Jozue 17:18 - Ritonõpo Omiry: A Bíblia Sagrada na língua Aparai do Brasil

¹⁸ Moro ypy nonory oesarykõme exĩko mana. Itume ahtao ro, akohnõko matose, akorokãko roropa matose oesarykõme ehtohme etyhpyry poe etyhpyry pona. Kanaã põkõ aropõko matose kurimene risẽ ke tykahuke toto ahtao ro, jamihme roropa toto ahtao ro toto aropõko matose.

Jozue 17:18 ပူးပေါင်းရင်းမြစ်များ

Jenexi 49:24

Yrome poremãpyra mana. Ipyre jamihme emary po mana. Aporykõ jamihme ro tyjamihtanohse Ritonõpo a, jamihme Exikety a, Jako Esemy a; Esety Topuimo, Izyraeu Ewomane.

2 Samueu 18:6

Morarame toytose toto osetapase Izyraeu tõ maro. Tõsetapase toto itu htao Eparaĩ po.

Romanos 8:31

Morohne poko osenetuputyryhtao ynara ãko ase: “Ritonõpo kuakorehmanekõme ahtao, poremãnõko rokẽ kyzehnotokõ mana.”

Romanos 8:37

Yrome morohne toehse ahtao ro kyporemãkapopyra xine mã toto. Tãkye ro sytatose kuetuarimarykohtao ro Kyrixtu kypyno xine exiryke.

Teuteronomiu 33:17

Kure potu mana pui orutua wãtasenãme exikety samo, tyretyke exikety samo. Iretyry mã miu motye Manase pakomotyamo, tuhke miumãkõ roropa Eparaĩ pakomotyamo. Mokaro maro Joze tõ osetapãko topetõkara maro, toto purohmãko mana sero nono poro porehme.”

Epereu 13:6

Naeroro oserehpyra sehtone. Ynara sykatone: “Jakorehmaneme Kuesẽkõ mana. Naeroro oserehpyra ase. Yyryhmananõ zuno pyra ase roropa.”

Jozue 13:6

Mame etyhpyryme mã xitonio tõ nonory roropa ypy tõ po, ypy tõ Ripano poe Mixirepote-Maĩ pona. Mokaro aropõko ase tosarykõ poe morotona oytorykohtao. Nono apiakako seromaroro, nono esẽme Izyraeu tõ ehtohme, jomihpyry ae ro.

Jozue 15:9

Morotoino Juta tõ nonory kynexine ypy emory poe mya tuna enatyry tõ Nepetoa pona, morotoino pata tõ pona ypy Eporõ pũtokoxi. Morotoino toeramase ropa Paara pokoxi (Kiriate-Jearĩ roropa).

Jozue 17:17

Mame ynara tykase Jozue Eparaĩ pakomotyamo a Manase pakomotyã maro: — Ajohpe pyra, tuhke matose, jamihme roropa. Zokonaka toiro rokẽ pyra esãme exĩko matose.

Jozue 20:7

Ynara tymenekase eya xine pata tõme: Ketese, Karirea nonory po, ypy tõ nonory po Napatari po te, Xikẽ, ypy tõ nonory po Eparaĩ po te, Kiriate-Arapa, (Eperõ) ypy tõ nonory po Juta po.

1 Samueu 1:1

Orutua kynexine Eparaĩ põ paryme, esety Eukana. Ipatary Rama kynexine, ypy tõ rãnao kynexine Eparaĩ. Jeroão mũkurume kynexine, Eriu paryme roropa. Eriu Tou mũkurume kynexine, Zupe paryme roropa.