Jozue 14:10 - Ritonõpo Omiry: A Bíblia Sagrada na língua Aparai do Brasil

¹⁰ Tõturuse ro Karepe: — Seromaroro eneko ke! Moro turuse Ritonõpo a Moeze a pake. Morotoino 45me jeimamyry taropose. Izyraeu tõ toytoytose ona poro ahno esary poro pyra. Ritonõpo a typynanohse ywy. Isene ase seroae ro. Kueneko! 85me jeimamyry nae ase.

Jozue 14:10 ပူးပေါင်းရင်းမြစ်များ

Saumu 107:4

Toitoine toytose toh nexiase tytahse ona tonorẽ poro, pata onenepyra tokurehse toto tosarykõme.

Saumu 91:7

Miume ahno totapase ahtao opũto, 10 miumãkõ totapase ahtao õmye, oryhmara exĩko mana.

Numeru 14:30

Jomihpyry totapose ya moro nono ekarory poko oya xine oesarykõme. Yrome amarokõ emero omõpyra matose moro nono pona. Karepe rokẽ Jepone mũkuru, Jozue maro, Num mũkuru ytõko mã toto moro nono pona.

Numeru 14:38

Mokaro 12mãkõ, nono enese aytotyã wino, Jozue rokẽ Karepe maro tõxinamase isene ro.

Jozue 11:18

Okynahxo toehse ynororo totonarykõ poko.

Jozue 13:1

Mame tamuhpõme toehse Jozue ahtao ynara tykase Ritonõpo eya: — Tamuhpõme mase toehse, nono nae ro nase itamurume anapoipynomo.

Jozue 14:11

Pake jehtopõpyry saaro ase jamihme ro sero nono enese jenyohtopõpyry saaro. Orẽpyra ase etonatoh poko jerohtoh poko roropa.

Jozue 14:9

Morarame ynara tykase Moeze ya: “Karepe, zae mexiase Ritonõpo Jesẽ omipona. Morara exiryke tuaro exiko, nono esẽme exĩko mase, opoenõ maro jũme. Emero tutũmase oya ahtao oesarykõme exĩko mana.”