João 7:39 - Ritonõpo Omiry: A Bíblia Sagrada na língua Aparai do Brasil

³⁹ Morara tykase Jezu Tuzenu ekarosasaka Ritonõpo exiryke tonetupuhnanomo a. Tuzenu onekaropitopyra ro Ritonõpo kynexine, Jezu ẽsemãpyra ro exiryke.

João 7:39 ပူးပေါင်းရင်းမြစ်များ

Saumu 68:18

Tõnuhse ynororo kakoxi, tynamoto tõ tuhkãkõ tarose tymaro; ahno nekarotyã tapoise eya, aomiry onymoipyra exiketõ nekarotyã roropa tapoise eya. Moroto Ritonõpo Kuesẽkõ ehse exĩko mana.

Porowepio 1:23

Etatoko ke zae pyra oehtoh eneporyhtao oya xine. Ãkorehmarykõ se ase zae ehtoh poko oehtohkõme; tuaro jehtoh ekarõko ase oya xine.

Izaja 12:3

Tuna anymyry poko exiketõ samo, tutunazehnase ahtao. Moro saaro atãkyemãko matose typynanohse eya oexirykõ poko.”

Izaja 32:15

Yrome Tuzenu enehpõko ropa Ritonõpo mana kypona xine; tupi tõ po tõ mã kurãkõ tarykasã zamaro exĩko ropa, itamurume tykyrysã ahtãko tupito tõ po.

Izaja 44:3

Konopo enehpõko ase ona tonorẽ po, iporiry tõ rĩko ase serere katohme nono tonorẽ poro. Moro saaro Juzenu kuãnõko ase opoenõ pona, apakõ pona roropa, kure ehtoh ekarõko roropa ase apakomo a.

Joeu 2:28

Ynara tykase Ritonõpo typoetory tomo a: “Moromeĩpo Juzenu enehpõko ase opona xine, emero porehme: omũkurukõ Jomiry ekarõko mã toto, oẽxirykõ roropa. Tamuhpomãkõ osenehnõko mã toto, nuasemãkõ Ritonõpo nenepotoh enẽko mã toto.

Mateu 16:14

— Joãome oekarõko mã toto ahno ẽpurihkaneme, tykase toto. — Imehnõ Eriame oekarõko roropa mã toto. Imehnõ roropa Jeremiame oekarõko roropa mã toto. Imehnõ otarame urutõme Ritonõpo poe oekarõko mã toto, tykase Jezu poetory tõ eya.

Mateu 21:11

— Mokyro urutono, Jezu Nazare pono, Karirea rãnaono, tykase imehnomo, imoihmãkomo.

Ruka 24:49

“Orẽpyra oritorỹko ase, Kurã Zuzenu poe,” tykase Papa oya xine pake. Naeroro Kurã Zuzenu enyohnõko ase oya xine. Yrome taro ehtoko aporo pata po. Papa jamitunuru eraximatoko aporo. (Tyjamihtase awahtao xine imehnõ tuarõtanohnõko matose ypoko, tykase Jezu eya xine.)

Ruka 3:16

Naeroro ynara tykase João eya xine: — Arypyra, ywy kara, nakuaka rokẽ oẽpurihkatorỹko ase. Yrome imepỹ oehnõko mana ymotye kuhse exikety. Tuisamehxo mokyro exiryke isãtajã onymyhpokara ase, ihxike jexiryke, ymotye tuisamehxo aexiryke. Mame Ritonõpo Zuzenu Kurã ekarõko oya xine mana. Otuarimapotorỹko mana zae oehtohkõme.

Ruka 7:16

Moro eneryke tyya xine tõsenuruhkase toto. Kure Ritonõpo tyrise eya xine. Ynara tykase toto: — Kure kuhse mase, Ritonõpo. Ritonõpo omiry poko urutõ imehxo exikety kymaro xine mana. Kypynanohse xine Ritonõpo tooehse, tykase toto.

João 1:21

— Ynorome pyra awahtao onoky keh ma roropa? Eria mahno? Moepyase ropa tokoh ro kapu ae? tykase toh eya. — Arypyra, ynoro kara ase, tykase João eya xine. — Pakato roh mahno, urutono? Moepyase ropa tokoh ro kapu ae? tykase toto eya. — Arypyra, tykase ynororo eya xine.

João 1:25

— Kyrixtume pyra awahtao oty katohme imehnõ ẽpurihkãko mah? Eriame pyra awahtao, pake ro urutõme pyra roropa awahtao? tykase toto eya.

João 1:33

Mame imeĩpo Ritonõpo Zuzenu yhtory kapu ae enease rahkene. Utukuimo panõ nyhtoase Jezu pona.

João 12:16

Yrome Jezu poetory kynexine onenetupuhpyra aporo moro poko. Imeĩpo tonetupuhse toto a, tõsemãse ropa Jezu ahtao, tõnuhse ropa ynororo ahtao roropa kakoxi. Emene tutuarõtase ropa toto Ritonõpo omiry poko. Ritonõpo nekarotopõpyry ae ro Jezu poko tutuarõtase toto.

João 12:23

— Kapu ae Ayhtohpyry ase. Okynã pyra orihnõko ase. Mame toorihse jahtao ẽsemãnõko ropa ase. Morarame ime jehtoh enetupuhnõko imehnõ mana, tymyakãkõme toorihse jexiryke. Jẽsemãtopõpyry ropa eneryke tyya xine ime jehtoh enetupuhnõko toh mã rahkene.

