Jozue 24:21 - Ritonõpo Omiry: A Bíblia Sagrada na língua Aparai do Brasil

²¹ Jozue tozuhse imoihmãkomo a, ynara tykase toto: — Arypyra! Ritonõpo Kuesẽkõ omipona se rokẽ ynanase.

Jozue 24:21 ပူးပေါင်းရင်းမြစ်များ

Exutu 19:8

Mame ynara tykase toto oximõme: — Ritonõpo nyripohpyry rĩko ynanase emero porehme. Mame toto omihpyry tarose Moeze a Ritonõpo a.

Exutu 20:19

Ynara tykase toto Moeze a: — Yna zururuhtao oya etãko ynanase. Yrome yna zururuhtao Ritonõpo a orihnõko ynanase, tykase toto.

Exutu 24:3

Imoihmãkõ zuruse toytose Moeze, Ritonõpo omihpyry emero, inyripohpyry roropa. Mame ynara tykase Izyraeu tõ oximõme: — Ritonõpo omihpyry emero omipona exĩko ynanase.

Exutu 24:7

Mame Ritonõpo papẽ tapoise eya, moro poko tymerose Ritonõpo omihpyry te, inyripohpyry, enara. Moro pape tysekeremase eya imoihmãkõ netaryme. Ynara tykase toto: — Ritonõpo Kuesẽkõ omiry omipona exĩko ynanase, inyripohpyry rĩko ynanase porehme.

Izaja 44:5

“Imeimehnõ Izyraeu tõ maro oximaro exĩko mã toto. Toitoine ynara ãko: ‘Ywy ase Ritonõpo poetoryme;’ imepỹ Jakome osesehpãko mana; imepỹ ropa imerõko mana tomary pokona: ‘Ritonõpo Jesẽme mana;’ imepỹ roropa esehpãko mana Izyraeume tosetyme.”

Teuteronomiu 26:17

Seroae Ritonõpo mekaroatose Oesẽkõme, õmirykõ etapõko roropa matose imaro ytokehpyra oehtohkõme, aomiry omipona exikehpyra oehtohkõme, jũme inyripohpyry tõ oya xine ritohme, emero porehme.

Jozue 24:20

Ritonõpo Oesẽkõ rumekaryhtao oya xine, imeimehnõ ritõ panõ eahmaryhtao oya xine, oehnõko ropa mana awãnohse xine. Oenahkapotorỹko mana, apitoryme typynanohse awahtao xine ro eya.

Jozue 24:22

Ynara tykase Jozue eya xine: — Amarokõ enenanõme matose, etananõme roropa matose. Ritonõpo tymenekase oya xine Oesẽkõme, aomipona oehtohkõme. — Ỹ, enenanõme ynanase! tykase toto.