Jozue 19:18 - Ritonõpo Omiry: A Bíblia Sagrada na língua Aparai do Brasil

¹⁸ Inonorykõ maro pata tõ kynexine: Jezereu te, Kesurote te, Sunẽ te,

Jozue 19:18 ပူးပေါင်းရင်းမြစ်များ

2 Samueu 2:9

Moroto tuisame Ixiposete tyrise Apinea a, Kireate nonory esẽme te, Asea maro te, Jezereu roropa te, Eparaĩ maro te, Pẽjamĩ roropa te, Izyraeu tõ emero esẽme ehtohme.

1 Tuisa 1:3

Mame Izyraeu tõ pata tõ poro oryximã tupise eya xine ahtao, Apisake tonese eya xine, Sunẽ pono. Tonehse ynororo tuisa a.

1 Tuisa 2:17

Ynara tykase ynororo: — Ekaropoko Saromão a Apisake, oryximã Sunẽ pono ypytyme ehtohme. Onekaropohpyry etãko Saromão mana. “Arypyra,” kara ynororo oya. Moro waro ase, tykase.

1 Tuisa 2:21

Mame Pate-Sepa ynara tykase: — Apisake ekaroko orui Atonia pytyme, tykase.

1 Tuisa 21:1

Mame tapyi konõto nae tuisa Akape kynexine Jezereu po. Moe pyra moro tapyi poe imepỹ tupi kynexine, uwa zoko ke tarykase. Moro tupito esẽ Napote kynexine.

2 Tuisa 4:12

Mame typoetory Keazi tonyohse eya mokyro nohpo kohmase. Tooehse ynororo ahtao,

2 Tuisa 4:8

Morarame toytose Eriseu Sunẽ pona. Moroto nohpo kynexine tymõkomoke exikety. Toahmase ynororo eya otuhtohme. Mame morotoino toytose ropa Eriseu ahtao Sunẽ pona ytosene itapyĩ taka otuhse.

2 Tuisa 8:29

Naeroro toytose ropa ynororo pata Jezereu pona aekurãkatohme ropa. Mame Akazia toytose roropa morotona mokyro enese.

2 Tuisa 9:30

Morarame Jeu toeporehkase Jezereu pona. Inyrihpyry poko totase Jezapeu a. Tõmyty tonohse eya, tonuru tõkehko, tũsety tokurinase eya. Toexikihmase ynororo tuisa tapyĩ konõto tao kaino osema enẽko osenuhmatoh ae.

Jozue 15:56

Jezereu te, Jokoteão te, Zanoa te,

Jozue 17:16

Ynara tykase toto: — Moro ypy tõ nonory yna pune pyra mana. Yrome kananeu tõ nono amimomã po tykahuke mã toto kurimene risẽ ke, mokaro Pete-Sã põkomo te, pata tõ pisarara põkõ roropa, jakanahmã Jezereu põkomo, enara.

Jozue 19:17

Mame nono tokamose ropa 4me ehtopo, Isakaa tõ nonoryme.

Jozue 19:19

Haparaĩ te, Seõ te, Anakarate te,

1 Samueu 28:4

Mame pirixteu tõ tõximõse toto pata Sunẽ pũto, moroto tõsesarise toto. Sauu a Izyraeu tõ tykohmase aosesaritohkõme ypy Kiupoa pona.