Jozue 2:9 - Ritonõpo Omiry: A Bíblia Sagrada na língua Aparai do Brasil

⁹ — Zuaro ase, sero nono tokarose Ritonõpo a Izyraeu tomo a. Oserehnõko ynanase porehme, ouno xine.

Jozue 2:9 ပူးပေါင်းရင်းမြစ်များ

Jenexi 35:5

Morotoino toytose toto ahtao Jako tõ zuno toehse toto, moe pyra roropa imehnõ patary kynexine, Ritonõpo poe toto zuno toehse toto. Morara exiryke Jako tõ onekahmara toh kynexine emỹpotohme.

2 Samueu 17:10

Morara ahtao opoetory, soutatu tõ, orẽpyra toto ahtao ro, reão tõ samo, oserehnõko mã toto. Izyraeu tõ emero omy orẽpyra ehtoh waro, imarõkõ roropa orẽpyra ehtoh waro mã toto.

2 Tuisa 5:15

Morarame toeramase ropa ynororo Eriseu esaka typoetory tõ maro emero. Ynara tykase ynororo eya: — Seromaroro zuaro ase, sero nono po porehme imepỹ Ritonõpo panõ pyra mana ipunaka. Toiro rokẽ mã Izyraeu tõ Esemy; naeroro ajohpãme sã ynekarory apoiko, mõkomo, “Kure mase,” kary se jexiryke oya, tykase ynororo Eriseu a.

2 Tuisa 7:6

Panaikatõ totapose Ritonõpo a Xiria soutatu tomo a imoihmãkõ oepyry samo; soutatu tomo te, kawaru tomo te, kahu tomo oepyry samo. Naeroro ynara tõsenetupuhse toh nexiase; heteu tõ tuisary, Ejitu tõ tuisary maro topehmase Izyraeu tõ tuisary a soutatu tõ enehtohme etonatohme kymaro xine, tykase toto.

Neemia 6:16

Moro waro toehse yna epetõkara ahtao, typoremãse sã toh nexiase. Tonetupuhse eya xine, Ritonõpo a takorehmase yna exiryke moro erohtoh taotyhkanohse yna a rahkene.

Exite 8:17

Emero pata tõ po tuisa nyripohpyry tysekeremase ahtao, tãkye toehse juteu tomo, erohpyra toehse toto, oseahmatohme, otuhtoh konõto ritohme tãtãkyematohkõme. Morararo ajohpe pyra imeimehnõ tuhkãkõ juteume toehse toh nexiase juteu tõ kurũke.

Jo 19:25

Ynara zuaro ase: Jewomane isene mana; etyhpyryme oehnõko mana jewomase sero nono pona.

Saumu 112:10

Moro eneryke popyra exiketomo a tohne exĩko mã toto; mokyro se pyra toh mã repe, osenahkãko rokẽ mã toto. Popyra exiketõ ise ehtoh enahnõko rokẽ mana, arypyra exĩko ropa mana.

Saumu 115:16

Kapu tõ Ritonõpo esaryme mana, ynoro rokẽ Esẽme mana, yrome sero nono tokarose eya ahno a kuesarykõme.

Exutu 18:11

Seromaroro zuaro toehse ywy. Imehnõ ritõ kõ motye jamihmehxo Ritonõpo mana, Izyraeu tõ typynanohse exiryke eya Ejitu jamitunuru wino, tyyryhmase toto ahtao Ejitu põkomo a.

Exutu 23:27

— Oepetõkara rĩko ase enaromỹke, juno toto ehtohme. Tuaro pyra toto rĩko ase, otupĩko mã toto imaro xine õsetaparykohtao. Owino xine oepetõkara enepanohpõko ase.

Ekereziaxti 8:12

Popyra exikety otarame 100me popyra ehtoh rĩko mana, morarame isene ro mana. Zuaro ywy, ynara ãko imehnõ mana: “Ritonõpo omiry omipona awahtao emero kure exĩko oya mana,

Izaja 19:1

Sero omi mã Ejitu wãnohtoh poko. Akurũ po Ritonõpo ytõko mana Ejitu pona axiny. Ejitu põkõ neponãmarykõ tykytyky ãko Ritonõpo ẽpataka, Ejitu põkõ enaromỹke exĩko.

Izaja 23:5

Ejitu põkõ ihnamõko roropa mã toto zuaro toehse toto ahtao Tiro tõ enahkatopõpyry poko.

Jeremia 27:5

— Ywy, yjamitunuru ke, tyriry waro jexiryke sero nono rine, ahno maro onokyro tõ maro okyno tõ maro isene exiketõ emero sero nono po; morohne ekarory se jahtao ekarõko ase imehnomo a.

Naum 2:10

Pata Niniwe tonahkase, turumekase, patãpome toehse! Ikurohtao xine enaromỹke, esekumurukõ tykytyky ãko, tyjamihkehse mã toto. Ẽmytykõ karimutume mã toto.

