Jozue 24:23 - Ritonõpo Omiry: A Bíblia Sagrada na língua Aparai do Brasil

²³ Mame tõturuse Jozue eya xine, ynara tykase ynororo: — Morara ahtao imehnõ neponãmarykõ ipahtoko, nae ahtao amaro xine. Zae oehtohkõ enepotoko Ritonõpo a, Izyraeu tõ Esemy a ỹme oehtohkõ poko aomipona oehtohkõ poko.

Jozue 24:23 ပူးပေါင်းရင်းမြစ်များ

1 Tuisa 8:57

Yna maro exikehpyra exiko, Ritonõpo yna Esemy, yna tamuru tõ maro oehtopõpyry samo. Jũme yna onurumekara exiko.

1 Tuisa 8:58

Õmihpyry omipona yna tyriko, zae rokẽ yna ehtohme ise oehtoh samo. Onyripohpyry yna a omipona te, yna tamuru tõ amorepatopõpyry omipona yna ehtohme.

Saumu 119:36

Yna amorepatopõpyry oya omipona se jehtoh tyriko, mõkomo apoiry se jehtoh myakãme.

Saumu 141:4

Kukurãkako zae pyra ehtoh poko se pyra jehtohme, popyra exiketõ maro oximaro pyra jehtohme iirypyrykõ poko. Kuakorehmako ytopyra jehtohme jũme toto otuhtoh konõto pona!

Saumu 81:10

Ywy ase Ritonõpo Oesẽkomo, ya touse amarokomo Ejitu nonory poe. Ẽtakatoko, anahpatorỹko ase.

Exutu 20:23

Imehnõ oneponãmarykõ onyripyra ehtoko parata risemy te, uuru risemy eahmatohme jeahmaryhtao oya xine.

Porowepio 2:2

Tuaro exiketõ omiry etako, atamorepako toto namorepatoh enetupuhtohme oya.

Ozeja 14:8

‘Ynaneponãmary tõ toiparo rokẽ mã kehko, typahsẽme rokene,’ ãko Izyraeu tõ mana. Ywy ase Ritonõpo Oesẽkomo, ypoetory tõ otururu etãko ase; ywy ase toto pynanohneme. Pinieiro wewe isene exikety sã ase toto ewomãko. Ypoe kure ehtoh apoĩko mã toto emero porehme.”

Jozue 24:14

Mame tõturukehse Jozue moro poko. Mame ynara tykase ropa ynororo: — Morara exiryke, seromaroro Ritonõpo omipona ehtoko. Ipoetoryme ehtoko, ỹme ehtoko inyripohpyry omipona. Owenikehtoko imehnõ ritõ kõ poko, atamurukõ neponãmarykõ oneahmara ehtoko; Mesopotamia po toahmase toto eya xine te, Ejitu po, enara.