Jozue 10:12 - Ritonõpo Omiry: A Bíblia Sagrada na língua Aparai do Brasil

¹² Mame moro ẽmepyry ae, Izyraeu tõ epetõkara typoremãkapose ahtao Ritonõpo a, amoreu tõ maro osetaparyhtao, ynara tykase Jozue Ritonõpo a Izyraeu tõ netaryme: “Xixi, esyryhmara exiko pata Kipeão epoe, kohmãpyra ehtohme! Nuno, oetypohko jakanahmã Aijarõ epoe!”

Jozue 10:12 ပူးပေါင်းရင်းမြစ်များ

2 Samueu 2:12

Mame Apinea, Nea mũkuru toytose, Ixiposete poetory tõ esã maro, Maanaĩ poe pata Kipeão pona.

2 Tuisa 20:10

Mame ynara tykase Ezekia eya: — Jerutumã aropory myaro 10me onuhtoh pona kakoxi tupime hkopyra mana ya. Naeroro opyi pona jerutumã enehpoko ropa 10me onuhtoh zopikoxi ropa, tykase ynororo eya.

2 Tuisa 20:11

Mame tõturuse Izaja Ritonõpo a. Mame jerutumã tonehpose ropa Ritonõpo a 10me onuhtoh pona tuisa Akaze nyrihpyry pona opyime.

2 Tuisa 20:9

Ynara tykase Izaja eya: — Zae toehtoh enetupuhtoh ekarõko Ritonõpo oya mana. Naeroro imenekako, oty se hma? Jerutumã opyi pona oytory se hma ikurenaka 10me onuhtoh pona? Jerutumã opyi pona onukuru se hma kakoxi ropa 10me onuhtoh opyi pona? tykase Izaja.

1 Koronika 8:13

Peria te, Sema maro oxiekyry tõ tuisaryme toh kynexine pata Aijarõ po. Kate põkõ typoremãkase eya xine. Taropose toto eya xine tosarykõ poe.

2 Koronika 11:10

Zora po te, Aijarõ po, Eperõ po, enara.

Jo 9:7

‘Xixi tũtara exiko,’ ãko mana. Mame saerehkara mana. Xirikuato tõ ezehkãko roropa mana zemime pyra aehtohme koko.

Saumu 148:3

Eahmatoko, xixi te, nuno maro; Eahmatoko xirikuato tomo, zemimãkomo!

Saumu 19:4

Yrome kapu omiry enetupuhnõko sytatose sero nono po porehme. Aomiry enetupuhnõko mã toto, imehnõ pata tõ po sero nono etyhpyry po. Kapu poko xixi esary tyrise Ritonõpo a.

Saumu 74:16

Ẽmepyry tyrise oya ikohmamyry roropa, xixi tyrise oya esaka, nuno roropa, xirikuato tõ roropa emero tosaka xine.

Izaja 28:21

Kuesẽkõ owõnõko mana, pake aowomyhpyry sã ypy Perazĩ po; Zehno exĩko mana pake zehno toehtopõpyry sã jakanahmã Kipeão po. Tyriry se toehtoh rĩko mana, tyoro sã ahtao ro. Aerohtoh otyhkãko mana tuaro pyra kuahtao xine ro.

Izaja 38:8

“Eneko ke, xixi zuzenu onuhmapõko ropa ase 10me onuhtoh opyi Akaze nyrihpyry pokona tyhtose ahtao.” Mame xixi zuzenu tõnuhse ropa 10me onuhtoh pona ropa.

Izaja 60:20

Ywy roro oezurume exĩko ase, xixi samo, nuno sã roropa, xixime jehtoh jũme kohmãpyra exĩko, nunome jehtoh jũme osenekehpyra exĩko. Saereh ãko ase opona jũme rahkene, mame oemynyhmatopõpyry otyhkãko mana.

Jeremia 28:1

Mame nuno 5mã po moro jeimamyry ae ro, 4me jeimamyry taropose ahtao Zetekia a tuisame toexiry poko, urutõ Hanania, Azua mũkuru tõturuse ymaro zara po, Ritonõpo Tapyĩ tao. Kipeão põme Hanania nexiase. Ynara tykase ynororo ya oturuketõ netaryme, ahno netaryme roropa,

Amoxi 2:9

— Owenikehtou ynyrihpyry poko amoreu tomo a? Mokaro tonahkase ya mosahxo exiketomo, wewe apupari sã exiketomo te, wewe kurano sã roropa jamihme exiketomo. Mokaro tonahkase ya porehme.

Amoxi 8:9

Moro ẽmepyry toehse ahtao xixi porohkapõko ase tãxiahtao, saereme ahtao ro kohmãnõko mana, xinukutume exĩko mana. Ywy, Ritonõpo oturũko ase.

Apakuke 2:20

Ritonõpo Tytapyĩ Kurã tao mana. Ah emero porehme mynyhme nexĩ toto ẽpataka.

Apakuke 3:11

Xixi tõ nuno maro totypohse toh nexiase opyre neneneh katoh eneryke tyya xine, awaratã saerehkatoh eneryke tyya xine.

Zakaria 2:13

Mynyhme ehtoko emero porehme Ritonõpo ẽpataka. Oehnõko mana tosary kurã poe, typoetory tõ maro ehse.

Teuteronomiu 17:3

imepỹ ritõ panõ eahmãko mana, otarame xixi eahmãko, otarame nuno, otarame xirikuato tomo, Ritonõpo nyripohpyry omipona pyra.

Teuteronomiu 4:19

Mame kakoxi õsenuhmarykohtao kapu aka, xixi oneahmara ehtoko, nuno maro, xirikuato tõ maro. Mokarohne tokarose Ritonõpo a emero ahno a sero nono po, ikyryrykõme ehtohme; ah neahmã toto.

Jozue 10:13

Xixi totypohse, nuno roropa totypohkapose, topekõkara poremãkatohme Izyraeu tomo a. Moro sã tymerose pape pokona esety Zae Exikety Papeny. Xixi totypohse kapu poko toiro ẽmepyry porehme exisasaka.

Jozue 19:42

Saarapĩ te, Aijarõ te, Itara te,

Jozue 21:24

Aijarõ te, Kate-Rimõ te, ona pata tõ zomye exikety maro.

Juize 12:12

Mame toorihse ynororo ahtao ekepyry tonẽse Aijarõ po, Zepurõ nonory po.

Juize 5:20

Xirikuato tõ roropa tõsetapase: aytorykohtao kapu kuroko Xisera takorekehkase eya xine.

1 Samueu 12:18

Mame tõturuse Samueu Ritonõpo a, moro ae ro konomeru tonehpose Ritonõpo a konopo maro. Mame moro eneryke tyya xine Ritonõpo zuno toehse toto, Samueu zuno roropa toehse toto.

1 Samueu 14:31

Moro ae ro pirixteu tõ typoremãkase Izyraeu tomo a, osetapãko toh nexiase Mikima poe Aijarõ pona. Morarame jamihme pyra toehse Izyraeu tomo, tomitapãse toexirykõke.