João 9:35 - Ritonõpo Omiry: A Bíblia Sagrada na língua Aparai do Brasil

³⁵ Mokyro tũtanohpory totase Jezu a ahtao toytose eya. Ynara tykase eya: — Kapu ae Ayhtohpyry enetupuhnõko mah? tykase Jezu eya.

João 9:35 ပူးပေါင်းရင်းမြစ်များ

Saumu 2:12

ozehno xine aexiryino te, oenahkaryino oesemary ae oytoryhtao. Tãkye matose exĩko oewomaneme Ritonõpo riryhtao oya xine!

Saumu 2:7

“Jarao omi ekarõko ase,” ãko tuisa mana. “Ritonõpo omiry ekarõko ase. Ynara nase ya: ‘Umũkurume mase; seroae omyme toehse ywy.

Saumu 27:10

Jurumekaryhtao papa tomo a, aja maro, ypyno ro mase exĩko, Ritonõpo.

Mateu 14:33

Mame mynyhme toehse ipoetory tomo. Jezu eahmary poko rokẽ toh kynexine, tukurohtao xine. — To! Ritonõpo mũkurume nymyry mase. Kure mase, tykase toto.

Mateu 16:16

Ynara tykase Ximão Peturu eya: — Ritonõpo nymenekahpyryme mase, iirypyrymãkõ kurãkaneme. Ritonõpo mũkurume nymyry mase, tykase Peturu eya.

Mateu 4:3

Mame porẽ, joroko tamuru tooehse eya. Ynara tykase ynororo Jezu a: — Ritonõpo mũkurume awahtao senohne topu tyriko ourume, tykase.

Maku 1:1

Sero nase omi kurano Jezu Kyrixtu Ritonõpo mũkuru poko.

João 1:18

Ritonõpo onenepitopyra sytatose ipunaka. Toiro rokẽ mã ipoko kuamorepatorỹko. Mokyro Ritonõpo mũkurume exikety. Tumy maro exiketyme roropa ynororo mana.

João 1:34

Moro enease. Morara exiryke: “Ritonõpo mũkuru nymyry mose ro,” ãko ase oya xine, tykase João eya xine.

João 10:36

Ywy ase, Papa Kapuaõ nymenekahpyry. Inenehpohpyry roropa ase sero nono pona. Morara exiryke: “Ritonõpo mũkurume ase,” karyhtao ya epyrypara ase Ritonõpo poko. Morara exiryke: “Ritonõpo poko epyrypãko mase,” kara ehtoko ya.

João 11:27

— Ỹ, enetupuhnõko ase. Omoro mase Ritonõpo nymenekahpyry yna kurãkaneme. Omoro mase ynaneraximahpyry. Ritonõpo nenehpohpyryme mase sero nono pona, tykase Maata Jezu a.

João 20:28

— Jesẽ mase. Ritonõpome mase, tykase Tome.

João 20:31

Ynara rokẽ tymerose sero poko ya nase, Jezu enetupuhtohme oya xine Ritonõpo nymenekahpyryme kukurãkanekõme. Morarame Ritonõpo mũkurume enetuputyryhtao orihpyra exĩko matose jũme, katoh rokẽ tymerose ya.

João 3:36

Ritonõpo mũkuru enetupuhnanõ orihpỹme exĩko. Jũme Ritonõpo maro exĩko mã toto. Yrome aomipona pyra exiketõ orihketõme ro mana. Ritonõpo maro exipyra toh ekurehnõko mana. Toto zehno exikehpyra Ritonõpo mana Tumũkuru omipona pyra tokurehse toto exiryke.

João 5:14

Imeĩpo tunukurãkahpyry ropa tonese ropa Jezu a Ritonõpo Tapyĩ tao. Ynara tykase ynororo eya: — Enẽko mase. Kure mexi ropa. Morara exiryke oorypyry irumekako, popyra ipunaka oehtoh anapoizomopyra oehtohme, tykase Jezu eya.

João 6:69

Seromaroro oenetupuhnõko ynanase, awaro yna exiryke. Kure mase ipunaka. Ritonõpo poe mase, tykase Peturu eya.

