Jona 1:7 - Ritonõpo Omiry: A Bíblia Sagrada na língua Aparai do Brasil

⁷ Mame ynara tykase wapu poko erohketõ oseya rokene: — Imenekatoh sematone zae pyra exikety menekatohme, zuaro kuehtohkõme, onoky zae pyra ehtoh pokoino serara tyryrykane konõto kypona xine noehno. Morara tyrise eya xine, mame Jona tymenekase.

Jona 1:7 ပူးပေါင်းရင်းမြစ်များ

Exite 3:7

Morarame jeimamyry 12me aehtoh po Xerexe tuisame exiry poko, nuno apitorymã po, nuno nisã po, imenekatoh “purim” tomapose Hamã a ẽmepyry menekatohme, nuno roropa, juteu tõ etapatohme. Ẽmepyry 13mã tymenekase, nuno ataa po, 12mã po. (Moro imenekatoh esety “purim” me mana.)

Jo 10:2

Ritonõpo, popyra exiketyme jekaropyra exiko! Kuruko oty poko jyhxirõko mah?

Saumu 22:18

Jupõ apiakãko mã toto tupõkõme. Tuaro ehtoh emãko mã toto juponỹpyry esẽ menekatohme.

Porowepio 16:33

Imenekatoh emãko mã toto ise Ritonõpo ehtoh waro ehtohme, yrome Ritonõpo rokẽ tynyriry menekãko mana.

Numeru 32:23

Yrome, õmihpyrykõ omipona pyra awahtao xine iirypyryme exĩko matose Ritonõpo a; tuaro ehtoko tuãnohsẽme exĩko matose oorypyrykõ pokoino.

Mateu 27:35

Mame wewe pokona toxixihmase Jezu rahkene. Mame zuponỹpyry tapiakase toto a tupõkõme. Topu pisarara ke upo esẽ tymenekase eya xine.

Atos 13:19

Morarame tuhke pata tamuru põkõ typoremãkapose Ritonõpo a. 7me pata tamuru kynexine Kanaã po. Morarame toto patahpyry tapiakase kytamurukomo a tosarykõme.

1 Korĩtiu 4:5

Morara exiryke Kuesẽkõ oehpyra ro ahtao: “Popyra matose Ritonõpo a,” kara ehtoko imehnomo a. Imeĩpo jũme rokẽ kuapiakatorỹko Kuesẽkõ mana, toehse ropa tahtao. Morara ahtao kynyrihpyrykõ enepynỹpo tõ zumakapõko mana, kuosenetupuhtopõpyrykomo, kypenetatopõpyrykomo, enara. Morarame: “Kure mase ya,” ãko Ritonõpo zae exiketomo a.

Jozue 7:10

Jozue tozuhse Ritonõpo a, ynara tykase ynororo eya: — Owõko ropa ty! Oty katoh oẽmyty nono po nahe?