Numeru 20:14

Morarame pata Kate poe, tõmiry aronanõ tonyohse Moeze a Etõ tuisary a ynara katohme: — Sero omi oekyry tõ poe mana, Izyraeu tõ poe. Zuaro mase yna etuarimatopõpyry poko emero.

Numeru 20:24

— Arão omõpyra mana moro nono pona, ynekarory pona Izyraeu tomo a. Orihnõko mana ynara exiryke: tuna poko Meripa po jomiry omipona pyra mexiatose.

Mateu 20:15

Morara jahtao zae ro ase. Ytinerũ ekarory se jahtao ekarõko ase, ytinerũme exiryke. Imehnõ zumoxike hmatohu toto epehmaryke ya, eya xine ytinerũ ekaroryke ya?” tykase eya tupito esemy, tykase Jezu eya xine.

Teuteronomiu 11:25

Emero rokẽ pona oytorykohtao, ouno xine mokaro tyripõko Ritonõpo mana tõmihpyry ae ro; oporemãkasaromepyra exĩko ropa mã toto.

Teuteronomiu 2:25

Ynara tykase roropa Ritonõpo ya: “Taroino ahno tõ emero ouno xine tyripõko ase, sero nono po. Enaromỹke exĩko mã toto, tykytyky ãko mã toto ahno otururu etaryke opoko xine.”

Teuteronomiu 28:10

Ritonõpo poetoryme oehtohkõ waro exĩko imehnõ ahno tõ emero sero nono po ouno xine exĩko roropa mã toto.

Teuteronomiu 32:8

Ahno tapiakase ahtao Ritonõpo Imehxo Exikety a, nono tokarose eya xine esarykõme, tynenyohtyã tymenekase eya toto esẽme ehtohme.

Epereu 11:31

Raape orutua kõ poko aexihpyry kynexine repe. Yrome Ritonõpo enetuputyryke tyya Jozue nenyohtyã towomase eya, Jeriko enese toytose toto ahtao. Naeroro typynanohse roropa ynororo Ritonõpo a. Orihpyra tokurehse ynororo Ritonõpo onenetupuhpynõ totapase ahtao.

Jozue 2:11

Morohne waro toehse yna ahtao, typoremãse ynanase, enaromỹke toehse yna opoko xine. Ritonõpo Oesẽkõ kapu esẽme mana. Sero nono esẽme roropa mana.

Jozue 2:24

Mame etyhpyryme ynara tykase toto: — Tuaro toehse ynanase. Sero nono emero ekarõko Ritonõpo kyya xine mana. Moro põkõ emero enaromỹke mã toto, kunoxine mã toto.

Jozue 2:8

Nyhpyra ro enenanõ ahtao, tõnuhse Raape tapyi mypatarãnaka oturuse eya xine, zara po. Ynara tykase ynororo:

Jozue 5:1

Morarame Joatão tunary tãpaikapose Ritonõpo a Izyraeu tõ atakuohtohme, kary totase ahtao amoreu tuisary tomo a, Joatão poe xixi omõtoh wino exiketomo, kananeu tuisary tomo a roropa tosarykõ po tahtao xine tuna konõto ehpio, enaromỹke toehse toto. Izyraeu oepyry zuno toehse roropa toto, typoremãse toto.

Jozue 6:2

Ynara tykase Ritonõpo Jozue a: — Etako ke! Pata Jeriko ekarõko ase oya, ituisary maro te, soutatu tõ jamihme exiketõ maro.

Jozue 9:10

Tuaro toehse roropa yna amoreu tõ enahkapotopõpyry poko eya tuna Joatão poe xixi tũtatoh wino, Seõ etapatopõpyry poko, Hexipõ esemy, Oke etapatopõpyry poko roropa Pasã esemy, Axitarote põ aexihpyry.

Jozue 9:24

Ynara tykase toto Jozue a: — Moro sã tyrise yna a tuaro toehse yna exiryke Ritonõpo nyripohpyry poko Moeze a, sero nono ekarotoh poko porehme Izyraeu tomo a, sero nono põkõ etapatoh poko roropa emero. Moro sã toehse yna ouno xine exiryke, yna orikyry zuno.

Jozue 9:9

Ynara tykase mokaro Kipeão põkomo: — Opoetoryme ynanase. Tooehse yna moino ipunaka, yna esary poe, totase yna exiryke Ritonõpo Oesẽkõ poko. Tokãtose emero inyrihpyry poko Ejitu po.

Juize 7:14

Ynara tykase epe: — Kiteão tapemã moro kynako, Izyraeume exikety, Joaxi mũkuru! Ynara kary se õsenety: “Ritonõpo kuekarotorỹko mana eya, kymarokõ soutatu tõ emero porehme!”