Jozue 17:4 - Ritonõpo Omiry: A Bíblia Sagrada na língua Aparai do Brasil

⁴ Toytose toto oturuse oturukety Ereaza maro, Jozue maro, tamuximãkõ maro. Ynara tykase toto eya xine: — Ritonõpo a Moeze nono tokamopose orutua komo a rokẽ pyra. Yna a roropa nono zokonaka tokarose eya yna esaryme ehtohme. Naeroro Ritonõpo nyripohpyry ae ro nono tapoise eya xine tosarykõme.

Jozue 17:4 ပူးပေါင်းရင်းမြစ်များ

Numeru 27:1

Manase ekyry tõ maro nohpo tõ atakorõmãkõ omame nae nexiase: Makara, Noa, Hokara, Miuka, Tiriza, enara. Jũkõ Zeropeate nexiase, Hepea mũkuru, Kireate pary, Makia pary mũkuru, Manase pary, Joze mũkurume Manase kynexine.

Numeru 27:4

Yna zumy tuenikehse ahtao Izyraeu tõ rãnao, tumũkue pyra exiryke orutuame zae pyra exiry. Nono ekaroko yna a papa ekyry tõ maro, yna esaryme.

Numeru 36:10

Naeroro Makara, Tiriza, Hokara, Miuka, Noa maro, Zeropeate ẽxiry tomo Ritonõpo nyripohpyry omipona toehse toh nexiase. Tyniotase toh nexiase tumykõ ekyry mũkuru tõ maro.

Karaxia 3:28

Seromaroro juteu tõ oxisã Ritonõpo a mana juteutõkara maro. Imehnõ namoto tõ oxisã roropa mana tamoreme sã erohketõ maro. Orutua kõ oxisã roropa mana nohpo tõ maro. Oxisã matose Ritonõpo a Jezu Kyrixtu maro awahtao xine.

Jozue 14:1

Ynara kynexine, Izyraeu tõ napoihpyry, tosarykõme Kanaã po. Moro nono tapiakase Jozue tomo a Ereaza maro, Izyraeu tõ tamuximãkõ maro. Ereaza Ritonõpo maro oturuketyme kynexine.

Jozue 17:5

Moro pokoino nono tapoise kehko Manase tomo a, Kireate te, Pasã maro Joatão poe xixi tũtatoh wino. Imepỹ nono tapoise roropa eya xine 10me, Joatão poe xixi omõtoh wino.

Jozue 21:1

Mame rewita tõ tamuximãkõ toytose pata Xiro pona, Kanaã nonory pona. Tõturuse toto oturukety Ereaza tõ maro, Jozue, Num mũkuru maro, Izyraeu tõ tamuximãkõ maro. Ynara tykase toto: — Ynara tyripose Ritonõpo a Moeze a, pata tõ ekarotohme yna a, yna esaryme ehtohme, ona maro yna eky tõ nahpatohme, pata tõ zomye.