Jozue 3:4 - Ritonõpo Omiry: A Bíblia Sagrada na língua Aparai do Brasil

⁴ Morara ahtao oesemarykõ waro exĩko matose, sero osema ae ytopitopyra mexiatose. Yrome Ritonõpo omiry ẽ pũtokoxi oehpyra ehtoko; ameke rokẽ ehtoko ewino toiro kirometuru pune.

Jozue 3:4 ပူးပေါင်းရင်းမြစ်များ

Jenexi 31:2

Osepeme hkopyra Rapão ehtoh tonetupuhse roropa Jako a.

1 Koronika 11:2

Pake kutuisarykõme Sauu ahtao, yna esẽme mexiase, soutatu tõ aroneme etonatoh pona. Mame ynara tykase Ritonõpo Kuesẽkõ opoko: “Omoro mase tuisame exĩko, Ritonõpo poetory tõ esẽme,” tykase toto.

Saumu 25:12

Ritonõpo enetupuhnanõ tosẽkõme ipoe tuaro exĩko mã toto tosemarykõ poko zae toehtohkõme.

Saumu 89:7

Ouno mã toto kurãkõ tõximõse ahtao; osenuruhkãko mã toto oeneryke tyya xine.

Exutu 19:12

Ypy zomye enetupuhtoh tyriko ahno ytopyra ehtohme, ypy pona onuhpyra toto ehtohme te, ypy pũtokoxi ytopyra toto ehtohme. Imepyny a tupupuru tyrise ahtao ypy pona, taorihmaposẽme exĩko mana.

Exutu 3:5

Ynara tykase Ritonõpo eya: — Oetypohko moroto! Asãtajã tõ touko. Sero osa jesaryme kurã nase. Mame ynara tykase Ritonõpo eya:

Exutu 4:10

Ynara tykase Moeze Ritonõpo a: — Ritonõpo, moino ro tupime jotururu ya. Seromaroro oturũko mase ya. Yrome morararo ywy, tupime ro ya jotururu. Otupĩko ywy jotururuhtao.

Izaja 30:33

Moino ro osa tukurãkase apoto konõto ritohme, axirio tõ tuisary zahkatohme. Moroto zumo mana, mosa roropa, apotopokõ nae itamurume jahkatohme. Ritonõpo puu katoh ke topu zahkasẽ sã apoto zukãko mana.

Izaja 48:17

Ynara ãko Ritonõpo, Izyraeu tõ Esẽ kurano, toto Pynanohnekomo, typoetory tomo a: “Ywy ase Ritonõpo Oesẽkomo. Ãmorepatorỹko ase kure rokẽ oehtohkõme, zae ehtoh ritohme oya xine.

Jozue 3:3

Ynara tykase toto Izyraeu tomo a: — Ritonõpo omiry ẽ aroryhtao rewita tomo a, oturuketõ eneryhtao oya xine atakimatoko mokaro ekahmatohme.

Jozue 3:5

Ynara tykase Jozue imoihmãkomo a: — Ekurikatoko, oorypyrykõ irumekatoko. Kokoro tyjamitunuru enepõko Ritonõpo mana oya xine.