João 9:8 - Ritonõpo Omiry: A Bíblia Sagrada na língua Aparai do Brasil

⁸ Morarame mokyro waro exiketõ moroto kynexine. Tonure pyra ahtao ro tonese eya xine osema tao ro ahtao, tineru pitiko eraximaryhtao ro eya. Ynara tykase toto: — Mose ro puhko tonuremỹpokara, tykase toto ipoko.

João 9:8 ပူးပေါင်းရင်းမြစ်များ

Maku 10:46

Morarame Jeriko pona toytose toto. Morotoino pata poe toytose ropa toto, typoetory tõ maro, tuhkãkõ maro. Moroto tonurẽkara kynexine Patimeu, Timeu mũkuru. Typorohse ynororo osema ehpio tineru eraximase.

Ruka 1:58

Epe tõ roropa tãkye toehse. — Aimo eny kure tyrise, takorehmase Ritonõpo a, tykase toto.

Ruka 18:35

Morarame Jezu ytoryhtao Jeriko pona, moro osema tao tonurẽkara kynexine, kohrame osema ehpio. Tineru eraximary poko kynexine repe.

João 9:9

— Mokyro roh mose ro kynenehpyrykõ ro, tykase imehnomo. Yrome imehnõ ynara tykase: — Ynoro kara mose ro. Ipanõ rokẽ mose ro, tykase toto. — Ynororo ase, tykase, tonuremỹpokara a tozuhse toto.

Ruti 1:19

Toytose ro toto Perẽ pona. Toeporehkase toto ahtao morotona, sekese toehse pata põkõ porehme mokaro eneryke tyya xine. Tõturupose nohpo tomo, ynara tykase: — Noemi nymyry mose ro? tykase toto.

1 Samueu 2:8

Tymõkomokãkara pynanohnõko Kuesẽkõ mana. Etuarimaketõ anỹnõko mana toto etuarimatohkõ poe. Toto porohkapõko mana tuisa tõ maro. Imehxo exiketõ esary ekarõko eya xine mana. Sero nono apõ esẽme Ritonõpo mana. Sero apõ po senohne tyrise eya emero porehme.

1 Samueu 21:11

Yrome tuisa Akixi a ynara tykase ipoetory tomo: — Mose reh Tawi, Izyraeu tõ esemy. Ipoko toremiase nohpo tomo, waketomo: “ ‘Miumãkõ totapase Sauu a, yrome 10 miumãkõ totapase Tawi a,’ tykase toto.”