Jozue 24:2 - Ritonõpo Omiry: A Bíblia Sagrada na língua Aparai do Brasil

² Mame ynara tykase Jozue imoihmãkomo a: — Ynara ãko Ritonõpo, Izyraeu tõ Esẽ oya xine: “Pake atamurukõ moroto kynexine tuna Eupyrati moinõ po, imehnõ ritõ panõ toahmase eya xine. Tera kynexine toiro mokyro, Aparão zumy, Naoa zumy roropa.

Jozue 24:2 ပူးပေါင်းရင်းမြစ်များ

Jenexi 11:22

Mame Seruke 30me jeimamyry taropose ahtao toemũkuase Naoame.

Jenexi 11:24

Mame Naoa 29me jeimamyry taropose ahtao toemũkuase Terame.

Jenexi 11:26

Mame Tera 70me jeimamyry taropose ahtao toemũkuase: Aparãme te, Naoa te, Harã, enara.

Jenexi 11:27

Ynara kynexine Tera mũkuru tomo: Aparã te, Naoa te, Harã, enara. Harã toemũkuase Rome.

Jenexi 31:19

Mokyro Rakeu tõ zumy imepỹ po kynexine erohnõko toky tõ poko kaneru tõ hpoty sahkãko. Mokyro esahpyo tomõse Rakeu itapyĩ taka tumy neponãmarykõ ematonanohse.

Jenexi 31:30

Zuaro ase: omuhpe oexiryke omy tõ poko, toytose omoro. Yrome oty katohme yneponãmary tomatonanohse roropa oya, ytapyĩ taono? tykase.

Jenexi 31:32

Yrome oneponãmary eneryhtao oya yna maro, mokyro, omato etapako. Wekyry tõ neneryme omõkomory eneryhtao oya yna maro, aroko ropa. Tuaro pyra Jako kynexine, Rapão neponãmary enehtopõpyry poko Rakeu a.

Jenexi 31:53

Ritonõpo, Aparão Esemy, Naoa Esẽ roropa Kuapiakaneme mana. Mame Ritonõpo, tumy Izake Esẽ netaryme, tõmiry totapose Jako a moro omipona ehtohme.

Jenexi 35:4

Mame tyneponãmarykõ tokarose eya xine, panasere tõkehko tokarose roropa eya xine. Mame Jako a morohne tonẽse wewe karawario zopikoxi, pata Xikẽ pũto.

1 Koronika 1:27

Aparã, enara. Esety roropa Aparão kynexine.

Izaja 51:2

Atamurukõ Aparão poko osenetupuhtoko, Sara poko roropa onotykomo. Tumũkue pyra ro Aparão ahtao tykohmase ynororo ya, yrome kure rokẽ tyrise ynororo ya tumũkue, typakõke roropa aehtohme tuhke.

Ezekieu 16:3

Kaxiko eya xine, ynara ãko Ritonõpo Oesẽkomo Jerusarẽ põkomo a: — Tonuruse mexiase Kanaã nonory po. Omykõ amoreume kynexine, asa roropa heteiame kynexine.

Ruka 3:34

Juta mokyro Jako mũkuru. Jako mokyro Izake mũkuru. Izake mokyro Aparão mũkuru. Aparão mokyro Tera mũkuru. Tera mokyro Naoa mũkuru.

Teuteronomiu 26:5

Mame Ritonõpo ẽpataka ynara ãko mase: “Ytamuru arameume kynexine, tynonoke pyra exikety. Ejitu pona toytose ynororo tytapyĩ taõkõ maro, moroto ehse katonõme sã rokene, imepỹ nono põme exiketyme. Morotona toytose toto ahtao tuhke pyra toh kynexine, yrome tomãse toh kynexine, tuhke toehse, ahno orẽpyra, jamihme roropa.

Jozue 24:15

Yrome Ritonõpo poetoryme se pyra awahtao xine, imenekatoko seroae ro onoky omipona exĩko matou? Jũme rokẽ imenekatoko: atamurukõ neponãmarykõ, ineahmatyã Mesopotamia nonory po te, amoreu tõ neponãmarykõ sero nono po, oesarykõme toehse seromaroro. Yrome ywy, ytapyĩ taõkõ maro, Ritonõpo Kuesẽkõ omipona exĩko ynanase.