João 8:9 - Ritonõpo Omiry: A Bíblia Sagrada na língua Aparai do Brasil

⁹ Morara kary etaryke tyya xine toesyryhmase ropa toto atatakomino emero porehme. Tamuxime exiketõ osemazuhme toesyryhmase toto. Jezu rokẽ moroto, tynomose eya xine, nohpo maro xikihme.

João 8:9 ပူးပေါင်းရင်းမြစ်များ

1 Tuisa 17:18

Naeroro tyxityme ynara tykase nohpo Eria a: — Ritonõpo poetoryme mase. Oty katohme moepyase ya, umũkuru orihtohme tarame? Iirypyryme jehtopõpyry poko wenikehpyra Ritonõpo ehtohme moepyase, umũkuru orihmapotohme? tykase.

1 Tuisa 2:44

Zuaro mase azahkuru oehtopõpyry poko papa Tawi a. Awãnohnõko Ritonõpo mana onyrihpyry epehpyryme.

Jo 20:27

“Popyra exiketõ rypyry enepõko kapu mana, sero nono owõnõko mana toto hxirotohme.

Jo 20:5

Popyra exiketõ axĩtao rokẽ tãkye exĩko mã toto. Okynã pyra tãkye toto ehtoh enahnõko ropa mana.

Saumu 40:14

Jetapary se exiketõ iporemãkapoko, tuaro pyra tyripoko toto. Tãkye exiketõ jetuarimary poko iramapoko ropa toto epatohme ropa aehxirotohkõme.

Saumu 50:21

Morohne tyrise oya xine, mame mynyhme rokẽ exiase; naeroro asã xine kuekaroase repe. Yrome seromaroro oupokatorỹko ase; zae pyra oehtohkõ enepõko ase oya xine.

Saumu 71:13

Ynara se ase: typoremãkase toto exiry se ase, tonahkase roropa mokaro ymaro osetapary se exiketomo! Ah mokaro yyryhmary se exiketõ aehxirohpyryme nexĩ toto; ah ihxitapãtyãme nexĩ toto!

Ekereziaxti 7:22

Mame zuaro mase, tuhke rokẽ imehnõ tykerekeremase roropa oya mana.

Ruka 13:17

Mame morara kary etaryke tyya xine, Jezu zehnotokõ toehxirose. Yrome tãkye toehse toh kynexine imoihmãkomo, kure Jezu nukurãkahpyry eneryke tyya xine.

João 8:10

Towõse ropa Jezu. Ynara tykase ynororo nohpo a: — Ohxironanõ pyra nexi? tykase Jezu nohpo a.

João 8:12

Morarame ynara tykase Jezu imoihmãkomo a: — Emero ezurume ase. Ymaro ytoketõ mã saeremae ytõko mã toto. Zae rokẽ toh exĩko isene roropa toh mana. Xinukutumã htaka ytopyra toh mana, tyyrypyrykõ poko pyra toexirykõke, tykase eya xine Jezu.

João 8:2

Sã, yrokokoro toytose ropa ynororo Ritonõpo Tapyĩ taka. Imoihmãkõ tõximõse ahtao Jezu typorohse, toto amorepatohme.

João 8:3

Morarame nohpo tonehse parixeu tomo a. Moeze omihpyry poko imehnõ amorepananomo a roropa takorehmase toto. Imepỹ orutua maro osenao ahtao tonese exiryke tonehse toto a Jezu ẽpataka.

João 8:8

Mame toepuise ropa Jezu nono pokona imerotohme ropa.

Romanos 2:15

Mame toto nyrityã eneryke kyya xine zuaro sytatose, Ritonõpo nymeropohpyry tymerose sã mã ikurohtao xine. Moro waro sytatose, kure toto ehtoh eneryke kyya xine. Morararo zae ehtoh waro toexirykõke tyyrypyrykõ poko toehse toto ahtao ehxirõko mã toto. Kure toto ahtao ehxiropyra mã toto Ritonõpo nymeropohpyry tymerose exiryke sã toto kurohtao.

Romanos 2:22

“Imehnõ nohpo poko pyra ehtoko,” ãko matose. “Imehnõ orutua poko pyra ehtoko,” ãko roropa matose nohpo tomo a. Yrome amarokõ ke nohpo tõ poko pyra hmatou? Morararo Ritonõpo myakãme ahno nyrityã se pyra matose repe. Yrome itapyĩ tae inyrityã arõko matose, imaro oturutoh tae.

1 João 3:20

Kuehxirotopõpyrykõ motye mã Ritonõpo nyhxirotary. Yrome iirypyryme pyra kuahtao xine: “Ehxiropyra ehtoko. Ohxiropyra xine ase,” ãko Ritonõpo mana, emero zuaro toexiryke.