Joeu 3:7 - Ritonõpo Omiry: A Bíblia Sagrada na língua Aparai do Brasil

⁷ Ypoetory tõ enehnõko ropa ase moino, imeimehnõ nonory poe; morotona taropose toto oya xine. Mame oritorỹko ase onyrihpyrykõ saaro.

Joeu 3:7 ပူးပေါင်းရင်းမြစ်များ

Exite 7:10

Naeroro Hamã tanỹse tyhwyme eya xine inyripohpyry pokona, Moatekai orihmapotopõpyry pokona. Morara exiryke tyekĩtapãkehse tuisa roropa.

Izaja 11:12

Pãteira anỹnõko Ritonõpo mana enetupuhpotohme oximõme Izyraeu tõ enehtohme Juta tõ maro sapararahme aexityã sero nono poro porehme; toto enehnõko ropa mana inonorykõ pona ropa.

Izaja 49:12

Oehnõko ropa mã toto moino, imehnõ nonory poe, inikahpoe te, xixi omõtoh wino te, Asuã poe roropa ikurenaino.”

Izaja 66:6

Etatoko pahne, panaikato konõto pata po, panaikato Ytapyĩ tao! Ritonõpo Oesẽkõ moro panaikato rĩko mana, tyzehnotokõ wãnohnõko mana toto nyrityã emetakame.

Jeremia 23:8

Yrome ypoko ynara ãko mã toto: “Ritonõpo Isene Exikety, Izyraeu tõ Enehpono ropa inikahpoe, imeimehnõ nonory poe roropa, morotona inaropotyã poe. Mame moroto exĩko ropa mã toto tynonorykõ po.”

Jeremia 30:10

“Ypoetory tomo, Jako pakomotyamo, enaromyra ehtoko! Izyraeu tomo, oserehpyra ehtoko! Opynanohtorỹko ase moro nono moe exikety poe, moro nono põkõ namotome oehtohkõ poe. Oehnõko ropa matose, Jako pakomotyamo. Towomasẽme exĩko matose; oenaroximara xine exĩko imehnõ mana. Ywy Ritonõpo oturuno.

Jeremia 30:16

Yrome seromaroro mokaro emero oenahkananõ tonahkasẽme exĩko, oepetõkara emero tarosẽme exĩko mã toto imehnõ namotome. Orohmanohponanõkõ tyrohmanohposẽme exĩko mã toto, omõkomory ematonanohnanõ tomatonanohsẽme exĩko mã toto.

Jeremia 31:8

Toto enehnõko ase inikahpoe, imehnõ nono tõ poe, moino sero nono etyhpyry poe. Imaro xine tonurẽkara oehnõko mã toto, ahmitatyã roropa, nohpo tõ poetoẽme exiketõ maro enurusasaka exiketõ roropa. Oehnõko ropa mã toto imoihmãkomo, tynonoke imehxo exiketõme.

Jeremia 32:37

Oximõme mokaro enehnõko ropa ase; toto zehno jehtopõpyryke ipunaka sapararahme typahse toto ya. Mokaro enehnõko ropa ase tarona, kure rokẽ toto ehtohme enaromyra toto ehtohme.

Ezekieu 36:24

Ãpoitorỹko ase imeimehnõ nonory poe emero porehme oenehtohkõme ropa ononorykõ pona ropa.

Ezekieu 38:8

Tuhke jeimamyry taropose ahtao mokaro enehpõko ase aomõtohme sero nonory pona; imeimehnõ nonory poe aehtyã nonory pona. Sero nono po torẽnase toto, etonatoh zuno pyra mã toto. Izyraeu tõ ypyry tõ pona oehnõko mã toto, moro ypy tõ turumekase pake, patãpome toehse okynano. Yrome seromaroro moro põkõ torẽnase mã toto, imehnõ zuno pyra mã toto.

Joeu 3:4

— Oty se hmatou ya, Tiro põkomo, Xitõ põkõ roropa, Pirixitea põkõ roropa? Jepehmary kuhnõko matou ynyrihpyry poko oya xihne? Popyra ehtoh riryhtao oya xine ynyrihpyry emetakame, axĩ onyrihpyrykõ emetakamãko ase roropa!

Zakaria 9:13

Juta tõ rĩko ase taky samo etonatoh kyryryme, Izyraeu tõ pyrou sã exĩko mã toto. Orutua kõ, Jerusarẽ põkõ ytapemãme exĩko mã toto, mokaro maro osetapãko ase Kerexia põkõ maro.”

Mateu 7:2

Ynara exiryke imehnõ pokõnopyryhtao oya xine, opokõnohtorỹko roropa Ritonõpo mana, imehnõ pokõnopyry sã oya xine. Kure imehnõ riryhtao oya xine, kure oritorỹko roropa Ritonõpo mana. Yrome popyra toto riryhtao oya xine, popyra oritorỹko roropa Ritonõpo mana.

2 Tesaronika 1:6

Zae Ritonõpo exiryke ohtomahpõkõ htomãko roropa mana, ohtomatamitukõme.

Tiaku 2:13

Imehnõ poko enupunara awahtao xine opoko xine enupunara roropa Ritonõpo exĩko mana. Yrome imehnõ poko oenupunarykohtao orẽpyra exĩko matose. Opoko xine enupunãko roropa Ritonõpo mana. Awãnohpopyra xine mana.

Apokaripxi 13:10

Tapoisẽme awahtao xine tapoisẽme ro matose. Tuosẽme awahtao xine tuosẽme ro matose. Naeroro Ritonõpo poetoryme awahtao xine oseanahtotoko. Penekehpyra ehtoko Ritonõpo enetuputyry poko.”

Apokaripxi 16:6

Ritonõpo poetory totapase eya xine. Urutõ kõ totapase roropa. Naeroro toto etapãko roropa mase. Zae ro tynyrihpyrykõ epehpyry apoĩko mã toto, tykase.

Apokaripxi 19:2

Zae mana, kure roropa mana imehnõ apiakary poko. Mokyro nohpo iirypyryme exikety tuãnohse eya iirypyryme sero põkõ tyrise exiryke eya, toto poko toehse exiryke. Mokaro tuãnohse Ritonõpo a typoetory totapase eya xine exiryke, nase mokyro.

Juize 1:7

Mame ynara tykase Atoni-Pezeke: — 70me tuisa tõ tyripose ya moro samo, emarykõ zũ, ipupuru zũ tõ maro tuhkohpose ya. Joh akoĩpyry tonahse eya xine jotuhtoh zopino. Seromaroro moro sã tyripose ywy Ritonõpo a, ynyrihpyry emetakame. Mame Atoni-Pezeke tarose eya xine Jerusarẽ pona, moroto toorihse.

1 Samueu 15:33

Ynara tykase Samueu: — Opokoino nohpo tõ tuhke tumũkue pyra toehse. Seromaroro asa roropa tumũkue pyra exĩko mana, tykase Samueu. Mame morara kaxĩpo, Akake totapase Samueu a. Tysahsahkase ekepyry eya moroto Kiukau po, okyno zahkatoh etonie.