutua kõ toeramase toto, mame tonaroxitapãse Pẽjamĩ tomo tonatyrykõ eneryke tyya xine.