Jozue 1:17 - Ritonõpo Omiry: A Bíblia Sagrada na língua Aparai do Brasil

¹⁷ Moeze omipona yna ehtopõpyry saaro, õmiry omipona exĩko ynanase. Ritonõpo amaro ehtoh se ynanase Moeze maro aehtopõpyry samo.

Jozue 1:17 ပူးပေါင်းရင်းမြစ်များ

2 Samueu 14:17

Seromaroro õmihpyry ae ro oseremãko ase typynanohse oya jexiryke. Ritonõpo nenyokyhpyry sã mase, ipoe tuaro mase, amaro Kuesẽkõ Ritonõpo exikehpyra exiry se hano.”

1 Tuisa 1:37

Amaro Ritonõpo ehtopõpyry sã, seromaroro Saromão maro nexino roropa, moro se ase. Mame tuisa Tawi, tuisame oehtopõpyry motye Saromão tuisame ehtoh ripory se ase Ritonõpo a, tykase.

1 Koronika 28:20

Ynara tykase roropa tumũkuru Saromão a: — Tuaro exiko. Orẽpyra exiko. Erohko! Poremãpyra exiko. Ritonõpo amaro mana. Ãkorehmãko mana. Orumekara mã ynororo. Ãkorehmakehpyra mana tytapyĩ otyhkatoh pona.

Saumu 20:1

Tuisa, oxitaryhtao Ritonõpo netaryme, õmiry etary se ynanase eya, oezukuru se ynanase eya! Oewomary se ynanase Ritonõpo a, Jako Esemy!

Saumu 20:4

Ise oehtoh, tuisa, ekaropory se ynanase Ritonõpo a, tyriry se oehtoh tyripory se ynanase eya.

Saumu 20:9

Ritonõpo, yna Esemy, orẽpyra tuisa tyriko! Yna ezuhko yna akorehmatoh ekaroporyhtao oya.

Numeru 27:18

Ynara tykase Ritonõpo Moeze a: — Jozue ikohmako, Num mũkuru, orutua emese kure exiketyme mã ynororo, oemary tõ tyriko epona.

Numeru 27:20

Tuisame oehtoh zokonaka ekaroko eya, aomiry omipona Izyraeu tõ ehtohme.

Mateu 21:9

Mame kui kui tykase toto imoihmãkomo tãkye toexirykõke, osemazuhme ytoketomo Jezu mykapo ytoketomo, enara. Ynara tykase toto: — Kure Tawi parỹpyry mana. Kure mose tyriko Ritonõpo, õmi poe aepyhpyryme aexiryke. Kure Ritonõpo mana, imehxo, tykase toto.

Teuteronomiu 34:9

Jozue, Num mũkuru tymenekase Moeze a tymyakãme ehtohme. Tomary tyrise eya Jozue zupuhpyry pona, naeroro Ritonõpo Zuzenu imaro kynexine, tuaro tyripõko mana. Aomiry omipona toehse Izyraeu tomo, Ritonõpo nyripohpyry tõ omipona roropa Moeze nekarohpyry eya xine.

Jozue 1:16

Mame ynara tykase toto Jozue a: — Onyripohpyry rĩko ynanase emero. Yna aroporyhtao oya ytõko ynanase õmiry omipona.

Jozue 1:18

Tutuisaryme ose pyra exikety ahtao, õmiry omipona pyra ynororo ahtao, totapasẽme exĩko mokyro mana. Orẽpyra exiko, jamihme roropa exiko!

Jozue 1:5

Oporemãkasaromepyra xine imehnõ exĩko mana jũme. Amaro exĩko ase Moeze maro jehtopõpyry saaro. Jũme orumekara ase.

Jozue 1:9

Ynyripohpyry poko wenikehpyra exiko: “Jamihme exiko orẽpyra roropa exiko! Poremãpyra exiko, enaromyra roropa. Ynara exiryke Ywy, Ritonõpo Oesẽkomo amaro exikehpyra exĩko ase emero pata tõ pona oytoryhtao.”

Jozue 4:14

Moro ẽmepyry ae tuisamehxo Jozue tyripose Ritonõpo a Izyraeu tõ neneryme. Mame isene ro ynororo ahtao tuisame tyrise eya xine, tuisame Moeze ritopõpyry saaro eya xine, aorikyry ponãmero.

1 Samueu 17:37

Ritonõpo a typynanohse ywy jesekara reão tõ ehtohme uuso tõ roropa. Moro saaro ypynanohnõko mana jetapara mokyro pirixteu ehtohme, tykase ynororo Sauu a. — Ỹ, omorohko. Ytoko. Ritonõpo amaro mana, tykase Sauu.

1 Samueu 20:13

Yrome oryhmary se papa ahtao, ourũko ropa ase. Aaropõko ase mya õsewomatohme. Morara ãko ase oya Ritonõpo netaryme. Mame Ritonõpo amaro ehtoh se ase, papa maro aehtopõpyry saaro.