Joeu 2:28 - Ritonõpo Omiry: A Bíblia Sagrada na língua Aparai do Brasil

²⁸ Ynara tykase Ritonõpo typoetory tomo a: “Moromeĩpo Juzenu enehpõko ase opona xine, emero porehme: omũkurukõ Jomiry ekarõko mã toto, oẽxirykõ roropa. Tamuhpomãkõ osenehnõko mã toto, nuasemãkõ Ritonõpo nenepotoh enẽko mã toto.

Joeu 2:28 ပူးပေါင်းရင်းမြစ်များ

Porowepio 1:23

Etatoko ke zae pyra oehtoh eneporyhtao oya xine. Ãkorehmarykõ se ase zae ehtoh poko oehtohkõme; tuaro jehtoh ekarõko ase oya xine.

Izaja 32:15

Yrome Tuzenu enehpõko ropa Ritonõpo mana kypona xine; tupi tõ po tõ mã kurãkõ tarykasã zamaro exĩko ropa, itamurume tykyrysã ahtãko tupito tõ po.

Izaja 40:5

Morarame saeremehxo toehtoh enepõko Ritonõpo mana, moro enẽko sero nono põkõ mana emero. Morohne rĩko ase, tykase Ritonõpo Kuesẽkomo.”

Izaja 44:3

Konopo enehpõko ase ona tonorẽ po, iporiry tõ rĩko ase serere katohme nono tonorẽ poro. Moro saaro Juzenu kuãnõko ase opoenõ pona, apakõ pona roropa, kure ehtoh ekarõko roropa ase apakomo a.

Izaja 49:26

Mame oepetõkara tõsenahkarykõ poko toto ripõko ase. Aetỹtyã exĩko mã toto imehnõ etapary poko, zehno toexirykõ poko roropa. Morarame ahno emero zuaro exĩko mã toto ywy, Ritonõpo, Opynanohnekõme ase; ãpuruhpyry tae otũtanohponekomo. Zuaro exĩko mã toto ywy, Ritonõpo, Izyraeu tõ Esẽ Jamihmehxo ase.”

Izaja 49:6

Ynara ãko mã ynororo ya: “Pitiko rokẽ oerohtoh oya nae? Ypoetoryme orĩko ase Izyraeu tõ enehtohme ropa isene ro exiketomo, toto kurãkatohme ropa inonorykõ po. Moro motye oekarõko ase juteutõkara ezurume roropa oehtohme, imeimehnõ pynanohneme oehtohme sero nono etyhpyry ponãmero.”

Izaja 54:13

Ywy roro apatary põkõ amorepãko ase, torẽtyke pyra exĩko mã toto, typynanohneke roropa.

Jeremia 23:25

Mokaro urutõ kõ nekarohpyry waro ase, ajohpe oturũko mã toto jomihpyryme samo, jomiry ekaroase eya xine aosenetykõ ae ekarõko mã toto ajohpe.

Jeremia 23:28

Urutõ tõsenehse ahtao, ah tõsenety nekarono aosenetyme rokẽ rahkene. Yrome jomiry etaryhtao urutono a zae moro ekarory ripõko ase imehnõ netaryme. Otyme kure tiriiku pihpyry, jomiry tiriiku puhturu nymyry sã mana?

Ezekieu 36:27

Juzenu kurã rĩko ase okurohtaka xine, jomiry omipona oritorỹko ase. Ynyripohpyry oya xine tyrĩko matose, emero porehme.

Ezekieu 37:14

Joserematoh rĩko ase toto kurohtaka, isene toto rĩko ropa ase, mame toto nonory pona toto aropõko ropa ase moroto toto ehtohme. Mame zuaro exĩko mã toto ywy ase Ritonõpo. Morara tyrĩko ase, tykase ywy. Tyrĩko ase rahkene. Ywy Ritonõpo oturuno.

Ezekieu 39:29

Juzenu kurã ekarõko ase Izyraeu tomo a, jũme toto onurumekara ropa exĩko ase. Ywy, Ritonõpo Oesẽkõ, oturuno.

Tanieu 7:1

Mame jeimamyry apitorymã po, tuisame toehse Peusazaa ahtao Papironia esẽme, tohrame Tanieu nexiase tynyhtoh tao. Mame koko tõsenehse ynororo, taosenehkase ynororo. Typakase tahtao tõsenehtopõpyry tymerose eya pape pokona.

