Jozue 24:12 - Ritonõpo Omiry: A Bíblia Sagrada na língua Aparai do Brasil

¹² Oehpyra ro awahtao xine, amoreu tõ tuisary asakoro aropoase mya, ypoe toepase toto enaromỹke. Warata ke pyra, tapemaimo ke pyra roropa, pyrou ke pyra taky maro, opyrekõ ke pyra tonahkase toto.

Jozue 24:12 ပူးပေါင်းရင်းမြစ်များ

Saumu 135:11

Seõ totapase eya, amoreu tõ tuisary, Oke, Pasã tõ tuisary roropa, Kanaã põkõ tuisary tõ roropa emero totapase eya.

Saumu 80:10

Somohmã tõ toxiõtose amoriry tõ jerutumã ke; apupari konõto motye amoriry tõ tahtase.

Saumu 80:9

Nono takorokase oya moro uwa zoko esaryme; imity tõ tomõse mya nono aka, tomãse roropa kehko, moro nono typehkase eya.

Exutu 23:28

Ouno xine oepetõkara ripõko ase. Mame oyoytorykohtao ononorykõ apoitohme heweu tõ aropõko ase te, kananeu tomo te, heteu tõ maro owinoino xine.

Exutu 23:31

Ononorykõ ehpiry rĩko ase Akapa tunary poe tuna Eupyrati pona te, tuna Metiteraneu poe ona tonorẽ pona. Ajamihtanohtorỹko ase imeimehnõ poremãkapotohme oya xine, toto nonory apoitohme oya xine oesarykõme, toto aroporyhtao oya xine.

Numeru 21:31

Naeroro Izyraeu tõ tõsesarise amoreu tõ nonory po.

Numeru 21:32

Moromeĩpo ahno tonyohse Moeze a pata pona, Jazea enetohme. Mame ipatarykõ tapoise eya xine, amoreu tõ tonyohse moro poe eya xine.

Teuteronomiu 31:4

Mokaro ahno enahkapõko Ritonõpo mana Seõ tõ enahkatopõpyry samo, Oke tõ maro, amoreu tõ tuisary tomo, inonorykõ maro.

Teuteronomiu 4:46

toeporehkase toto ahtao jakanahmã pona, pata Pete-Peoa pũto, tuna Joatão poe xixi tũtatoh wino. Moro nono Seõ nonohpyryme nexiase, amoreu tõ tuisary, pata Hexipõ pono. Mokyro typoremãkase Moeze tomo a Izyraeu tõ maro

Teuteronomiu 4:47

inonory apoitohme tyya xine tosarykõme. Moro sã tyrise roropa eya xine tuisa Oke a, Pasã esemy. Moro sã amoreu tõ tuisary asakoro typoremãkase Izyraeu tomo a inonorykõ apoitohme tosarykõme tuna Joatão poe xixi tũtatoh winakoxi.

Teuteronomiu 7:20

Mokaro enepanohpõko Ritonõpo mana owinoino xine, ouno xine toexirykõke. Toto enahkapõko mana aeparykohtao, tõtonẽse toto ahtao owinoino xine.

Jozue 2:10

Zuaro toehse yna tuna konõto Tahpiremã tapiakase ahtao Ritonõpo a, oesemarykõme, Ejitu poe tutũtase awahtao xine. Tuaro toehse yna roropa tuna Joatão moinõkõ etapatopõpyry poko oya xine, amoreu tõ tuisary tõ, etapatopõpyry poko oya xine, soutatu tõ imoihmãkomo.