Jozue 10:13 - Ritonõpo Omiry: A Bíblia Sagrada na língua Aparai do Brasil

¹³ Xixi totypohse, nuno roropa totypohkapose, topekõkara poremãkatohme Izyraeu tomo a. Moro sã tymerose pape pokona esety Zae Exikety Papeny. Xixi totypohse kapu poko toiro ẽmepyry porehme exisasaka.

Jozue 10:13 ပူးပေါင်းရင်းမြစ်များ

2 Samueu 1:18

Mame Juta tomo a tamorepapose eya. (Sero ihnamotoh tymerose, Zae exikety papẽ pokona.)

2 Tuisa 20:10

Mame ynara tykase Ezekia eya: — Jerutumã aropory myaro 10me onuhtoh pona kakoxi tupime hkopyra mana ya. Naeroro opyi pona jerutumã enehpoko ropa 10me onuhtoh zopikoxi ropa, tykase ynororo eya.

Exite 8:13

Moro tuisa nymerohpyry, inyripohpyry tokamopose isekerematohme emero netaryme, pata nonory tõ po emero, moro ẽmepyry toehse ahtao tymenekase juteu tõ etapatohme, typyreke juteu tõ ehtohme emỹpotohme topetõkara maro.

Jo 9:7

‘Xixi tũtara exiko,’ ãko mana. Mame saerehkara mana. Xirikuato tõ ezehkãko roropa mana zemime pyra aehtohme koko.

Saumu 148:3

Eahmatoko, xixi te, nuno maro; Eahmatoko xirikuato tomo, zemimãkomo!

Saumu 19:4

Yrome kapu omiry enetupuhnõko sytatose sero nono po porehme. Aomiry enetupuhnõko mã toto, imehnõ pata tõ po sero nono etyhpyry po. Kapu poko xixi esary tyrise Ritonõpo a.

Izaja 24:23

Nuno ehxirõko sã mana zemime hkopyra exĩko, xixi roropa zemime hkopyra exĩko enaromỹke samo, Ritonõpo Jamihmehxo Exikety tuisa konõtome aexiryke ypy Xião po, Jerusarẽ po. Imehnõ tamuximãkõ ẽpataka tuisamehxo toehtoh enepõko mana. Saereme toehtoh enepõko roropa mana eya xine.

Izaja 38:8

“Eneko ke, xixi zuzenu onuhmapõko ropa ase 10me onuhtoh opyi Akaze nyrihpyry pokona tyhtose ahtao.” Mame xixi zuzenu tõnuhse ropa 10me onuhtoh pona ropa.

Joeu 2:10

Ytokehpyra mã toto, nono tykytyky ãko mana, kapu roropa, xixi kohmãnõko mana nuno roropa, xirikuato tõ roropa zemime hkopyra exĩko mã kehko.

Joeu 2:31

Xixi kohmãnõko mana, nuno kamirarame exĩko munu samo, Ritonõpo ẽmepyry oehpyra ro ahtao, imehxo ehtopo te, oserehtoh konõto exĩko.”

Joeu 3:15

Xixi kohmãnõko mana, nuno roropa, xirikuato tõ zemime hkopyra exĩko mã kehko.

Apakuke 3:11

Xixi tõ nuno maro totypohse toh nexiase opyre neneneh katoh eneryke tyya xine, awaratã saerehkatoh eneryke tyya xine.

Numeru 21:14

Morara exiryke ynara tymerose Ritonõpo Nymeropohpyry pokona etonatoh poko: “Pata Waepe, Supa nonory po, jakanahmã tõ roropa; tuna Aranõ

Numeru 31:2

— Izyraeu tõ enyohko etonatohme mitianita tõ maro, emỹpotohme popyra toto nyrityã poko Izyraeu tomo a. Moromeĩpo orihnõko mase.

Mateu 24:29

— Mame toetuarimakehse awahtao xine okynã pyra xixi ezehnõko mana. Nuno roropa saerehkara exĩko mana. Xirikuato ohpahnõko kapu poe kapuaõkõ esyryhmaryke tosae xine, jamihme exiketõ tosae xine esyryhmaryke.

Mateu 5:45

Omy kapuaõ poenõme oehtohkõme. Ynara exiryke, xixime tyrĩko Ritonõpo mana iirypyrymãkõ pona, kurãkõ pona roropa, enara. Morararo konopo enehpõko Ritonõpo mana kurãkõ pona, iirypyrymãkõ pona roropa, enara.

Ruka 18:7

Mokyro motye kuhse mã Ritonõpo. Tynymenekatyã omiry etãko mana. Toto mỹpõko roropa mana kokoro rokẽ toto otururuke tyya, pakeimo, koko, enara. Ekurehpyra mana typoetory akorehmary poko.

Atos 2:20

Xixi zarumãkapõko ase. Nuno kamirarame exĩko mana munu samo. Morarame okynã pyra ynymenekahpyry oehnõko ropa mana, tuisamehxo, ẽmepyry kure moroto ahtao.

Jozue 10:11

Mame toto eparyhtao, tokahmase toto ahtao Izyraeu tomo a, tururume toto yhtoryhtao ypy esemary ae, Pete-Horõ poe Azeka pona, topu tõ jerumã konõto tomase Ritonõpo a, kapu ae toto pona. Ahno tuhkehxo totapase konopoimo a jerumã maro, tuhke hkopyra totapase Izyraeu tomo a.

Jozue 10:14

Sero panõ exipitopyra taro, ipanõ exipyra ropa mana, toiro ẽmepyry ae ahno omipona toehse Ritonõpo. Morara toehse Izyraeu tõ akorehmatohme topekõkara enahkatohme.

Apokaripxi 21:23

Xixi se pyra moro pata po, nuno se pyra roropa, saereme exiryke, Ritonõpo a tyeipose exiryke, ezurume sã kaneru mũkuru exiryke roropa.

Apokaripxi 6:10

Opore ynara nase toto: — Yna esẽme mase. Orẽpyrahxo exiketyme mase. Kure mase ipunaka. Zae roropa mase. Otãto ise ro nono põkõ apiakatohme oya nae toto wãnohtohme, yna mỹpotohme oya? nase toto.

Apokaripxi 6:12

Mame pape apuhtopõpyry 6mã totapuruhmakase kaneru mũkuru a. Nono kywyh kywyh tykase itamurume. Xixi tyarumãse roropa, kamisa xinukutumã samo topuxiximã samo. Nuno kamirarame toehse, munu samo.

Apokaripxi 8:12

Mame Ritonõpo nenyokyhpyry imepyny a ropa turuẽ totose. Mame xixi zokonaka totapase, nuno zokonaka roropa, xirikuato tõ roropa zokonaka tonahkase (oseruao ahtao toiro tonahkase). Saereme hkopyra toehse toto. Tõmehse ahtao saereme hkopyra toehse, koko morararo xinukutumehxo toehse.

Juize 16:28

Mame tõturuse Sãsão Ritonõpo a, ynara tykase ynororo: — Ritonõpo Jesemy, wenikehpyra exiko ypoko. Ajohpãme sã jamihme kyriko ropa seroae rokene. Kuakorehmako seromaroro pirixteu tõ etapatohme jemỹpotohme jenuru posohkatopõpyry emetakame.

Juize 5:2

Ritonõpo eahmatoko, Kuesẽkõ Imehxo Exikety! Tõximõse Izyraeu tomo etonatohme, tãkye rokẽ tõximõse toto.