Jozue 19:32 - Ritonõpo Omiry: A Bíblia Sagrada na língua Aparai do Brasil

³² Mame nono tokamose ropa 6me ehtopo Napatari tõ, oxiekyry tõ esaryme.

Jozue 19:32 ပူးပေါင်းရင်းမြစ်များ

Jenexi 35:25

Pira maro Rakeu poetory toemũkuase asakoro: Tã te, Napatari, enara.

Jenexi 49:21

“Napatari kapau sã exĩko mana, jarao tururume ytokety samo, tumũkue nupunato exikety samo.

1 Tuisa 4:15

Aimaa, typytase Pasemate maro, Saromão ẽxiry imepyny: Napatari nonory po.

Mateu 4:13

Yrome okynã pyra kynexine Nazare po. Toytose ynororo Kapanaũ pona, ikuhpo ehpikoxi, Karirea ehpikoxi. Zepurõ pata moe pyra kynexine. Napatari pata moe pyra roropa kynexine.

Teuteronomiu 33:23

Napatari tõ poko ynara tykase ynororo: “Kure rokẽ Napatari tõ tyrise Ritonõpo a. Inonoryme exĩko ikuhpo Karirea poe, ikurenaka.”

Jozue 19:31

Morohne tapoise Asea tõ oxiekyry tomo a tosarykõme.

Jozue 19:33

Inonory moroto kynexine pata Herepe poe, wewe zaraimo Zaananĩ poe, mya Atami-Nekepe pona, Japaneeu maro, mya Rakũ pona, mya ropa tuna Joatão pona.

Juize 1:33

Pete-Seme põkõ te, Pete-Anate põkõ roropa anaropopyra Napatari tõ toehse. Kanaã põkõ maro Napatari tõ toehse. Yrome tyrohmanohpose toto eya xine.

Juize 4:6

Mokyro a Parake, Apinoão mũkuru tonehpose tyya, pata Ketese po ynororo ahtao, Napatari nonory po. Ynara tykase ynororo eya: — Ritonõpo, Izyraeu tõ Esẽ mã ynara tyripõko oya: “10 miume orutua kõ imenekako Napatari tõ wino Zepurõ tõ wino roropa, toto arotohme ypy Tapoa pona.