7 Yrome yrokokoro pakeimo, otyro mity tonahse oruko a, Ritonõpo omi poe. Otyro toorihse roropa.
Mame ynara tykase ynororo: — Tupoke pyra tonuruse ywy, tymõkomoke pyra roropa. Morararo tymõkomoke pyra orihnõko ase. Ritonõpo a morohne tokarose ya. Eya tapoise ropa ahtao, kure rokẽ Ritonõpo mana, tykase Jo.
Uwa zoko tõ toorihse mã kehko wikeira tõ roropa; romã zoko te, airiki panõ zoko kehko te, masã zoko kehko te, emero wewe eperytaketõ toorihse kehko. Tãkye ahno ehtoh tonahse, emynyhmãko mã toto ipunaka.
Mame otyro tahtanohpose Ritonõpo a Jona epoehme samo, jerutume pohto ehtohme, jetuhkopyra xixi ehtohme. Tãkye toehse Jona moro otyro pokoino.