Jozue 14:9 - Ritonõpo Omiry: A Bíblia Sagrada na língua Aparai do Brasil

⁹ Morarame ynara tykase Moeze ya: “Karepe, zae mexiase Ritonõpo Jesẽ omipona. Morara exiryke tuaro exiko, nono esẽme exĩko mase, opoenõ maro jũme. Emero tutũmase oya ahtao oesarykõme exĩko mana.”

Jozue 14:9 ပူးပေါင်းရင်းမြစ်များ

Saumu 37:9

Ritonõpo Kuesẽkõ enetupuhnanõ mã kure rokẽ exĩko inekarohpyry po kuesarykõme. Yrome popyra exiketõ mã taroposẽme exĩko mã toto.

Numeru 13:22

Toytose toto nono ikurenae poro Eperõ pona. Moroto anakĩ tõ nexiase ahno konõto pakomotyamo: Aimã te, Sesai te, Taumai, enara. (Eperõ pata tyrise kynexine osemazuhme, okomino 7me jeimamyry taropose ahtao pata Zoã tyrise Ejitu po.)

Teuteronomiu 1:36

Karepe rokẽ, Jepone mũkuru moro nono kurã enẽko mana. Jomihpyry omipona anamonohpyra nexiase ynororo. Naeroro nono ekarõko ase eya, ipakomotyamo a roropa, epona aytotopõpyry.”

Teuteronomiu 11:24

Oesarykõme exĩko moro nono, emero epona oytorykohtao, ona tonorẽ poe, ikurenae, ypy tõ Ripano pona, inikahpozakoxi; Eupyrati tunary poe, xixi tũtatoh wino, tuna konõto Metiteraneu pona, xixi omõtoh wino.

Jozue 1:3

Jomihpyry ae ro ynara ase Moeze a, sero nono ekarõko ase oesarykõme, epona oytorykohtao.

Jozue 14:10

Tõturuse ro Karepe: — Seromaroro eneko ke! Moro turuse Ritonõpo a Moeze a pake. Morotoino 45me jeimamyry taropose. Izyraeu tõ toytoytose ona poro ahno esary poro pyra. Ritonõpo a typynanohse ywy. Isene ase seroae ro. Kueneko! 85me jeimamyry nae ase.

Juize 1:20

Moeze nyripohpyry ae ro pata Eperõ tokarose Karepe a. Moro poe Anake mũkuru tõ oseruao taropose eya.