Jozue 13:27 - Ritonõpo Omiry: A Bíblia Sagrada na língua Aparai do Brasil

²⁷ Jakanahmã Joatão po esarykõ ynara kynexine: pata Pete-Arã te, Pete-Ninira, Sukote te, Zapõ te, imehnõ pata tõ maro, Seõ patahpyry tomo Hexipõ tuisahpyry. Kate tõ esary ehpio xixi omõtoh wino tuna Joatão kynexine, ikuhpo Karirea pona inikahpozakoxi.

Jozue 13:27 ပူးပေါင်းရင်းမြစ်များ

Jenexi 33:17

Yrome Jako toytose Sukote pona. Moroto tõsesarise ynororo. Tapyi tyrise eya tytapyĩme. Tapyi tõ tyrise roropa eya toky tõ tapyĩme. Morara exiryke moroto tosehpase eya xine Sukoteme.

1 Tuisa 7:46

Mame tuisa omi poe morohne tyrise eya tyritoh tao irãnao Sukote poe Saratã pona, jakanahmã Joatão ehpio.

Saumu 60:6

Tytapyĩ tao ynara tykase Ritonõpo: “Typoremãkase toto ahtao Xikẽ patary apiakãko ase, jakanahmã Sukote roropa apiakãko ase ypoetory tõ esaryme ehtohme.

Numeru 32:3

— Sero nono typoremãkase Ritonõpo Kuesẽkomo a, Izyraeu tõ esaryme, pata Atarote te, Tipõ te, Jazea te, Ninira te, Hexipõ te, Ereau te, Sepã te, Nepo te, Peõ, enara; sero nono kure mana pui tõ nahpatohme. Tokyke ynanase tuhke pui tõkehko.

Numeru 32:36

Pete-Ninira te, Pete-Harã. Apuru tõ tyrise eya xine moro pata tõ apurume, okyno tõ apurutoh roropa.

Numeru 34:11

Mame Sepã poe ytõko Ripira pona, Aim poe xixi tũtatoh wino. Morotoino ononorykõ ehpio yhtõko ikuhpo Karirea ehpikuroko xixi tũtatoh wino.

Ruka 5:1

Morarame Kenezare ikuhpo esety kynexine. Moro ehpio Jezu kynexine, imehnõ amorepãko Ritonõpo omiry poko. Ahno tuhke kynexine. Epuepurohmãko toh kynexine, Jezu omiry etary se toexirykõke.

Teuteronomiu 3:17

Xixi omõtoh wino inonorykõ ytõko tuna Joatão pona, ikuhpo Karirea poe inikahpozakoxi, tuna konõto Aorikyhpyry poe ikurenaka, ypy Pixika myhtokoxi xixi tũtatoh wino.

Jozue 11:2

Ypy põkõ tuisary tomo a inikahpoe tõmiry aronanõ tonyohse eya te, jakanahmã Joatão põkõ tuisary tomo a te, ikuhpo Karirea poe ikurenaka pata põkõ tuisary tomo a tuna konõto ehpio, Toa pũto.

Jozue 12:3

Jakanahmã Joatão poe xixi tũtatoh wino, tuisa Seõ nonory kynexine ikuhpo Karirea poe ikurenaka Pete-Jeximote wino. Tuna konõto Aorikyhpyry poe xixi tũtatoh wino, ikurenaka ypy Pixika myhtokoxi.

Jozue 13:26

Inonorykõ kynexine Hexipõ poe Rama-Mixipa pona, Petonĩ maro, Maanaĩ poe roropa Ro-Tepaa ehpikoxi.

Jozue 13:28

Moro pata tõ tokarose Kate põkõ nonoryme toto esaryme ehtohme.