João 9:22

tykase toto eya xine, juteu tõ esã zuno toexirykõke. Ynara tykase juteu tõ esã exiryke typoetory tomo a: “Jezu enetupuhnõko ase, Ritonõpo nymenekahpyryme kananõ sutũtanohpotone ropa atamorepatoh tae,” tykase toto, atae toexirykõke typoetory tõ maro.

João 9:34

Yrome ynara tykase toto eya: — To! Tyyrypyhpyke oenurune. Tuãtase mase iirypyryme ro. Yna anamorepara exiko, tykase toto eya. Morarame atamorepatoh tae tonuremỹpokara tupurohpurohmase toto a oehzomopyra aehtohme.

Atos 8:36

Morarame toytorykohtao tuna pona toeporehkase toto. — Tunahxo mony. Jẽpurihkary se pyra hma? tykase mokyro Etiopia põ Piripe a.

Atos 8:37

— Arypyra, Jezu enetuputyryhtao oya oesẽme oẽpurihkãko ase, tykase Piripe eya. — Ỹ, Jezu Kyrixtu enetupuhnõko ase, Ritonõpo mũkuru nymyry mokyro, jesemy, tykase ynororo Piripe a.

Atos 9:20

Morarame juteu tõ atamorepatoh taka toytose ynororo moro taõkõ amorepase Jezu poko. — Ritonõpo mũkuru nymyry mokyro, tykase ynororo.

Romanos 1:4

Ritonõpome roropa tyyrypyhpyke pyra ipunaka. Tumũkurume Jezu Kyrixtu exiry poko kutuarõtanohpotone tyjamitunuru ke. Tumũkuru ẽsemãkapone ropa Ritonõpo aorihxĩpo.

Romanos 10:20

Orẽpyrahxo Izaja kynexine roropa ynara karyhtao Ritonõpo omiryme: “Tonetupuhse ywy juteutõkara a, jupipynỹpo tomo a. Osenepoase roropa eya xine, ‘Yna akorehmako,’ kapynỹpo tomo a,” tykase Izaja Ritonõpo omiryme.

1 João 4:15

“Jezu Ritonõpo mũkurume nymyry mana,” kananõ maro Ritonõpo mana. Ritonõpo maro roropa toh mana.

1 João 5:10

Naeroro Jezu Ritonõpo mũkurume enetupuhnanõ tuarõtãko toto. Zae toexirykõ waro roropa toto tukurohtao xine. Yrome Ritonõpo onenetupuhpynõ ajohpe Ritonõpo ekarõko mã toto Ritonõpo omihpyry Tumũkuru poko onenetupuhpyra toexirykõke, Jezu Ritonõpo mũkurume nymyry onenetupuhpyra toexirykõke.

1 João 5:13

Onenerykõme pape merõko ase orihpỹme oehtohkõ waro oehtohkõme, Jezu Ritonõpo mũkuru enetuputyryke oya xine.

1 João 5:20

Ynara zuaro roropa sytatose, Ritonõpo mũkuru tooehse kyya xine tuaro kuehtohkõme, Ritonõpo waro roropa kuehtohkõme. Ritonõpo nymyry maro sytatose. Imũkuru maro roropa sytatose, Jezu Kyrixtu maro. Mokyro mã Ritonõpome nymyry. Mokyro maro orihpyra exĩko sytatose jumãme.

1 João 5:5

Onokãkõ Jezu onenetupuhpynõ poremãkapõko nae? Jezu Kyrixtu enetupuhnanõ rokene, Ritonõpo mũkurume aexiry enetuputyhpõkõ rokene.

3 João 1:10

Jytoryhtao oya xine ourutorỹko ase ipoko. Eya tykerekeremase yna itamurume, ixihpyryme ipunaka. Ajoajohpe rokẽ mana. Moro motye; Jezu poetory tõ onynyhmapopyra mana tytapyĩ tao. Mame imehnomo a toto nyhmaporyhtao, inyhmapohpõkõ zehno exĩko mana. Toto aropory se roropa mana oximõmãkõ htae, Jezu poetory tõ htae!