Zakaria 12:10

— Mame moro ẽmepyry ae Juzenu ekarõko ase Tawi pakomotyamo a imehnõ Jerusarẽ põkomo a roropa, kure ehtoh poko toto ehtohme, oturutohme roropa ymaro. Mame jenẽko mã toto tynuohpyrykomo. Xitãko mã toto yhnamõko, ahno samo tumũkuru toirõ hnamory samo, tumũkuru apitoryme aenuruhpyry orihtoh hnamory samo.

Numeru 11:17

Mame yhtõko ase oturuse amaro moroto. Juzenu, ynekarohpyry oya apoĩko ase zokonaka ekarotohme eya xine. Mame ãkorehmãko mã toto oerohtoh poko ahno pyno oexiry poko, toiroro pyra oehtohme mokaro arory poko oya.

Numeru 12:6

ynara tykase Ritonõpo: — Seromaroro, etatoko ke jotururu oya xine. Urutõ tõ nae ahtao arãnao xine osenepõko ase eya xine enepotoh ae te, oturũko ase roropa toto maro aosenetykõ ae.

Ruka 1:67

Morarame Zakaria maro toehse Ritonõpo Zuzenu yronymyryme, poeto zũ maro. Ynara tykase ynororo Ritonõpo Zuzenu poe, imeĩpo aehtoh poko:

Ruka 3:6

Morarame kypyno xine Ritonõpo ehtoh enẽko imehnõ mana, Ritonõpo nymenekahpyry enẽko, kypynanohnekomo,’ ãko mana,” me tymerose Izaja ekepyry a pake.

João 7:39

Morara tykase Jezu Tuzenu ekarosasaka Ritonõpo exiryke tonetupuhnanomo a. Tuzenu onekaropitopyra ro Ritonõpo kynexine, Jezu ẽsemãpyra ro exiryke.

Atos 2:33

Seromaroro Jezu tuisamehxo tyrise Ritonõpo a. Ritonõpo maro mana. Pake Ritonõpo tõturuse eya: “Juzenu ekarõko ase oya,” tykase Ritonõpo. Mame Tuzenu tokarose Jezu a rahkene. Morara exiryke senohne enẽko matose. Õmirykõ ae Ritonõpo omiry etãko matose.

Atos 2:39

Ritonõpo mã Tuzenu ekarory se oya xine, opoenomo a, moemoẽkõ pata tõ põkomo a roropa, emero tyneahmatyamo a, tykase Peturu toto a.

Atos 21:9

Mokyro ẽxiry tõ asakoropane kynexine, tyniotary satokõkara. Urutõ kõ mokaro Ritonõpo poe.

Karaxia 3:28

Seromaroro juteu tõ oxisã Ritonõpo a mana juteutõkara maro. Imehnõ namoto tõ oxisã roropa mana tamoreme sã erohketõ maro. Orutua kõ oxisã roropa mana nohpo tõ maro. Oxisã matose Ritonõpo a Jezu Kyrixtu maro awahtao xine.

Epereu 1:1

Pake Ritonõpo kynoturune kytamurukomo a urutõ kõ ae. Tuhke rokẽ kynoturune. Urutõ kõ osenetupuhtoh ae kynoturune. Aosenehtohkõ ae roropa kynoturune eya xine.

1 Samueu 19:20

Morara exiryke orutua kõ taropose eya Tawi apoitohme. Yrome imoihme urutõ kõ tonese ahtao eya xine, Samueu maro, toto kurohtaka Ritonõpo Zuzenu tomõse. Mame tõturuse toto Ritonõpo omiry poko, Sauu poetory tomo. Urutõ kõ sã toehse toto.

1 Samueu 19:21

Mame moro poko tuaro toehse Sauu ahtao, imehnõ orutua kõ tonyohse ropa eya. Mokaro roropa Ritonõpo omiry poko tõturupitose. Urutõ kõ sã toehse roropa toto. Moromeĩpo imehnõ taropose ropa Sauu a, oseruao aehtopo. Mame morararo tõturuse toto urutõ kõ samo, apitoryme aehtyã saaro.

1 Samueu 28:6

Tõturupose ynororo Ritonõpo a oty ritohme repe. Yrome onezuhpyra Ritonõpo nexiase aosenety ae, urutõ ae, Urim ae, enara.