Jozue 8:18 - Ritonõpo Omiry: A Bíblia Sagrada na língua Aparai do Brasil

¹⁸ Mame ynara tykase Ritonõpo Jozue a: — Warata potyry tyriko pata Ae wino, moro pata ekarõko ase oya. Moro tyrise Jozue a aomi poe.

Jozue 8:18 ပူးပေါင်းရင်းမြစ်များ

Jo 15:25

Moro sã exĩko emero osepeme se pyra ahtao Ritonõpo maro. Tãtatapoiry se mã ynororo, Ritonõpo Jamihmehxo Exikety poremãkatohme repe.

Jo 39:23

Epozakuroko xine etakinakety sã pyrou ytõko mã kehko, warata tõkehko zemime mã kehko xixi ao.

Exutu 14:16

Omyxiry anỹko tuna epoe. Atapiakãko tuna mana Izyraeu tõ ytotohme nono tonore poro, tuna konõto Tahpiremã rãnakuroko.

Exutu 8:1

Moromeĩpo ynara tykase Ritonõpo Moeze a: — Ytoko tuisa zuruse, kaxiko ynara ãko Ritonõpo eya: “Ah ypoetory tõ nytõ toto sero nonory poe jeahmatohme.

Exutu 8:5

Ynara tykase roropa Ritonõpo Moeze a: — Arão zuruko tymyxiry anỹtohme tuna poro te, iporiry tõ po te, pẽkamã kõ po te, pororu tõ kohmatohme nakuae nono po pororu tuhke ehtohme Ejitu nonory po.

Ezekieu 30:25

Yje! Ejitu tuisary jamihme pyra tyripõko ase, mame Papironia tuisary a yjamitunuru ekarõko ase. Ytapemã ekaroryhtao eya, moro anymyryhtao eya Ejitu winakoxi, zuaro exĩko mã toto emero ywy ase Ritonõpo.

Jozue 8:17

Orutua kõ emero Ae põkõ toytose Izyraeu tõ ekahmase. Pata tapuruhmakase kynexine, soutatu pyra ipunaka kynexine ewomane pyra.

Jozue 8:19

Tomary tanỹse ahtao Jozue a, orutua kõ aotonẽtyã towõse axiny, tururume toytose toto pata poremãkase, mame pata tyahkase eya xine.

Jozue 8:26

Tywaratã onurumekara Jozue kynexine tãtaporamase Ae etonie, morotõkõ emero enahkatoh pona.

Jozue 8:7

Mame tũtãko matose õtonẽtohkõ poe, pata poremãkapose. Ritonõpo Kuesẽkõ moro pata ekarõko kyya xine mana.

1 Samueu 17:41

Mokyro Koria, pirixteu oehnõko nexiase. Akorehmane, aosewomatoh arone esemazupurume oehnõko nexiase. Ameke pyra tooehse ynororo ahtao Tawi a,

1 Samueu 17:45

Mame Tawi a roropa tozuhse myatoko: — Omoro mase oehnõko ya tytapemake te, tywaratake te, typuniãoke, enara. Yrome ywy oya ytõko ase Ritonõpo Imehxo Exikety omi poe. Izyraeu tõ Esẽme Ritonõpo mana, onykerekerematyã Esemy.

1 Samueu 17:6

Jaxiry ewomatoh nae nexiase, metau risemy te, imotary po punião tarose eya metau risẽ roropa.