João 14:13

Mame ekaroporyhtao Papa a, emero ekarõko ase oya xine, Papa omi poe ekaroporyhtao, Papa ime exiry enepory se jexiryke oya xine.

João 14:26

Papa Tuzenu enehpõko mana ymyakãme Ãkorehmanekõme. Ãmorepatorỹko mana emero. Ynekarohpyry poko otuarõtanohtorỹko roropa mana.

João 16:14

Imehxo jexiry enetupuhpõko mã oya xine. Jomiry etaryke tyya ekarõko ropa oya xine mana otuarõtatohkõme.

João 16:7

Yrome etatoko pahne. Kurehxo jytory. Ytopyra jahtao Ãkorehmanekõ oehpyra exiry. Yrome toytose jahtao enehpõko ase oya xine.

João 17:1

Morarame tõturukehse tahtao, kakoxi Jezu tõsenuhmase. Ynara tykase ynororo: — Papa, seromaroro jorihtoh po toehse nase. Ime jexiry enepoko imehnomo a. Morarame kuakorehmako ime oexiry enepotohme imehnomo a.

João 17:5

Papa, nono onyripyra ro awahtao ke amaro ehse ywy. Moro saaro kyriko ropa, amaro ime jehtopõpyry saaro.

João 20:22

Morara kaxĩpo puu tykase ynororo toto pona. Ynara tykase eya xine: — Ritonõpo Zuzenu ekarõko ase oya xine. Aomipona ehtoko.

João 6:14

Morarame Jezu jamitunuru eneryke tyya xine ynara tykase imoihmãkomo: — Ajohpe pyra, urutõ nymyry mose ro, Ritonõpo nenyokyhpyry sero nono pona. Kyneraximahpyrykõ mose ro, tykase toto.

João 7:12

Putiputime tõturuse toto itamurume Jezu poko imoihmãkõ rãtao. — Kurã mokyro, tykase toto, emero pyra. — Arypyra, tykase imehnomo. — Onekunohto rokẽ mokyro, tykase toto.

João 8:54

Ynara tykase Jezu: — Jamoreme rokẽ ase ime jehtoh onekaropyra. Yrome Papa Kapuaõ rokẽ mã ime jehtoh ekarõko ya. “Kyrihpõkõ mokyro,” ãko matose repe.

Atos 19:2

Mame mokaro a tõturupose Pauru. Ynara tykase ynororo eya xine: — Ritonõpo a Tuzenu tokarose oya xihne, Jezu enetuputyryhtao oya xihne? tykase Pauru toto a tõturupose. — Kũ. Tuaro pyra reh ynanahse Ritonõpo Zuzenu poko, tykase toto tozuhse Pauru.

Atos 2:17

“Imeĩpo ynara tyrĩko ase, ãko Ritonõpo, Juzenu ekarõko ase oya xine. Morarame omũkuru tõ oẽxiry tõ roropa jomiry ekarõko mana. Nuasemãkomo a osenepõko ase. Tamuhpomãkomo a oturũko ase aosenety.

Atos 2:33

Seromaroro Jezu tuisamehxo tyrise Ritonõpo a. Ritonõpo maro mana. Pake Ritonõpo tõturuse eya: “Juzenu ekarõko ase oya,” tykase Ritonõpo. Mame Tuzenu tokarose Jezu a rahkene. Morara exiryke senohne enẽko matose. Õmirykõ ae Ritonõpo omiry etãko matose.

Atos 2:38

Peturu a tozuhse toto: — Oorypyrykõ irumekatoko Jezu omipona oehtohkõme. Osẽpurihkapotoko Jezu Kyrixtu omi poe, oorypyrykõ korokatohme Ritonõpo a. Mame Ritonõpo nekarory apoĩko matose. Zuzenu Kurã apoĩko matose.

Atos 2:4

Morarame morotõkõ aka Ritonõpo Zuzenu tomõse. Tyotyorõkõ omiry ae tõturupitose toto Ritonõpo Zuzenu poe.

Atos 3:13

Ritonõpo kytamurukõ esemy, Aparão esemy, Izake te, Jako, enara. Emero Kuesẽkõme roropa mana. Mokyro a Tumũkuru kuesẽkõme tyrise, onurumekahpyrykomo, Jezu, onekarohpyrykomo Pirato a exixihmatohme. Exixihmapory se pyra Pirato repe.

Atos 4:31

Morarame tõturukehse toto ahtao, moro tapyi kywyh kywyh tykase. Ritonõpo Zuzenu tomõse toto aka. Orẽpyra Ritonõpo omiry tokarose eya xine imehnomo a.

Romanos 8:9

Yrome openetatohkõ xihpyry poko pyra matose. Ritonõpo Zuzenu omipona matose, ajohpe pyra okurohtao xine Ritonõpo Zuzenu nae ahtao. Kyrixtu Zuzenu pyra exiketõ ipoetoryme pyra mã toto.

2 Korĩtiu 3:8

Moro motye kuhse Tuzenu ekaroryhtao kyya xine orihpỹme kuehtohkõme imehxo toehtoh enepõko kyya xine mana.

Epezu 4:30

Mame Ritonõpo Zuzenu Kurã anasamapopyra ehtoko. Ritonõpo nekarohpyryme mã oya xine Zuzenu. Typoetoryme oenetupuhpotorỹko mana imehnomo a. Imeĩpo tymyhpokase ropa sã exĩko matose. Moro poko otuarõtanohtorỹko mana.