João 7:42 - Ritonõpo Omiry: A Bíblia Sagrada na língua Aparai do Brasil

⁴² Ynara karyke Ritonõpo a: “Tawi paryme enurũko Ritonõpo nymenekahpyry. Perẽ po enurũko mana Jutea rãnao, Tawi esaryme Perẽ exiryke,” ãko Ritonõpo omiry, tykase toto.

João 7:42 ပူးပေါင်းရင်းမြစ်များ

1 Koronika 2:51

Sauma a, Huru akorõ, pata Perẽ tyrise. Harepe a, Sauma akorõ pata Pete-Katea tyrise.

Saumu 132:11

Onetapohpyry Tawi a onytyoromara mana: “Opoenõ wino toiro menekãko ase tuisame ehtohme omyakãme.

Saumu 89:4

‘Apary toiro tuisame exĩko mana, jũme. Tuisame apakõ ehtoh kurãkãko ase omyakãme jũme.’ ”

Izaja 11:1

Tawi tõ tuisame ehtopõpyry imũkuru maro ipakomotyã maro wewe akotyhpyry sã mana; yrome amoriry ahtary sã wewe ãtykyrỹpyry wino, imepỹ tuisa enurũko mana Tawi parỹpyryme, Jese mũkuru.

Jeremia 23:5

Ynara ãko roropa Ritonõpo mana: — Imeĩpo zae exikety menekãko ase, Tawi paryme tuisame ehtohme. Mokyro tuisa tuaro exiketyme exĩko mana. Zae ehtoh rĩko mana ajohpe pyra ipunaka sero nono po porehme.

Mikeja 5:2

Ynara ãko Ritonõpo mana: — Perẽ-Epyrata, pata pitiko mase Juta patary tõ rãnao, yrome owino Izyraeu tõ tuisary enehpõko ase, moino ro exiketyme mã ynororo, apitorymã poe.

Mateu 1:1

Sẽ nase Jezu Kyrixtu enurutopõpyry poko. Tawi paryme Jezu kynexine. Aparão paryme roropa Tawi kynexine.

Mateu 2:5

— Perẽ po Jutea rãnaõ po, tykase toto. Ynara tymerose exiryke urutono a pake Ritonõpo poe:

Mateu 2:6

“Perẽ-Epyrata, pata pitiko mase Juta patary tõ rãnao, yrome owino Izyraeu tõ tuisary enehpõko ase, moino ro exiketyme mã ynororo, apitorymã poe. Izyraeu tõ esẽme exĩko mana,” ãko Ritonõpo poe urutõ nymerohpyry, tykase toto Erote a.

Ruka 2:11

Sero koko tao nenuruno, opynanohnekomo. Atamurukõ Tawi enurutopõpyry po nenuruno. Ritonõpo nymenekahpyry Kyrixtu mokyro. Kuesẽkõme inymenekahpyry.

Ruka 2:4

Joze roropa toytose Nazare poe, Karirea poe. Nazare Karirea rãnaõ kynexine. Toytose ynororo Perẽ pona, Jutea rãnaka. Morotona toytose Tawi enurutopõpyry pona Tawi parỹpyryme toexiryke.

João 7:27

Yrome Ritonõpo nymenekahpyry tooehse ahtao, ozeino oehnõko nae? Aehtoh waro pyra sytatose exĩko. Yrome mose ro oehtopõpyry waro sytatose, tykase toto.

1 Samueu 16:1

Mame ynara tykase Ritonõpo Samueu a: — Emynyhmara exiko Sauu poko. Ypoetory tõ esẽme mokyro se pyra toehse ase. Morara exiryke oriu arykako pui retyry aka arotohme amaro Perẽ pona, Jese tapyĩ taka. Imũkuru toiro tymenekase ya tuisame ehtohme, tykase Ritonõpo.

1 Samueu 16:18

Mame ynara tykase toiro ipoetory: — Ỹ, nuasemã waro ase, Jese mũkuru, Perẽ pono, mokyro mã rira etory waro. Orẽpyra exiketyme mana, soutatume roropa, kure oturuketyme mana, ẽmyty kure roropa mana, Ritonõpo imaro mana, tykase.

1 Samueu 16:4

Mame morara tyrise Samueu a, Ritonõpo omihpyry omi poe, Perẽ pona toytose ynororo. Pore, toeporehkase Samueu ahtao tonaroxitapãse typatakamo, tykytyky tykase toto, tõturupose eya: — Osepeme moehno? tykase toto.

1 Samueu 17:58

Toeporehkase ahtao Sauu ẽpataka ynara tykase Sauu eya: — Aimo, onoky mũkuru mano? tykase. — Papa mokyro Jese, opoetoryme exikety, pata Perẽ pono, tykase ynororo Sauu a.