Jozue 22:22 - Ritonõpo Omiry: A Bíblia Sagrada na língua Aparai do Brasil

²² — Ritonõpo Imehxo mana! Emero rihpõme mana! Jamihmehxo mana! Emero Esẽme mana. Tuaro mã ynororo oty katoh moro tyrise yna a. Amarokõ roropa tuaro ehtoko. Moro ynanyrihpyry Ritonõpo rumekatohme tyrise yna a ahtao, ah ynanorihxi.

Jozue 22:22 ပူးပေါင်းရင်းမြစ်များ

1 Tuisa 8:39

toto otururu etako. Kapu ao opoetory tõ omiry etako, iirypyrykõ ikorokako, toto akorehmako. Omoro rokẽ ahno kurohtao aosenetupuhtoh waro mase. Zae epehmako toto, inyrihpyry epehpyryme,

Jo 10:7

Zae rokẽ jehtoh waro mase, ypynanohne pyra jexiry waro roropa mase jewomatohme owinoino.

Jo 23:10

Yrome jytojytory waro mana ipunaka; tukuhse jahtao eya, uuru kurã sã exĩko ase ineneryme.

Jo 31:22

ah japory tõ tytahkase nexino, ah japory tõ touse nexĩ kehko ymotary tõ poe.

Saumu 136:2

“Kure mase,” kahtoko Ritonõpo Imehxo Exikety a; kypyno xine exikehpyra mana.

Saumu 37:6

Ajohpe pyra oehtoh ẽmepyry sã tyripõko mana. Zae oehtoh ripõko mana saerehkatoh samo tãxiahtao exikety samo.

Saumu 40:9

Ritonõpo, opoetory tõ oximõmãkõ ẽpataka õmiry kurã ekaroase yna pynanopyry poko oya. Moro omi kurã onekarokehpyra ase, zuaro mase.

Saumu 44:21

moro poko yna ahtao zuaro oexiry, emero ahno osenetupuhtoh waro oexiryke, tokare pyra ahtao ro zuaro mase.

Saumu 44:22

Yrome opokoino kokoro rokẽ yna etapãko mã toto. Yna rĩko mã toto kaneru samo etapatoh taka tarose ahtao osewomara.

Saumu 50:1

Ritonõpo, Jamihmehxo Exikety, Kuesẽkomo, oturũko mana; sero nono põkõ kohmãko xixi tũtatoh wino aomõtoh pona.

Saumu 82:1

Ritonõpo tosao mana kapu po, oximõmãkõ rãnao; ritõ tõ rãnao apiakãko mana:

Saumu 95:3

Kuesẽkõ Ritonõpo Jamihmehxo Exiketyme exiryke, tuisa imehxo imehnõ ritõ kõ motye emero porehme.

Saumu 97:7

Imehnõ neponãmary eahmananõ ehxirõko mã toto; epyrypaketõ tyneponãmarykõ poko ehxirõko mã toto. Ritonõpo Kuesẽkõ ẽpataka emero ritõ tõ tosekumurukõ po porohnõko mã toto.

Exutu 18:11

Seromaroro zuaro toehse ywy. Imehnõ ritõ kõ motye jamihmehxo Ritonõpo mana, Izyraeu tõ typynanohse exiryke eya Ejitu jamitunuru wino, tyyryhmase toto ahtao Ejitu põkomo a.

Jeremia 12:3

Yrome omoro, Ritonõpo juaro mase; ynyriry enẽko mase, ose jehtoh waro mase. Ritonõpo, mokaro itywyhmako kaneru samo etapatoh taka; toto apiakako ikurãkatohme toto etapatoh pona.

Jeremia 17:10

Ywy, Ritonõpo, okurohtao xine enẽko ase, õsenetupuhtohkõ kuhnõko ase. Ahno emero epehmãko ase inyrityã emetakame, zae toto epehmãko ase inyrityã epehpyryme.”

Tanieu 11:36

— Typenetatoh rĩko Xiria tuisary mana. Tuisame imehxo toehtoh poko osekarõko mana, ritõ tõ emero esẽme samo. Epyrypãko mana tuisamehxo toexiry poko, Ritonõpo emero Esẽ kerekeremãko mana. Morara tyrĩko mokyro mana zuãnohtoh pona Ritonõpo a; mokyro wãnohnõko Ritonõpo mana tõsenetupuhtopõpyry ae ro.

Tanieu 2:47

Ynara tykase ynororo Tanieu a: — Ritonõpo Oesẽkõ ajohpe pyra mana, imehnõ ritõ emero motye mana, jamihmehxo mana, tuisa tõ emero esẽme mana. Zuaro toehse ywy, ynoro rokẽ mã tupimãkõ poko ahno tuarõtanohpõko mana, josenehtopõpyry waro tyripose omoro eya, enara.

Mikeja 7:9

Iirypyryme toehse sytatose Ritonõpo neneryme. Naeroro seromaroro kuãnohtohkõ eanahtõko sytatose. Yrome kuapiakatorỹko mana. Zae ehtoh rĩko mana. Saereme ehtoh taka kuarotorỹko mana. Mame typynanohsẽme exĩko sytatose.

Marakia 3:18

Morarame enẽko ropa ypoetory tõ mana: Kure ehtoh poko exiketõ tyoro sã exĩko mana, popyra ehtoh poko exiketõ sã pyra. Jomiry omipona exiketõ tyoro sã exĩko mã toto, jomiry omipona pyra exiketõ sã pyra.

