Jozue 22:31 - Ritonõpo Omiry: A Bíblia Sagrada na língua Aparai do Brasil

³¹ Ynara tykase oturukety Pineia, Ereaza mũkuru Rupẽ tomo a, Kate tõ maro, Manase tõ maro xixi tũtatoh wino exiketomo a: — Seromaroro zuaro toehse yna, Ritonõpo kymaro xine mana, irumekary se pyra oexirykõke. Izyraeu tõ typynanohse oya xine kuãnohpyra xine Ritonõpo ehtohme.

Jozue 22:31 ပူးပေါင်းရင်းမြစ်များ

2 Koronika 15:2

Toytose ynororo tuisa Asa zuruse. Ynara tykase ynororo eya: — Tuisa Asa, Juta tõ maro emero, etatoko pahne! Ritonõpo Izyraeu tõ Esemy amaro xine mana, imaro awahtao xine. Zupiryhtao oya xine osenepõko oya xine mana. Yrome irumekaryhtao oya xine orumekatorỹko roropa mana.

Extara 7:5

Apisua te, Pineia te, Ereaza, enara. Ereaza kynexine Arão, Oturukety imehxo, mũkuhpyryme, enara.

Saumu 68:17

Tykahu tõ tuhkãkõ jamihmãkõ maro Ritonõpo Kuesẽkõ tooehse ypy Xinai poe tosary kurã pona.

Exutu 25:8

Tapyi Kurã tyripoko Izyraeu tomo a jesaryme ehtohme toto rãnao.

Izaja 12:6

Xião põkomo, atãkyematoko, Ritonõpo eahmatoko roropa. Ritonõpo kurano, Jamihmehxo Exikety, Izyraeu tõ Esemy moroto mana typoetory tõ maro osesarĩko mana.”

Zakaria 8:23

Morarame moro ẽmepyry toehse ahtao 10me imeimehnõ nonory põkõ oehnõko mã toto toiro juteu a, ynara kase: “Yna ytory se ynanase amaro Ritonõpo eahmase zuaro toehse yna exiryke, Ritonõpo amaro xine mana.”

Mateu 1:23

“Oryximã poetoẽme exĩko, orutua maro exipitopyra ro tahtao. Mame enurũko mana orutuame, esety Emanueume exĩko,” tykase ynororo Ritonõpo poe pake. (“Emanueu” kary: “Ritonõpo kymaro xine mana” kary epereu omiry ae.)

1 Korĩtiu 14:25

“Kokoro rokẽ yyrypyry xihpyry poko osenetupuhnõko ase,” ãko mokyro mana oya xine. Mame tosekumuru po porohnõko mana Ritonõpo ẽpataka: “Kure mase Ritonõpo, emero motye mase imehxo,” katohme Ritonõpo a. “Ajohpe pyra Ritonõpo taro mana, amaro xine,” ãko roropa oya xine mana.

Jozue 22:30

Mame morara kary etaryhtao tyya xine, oturukety Pineia tomo te, Izyraeu tõ tamuximãkõ maro tãkye toehse ropa toto.

Jozue 22:32

Mame Rupẽ tõ turumekase ropa Kate tõ maro, Kireate nonory po Pineia tomo a, tamuximãkõ maro toytotohkõme ropa Kanaã nonory pona ropa Izyraeu tõ zuruse emero.

Jozue 3:10

Ritonõpo nyriry enẽko matose, tuaro exĩko matose Ritonõpo isene exikety amaro xine mana, ekurehpyra mana kananeu tõ aropory poko owinoino xine, heteu tomo te, heweu tomo, perizeu tomo te, kirikaseu tomo, amoreu tomo te, jepuseu tomo, enara.