Jozue 12:24 - Ritonõpo Omiry: A Bíblia Sagrada na língua Aparai do Brasil

²⁴ Tiriza te, atapona tuhke exiry 31me. Moro põkõ tuisa tõ typoremãkase Jozue tomo a.

Jozue 12:24 ပူးပေါင်းရင်းမြစ်များ

1 Tuisa 14:17

Mame toytose ropa Jeropoão pyty Tiriza pona. Toeporehkase ynororo ahtao tytapyĩ taka, imũkuru toorihse.

1 Tuisa 16:23

31me jeimamyry taropose Asa ahtao Juta tõ esẽme, Oniri Izyraeu tõ tuisaryme toehse. 12me jeimamyry taropose eya tuisame toexiry poko. Apitoryme 6me jeimamyry taropose eya Tiriza po.

2 Tuisa 15:14

Morarame Menaem, Kati mũkuru toytose pata Tiriza poe Samaria pona Sarũ etapase. Mame totapase Sarũ ahtao, imyakãme toehse ynororo tuisame.

2 Koronika 34:1

8me jeimamyry nae Joxia kynexine tuisame toehse ahtao Juta tõ esẽme. Mame 31me jeimamyry taropose eya tuisame ehtoh poko Jerusarẽ po.

Neemia 9:24

Kanaã nonory typoremãkase eya xine; oya morotõkõ typoremãkapose. Opoetory tomo a, ajamitunuru mekarone, typenetatohkõ ritohme Kanaã põkomo a, ituisary tomo a roropa.

Saumu 135:11

Seõ totapase eya, amoreu tõ tuisary, Oke, Pasã tõ tuisary roropa, Kanaã põkõ tuisary tõ roropa emero totapase eya.

Teuteronomiu 7:24

Mokaro tuisary tõ ekarõko roropa Ritonõpo mana oya xine. Toto etapãko matose, toto esety poko wenikehnõko imehnõ mana. Oepetõkara emero poremãkapõko matose; oporemãkasaromepyra exĩko mã toto.