João 21:17

Morarame Jezu tõturupose ropa oseruao: — Ximão ypyno mahno? tykase ropa Jezu eya. Morarame toemynyhmase Peturu: “Ypyno mahno?” katopõpyry oseruao Jezu a exiryke. Ynara tykase ynororo: — Jesẽ mase Jezu. Zuaro mase emero porehme. Opyno jexiry waro mase, tykase Peturu eya. — Morara ahtao ypoetory tõ pyno exiko. Kaneru esẽ toky tõ pyno ehtoh sã ypoetory tõ pyno exiko, tykase ynororo Peturu a.

Atos 1:24

Morarame tõturuse toto Ritonõpo a: — Papa, emero ahno kurohtao enẽko mase. Onoky mymenekano? Yna zuruko onymenekahpyry poko,

Atos 25:11

Kowenu omipona pyra jahtao, imepỹ totapase ya ahtao jetapary se roropa exiry oya xine. Yrome imehnõ onyryhmara jahtao, jekarory se pyra ase eya xine, kowenu omipona jexiryke. Ĩperatu a kuaropoko, Seza a. Imaro rokẽ oturuse jytory se ase, tykase Pauru terekatu a.

2 Korĩtiu 11:11

“Yna mõkomory apoiry se pyra Pauru nexiase yna pyno pyra exiryke,” kara ehtoko. Opyno xine ase ipunaka. Morara jehtoh waro Ritonõpo mana.

2 Korĩtiu 11:31

Ritonõpo zae jehtoh waro mana. “Papa Kapuaono, imehnõ motye kure mase,” kakehpyra sehtone Ritonõpo a, Kuesẽkõ Jezu zumy a.

2 Korĩtiu 5:11

Morara exiryke yna epehmary Ritonõpo a waro yna exiryke zuno ynanase. Naeroro yronymyryme imehnõ amorepãko ynanase, enetupuhtohme eya xine. Toto amorepãko ynanase epehpyry apoitohme pyra. Yna kurohtao enẽko Ritonõpo mana. Kure yna ehtoh waro mana. Zae jehtoh waro oehtohkõ se roropa ase.

Teuteronomiu 10:17

Emero tuisa tõ Esẽme Ritonõpo mana, Kuesẽkomo, kowenu tõ Esẽme, ritõ tõ Esẽme. Imehxo mana, Jamihmehxo Exiketyme, zuno ehtoh kamexiponeme roropa mana. Tõmipona imehnõ ripõko mana. Oxisã imehnõ ripõko mana. Zae rokẽ mana. Imehnõ nekarory anapoipyra mana zae pyra ehtoh tyritohme.

1 Timoteu 6:16

Ynoro rokẽ orihpỹme mana jũme. Saereme konõto esary mana. Xixi motye reh mahna. Imehnõ eya ytosaromepyra mana. Mokyro onenepitopyra sytatose osenepỹme aexiryke. “Kure mokyro mana. Kuesẽkõme mana jũme,” sykatone.

Epereu 4:13

Otonẽsaromepyra sytatose kuenepyra xine Ritonõpo ehtohme. Tynyrityã emero porehme enẽko Ritonõpo mana. Kuykuytorykõ enẽko mana kuosenetupuhtohkõ roropa enẽko mana. Mame imeĩpo Ritonõpo ẽpataka ytõko sytatose emero porehme. Toiroro Ritonõpo ẽpataka osekarõko sytatose kynyrityãkõ poko. Naeroro kytamurukõ ehtopõpyry sã pyra sehtone, Ritonõpo onenetupuhpynõ ehtopõpyry sã pyra. Aomipona sehtone ekurehpyra kuehtohkõme kuomomyrykõ poko Ritonõpo esaka.

Jozue 22:21

Mame mokaro Izyraeu tõ tamuximãkõ tozuhse Rupẽ tomo a, Kate tõ maro, Manase tõ maro xixi tũtatoh wino exiketomo a. Ynara tykase toto:

Apokaripxi 19:16

Zupõ poko roropa esety tymerose jaxiry poko roropa: “Tuisa tõ tuisary, Esẽkõ esemy,” tymerose roropa nexiase.

Apokaripxi 2:23

Ipoenõ etapãko roropa ase, ypoetory tõ emero zuaro ehtohme, imehnõ osenetupuhtoh waro jehtoh waro toto ehtohme, imehnõ penetatoh waro jehtoh waro roropa toto ehtohme. Oepehmatorỹko ase emero porehme onyrihpyrykõ epehpyryme.

1 Samueu 15:23

Kuesẽkõ omihpyry omipona pyra awahtao, popyra mase ipunaka Ritonõpo a, pyaxi omipona oehtoh samo. Imehnõ motye kure oexiry poko oepyryparyhtao, popyra mase Ritonõpo a, imehnõ neponãmary eahmary sã oya. Ritonõpo omiry turumekase oya exiryke turumekase mase Ritonõpo a Izyraeu tõ tuisaryme oehtoh poko.

1 Samueu 2:3

“Kurehxo ase, imehnõ motye,” kara ehtoko epyrypara ehtoko opoko xine. Kuesẽkõ rokẽ tuaro mana, Ritonõpo rokẽ kynyrihpyrykõ apiakãko mana.