João 7:37 - Ritonõpo Omiry: A Bíblia Sagrada na língua Aparai do Brasil

³⁷ Toipe juteu tõ otuhtoh konõto etyhpyry yronymyryme. Moroto towõse Jezu xikihme toto zurutohme opore. — Tuna se awahtao xine osehtoko. Tuna ẽtokose ya.

João 7:37 ပူးပေါင်းရင်းမြစ်များ

Neemia 8:18

Kokoro rokẽ ẽmepyry apitorymã poe etyhpyry pona Ritonõpo Omiry zokonaka tysekeremase eya xine. Tõseahmase toto 7me ẽmepyry ae. Mame ẽmepyry 8mã po tõximõse toto, Ritonõpo eahmaryme otuhtoh konõto etyhpyryme Moeze nymerohpyry ae ro.

Saumu 143:6

Jemary tõ anỹnõko ase oneneryme, Ritonõpo, jotururume oya; nono tonorẽ sã tuna zehnãko ase opoko.

Saumu 42:2

Tuna enyry se exikety sã opoko penetãko ase, Ritonõpo, ose ase, isene exikehpyra Exikety! Omõxi oẽpataka oeahmase, Ritonõpo.

Saumu 63:1

Ritonõpo, Jesẽme mase; oẽpataka jytory sehxo hano. Opoko penetãko ase amaro jehtohme; tutunazehnase exikety samo, nono tonore exikety samo tuna pyra ahtao.

Porowepio 1:20

Etako pahne! Tuaro ehtoh okohmãko sã mana osema tao te, osepekahtoh tao,

Porowepio 8:1

Etatoko ke! Tuaro ehtoh kohtãko mana: zae enetupuhtoh opore omitãko mana.

Porowepio 8:17

“Imehnõ pyno ase ypyno toto ahtao; jupiryhtao ahno a jeporỹko mã toto.

Porowepio 8:3

Pata omõtoh po mana, omõtoh apuru tõ pũto kohtãko mana:

Porowepio 9:3

Typoetory nohpo tõ taropose eya, kohtase kaetokohxo exiketõ poe, pata po:

Kãtiku 5:1

Ytoase utupi pona, kuku, ypytyme exikety. Mira apoĩko ase imehnõ otyro typoxine exiketõ maro; ano zeni ẽnõko ase, jokuru, uwa eukuru jehnahpyry roropa, suhsu maro. Otuhtokose osepyno exiketomo. Eukuru ẽtokose, oetỹtoh pona osepyno ehtoh ke.

Izaja 12:3

Tuna anymyry poko exiketõ samo, tutunazehnase ahtao. Moro saaro atãkyemãko matose typynanohse eya oexirykõ poko.”

Izaja 40:2

Oturuko ipynanopyryme Jerusarẽ põkomo a, toto eahmaryme zuruko toto, tonahse mana imehnõ namotome toto ehtopõpyry, iirypyrykõ tykorokase mã kehko. Tuãnohse toto ya asakoro popyra toto ehtopõpyry emetakame.”

Izaja 40:6

Imepỹ kohtãko mana, ynara ãko: “Omi ekaroko imehnõ netaryme!” “Otara ekarõko ywy omime?” ãko ase ekaropõko. “Kaxiko: ahno emero onahpoty sã mana, ijamitunurukõ ona ekuru sã rokẽ nase.

Izaja 44:3

Konopo enehpõko ase ona tonorẽ po, iporiry tõ rĩko ase serere katohme nono tonorẽ poro. Moro saaro Juzenu kuãnõko ase opoenõ pona, apakõ pona roropa, kure ehtoh ekarõko roropa ase apakomo a.

Izaja 55:1

Ynara ãko Ritonõpo mana: “Etatoko pahne, tuna se exiketomo, osehtoko tuna ẽtokose! Amarokõ roropa tytineruke pyra exiketomo: tonahsẽ epekahtoko, otuhtokose! Osehtoko suhsu epekahtokose, uwa eukuru jehnahpyry roropa, topehke pyra mana!

Izaja 55:3

Etatoko pahne ya osehtoko, otato ehtoko isene oehtohkõme! Jomiry etapõko ase oya xine, jũme exiketyme: kure rokẽ oritorỹko ase, jomihpyry ae ro Tawi a.

Izaja 58:1

Ynara ãko Ritonõpo mana: “Okohtako opore samo, mynyhme pyra exiko. Okohtako rueimo samo! Ypoetory tõ zuruko, Jako pakomotyamo, iirypyryme toto ehtoh poko, zae pyra toto ehtoh poko.

Jeremia 16:19

Ynara tykase ywy: — Ritonõpo Jesemy, Jewomaneme mase, yjamitunuru ekarõko mase ya; jakorehmãko mase popyra ehtoh toehse ahtao ya. Sero nono etyhpyry tõ poe imehnõ ahno oehnõko oya ynara kase: “Yna tamuru tõ tyneponãmarykõ ajohpe rokẽ nae nexiase; tyneponãmarykõ typahsẽme rokẽ nae toh nexiase.

Jeremia 2:2

tõmiry ekarotohme Jerusarẽ põkomo a ynara kase: “Ypoetory tomo, wenikehpyra ase poetome oehtopõpyry poko. Zae mexiatose ymaro rokene, yse mexiatose erẽnasenãme kuahtao! Wenikehpyra ase jekahmatopõpyry poko oya xine ona tonorẽ poro, tupito tõ pyra aexihpyry poro.

Ezekieu 47:9

Mame emero nono kuroko sero tuna ytoryhtao emero rokẽ onokyro tõ exĩko kana tõ maro. Tuna konõto Aorikyhpyry tunary rĩko sero tuna kure ropa, isene ehtoh enehnõko mana nono kuroko ytoryhtao.

Rewitiku 23:36

Kokoro rokẽ tonahsẽ enehnõko matose jahkatohme onekarorykõme Ritonõpo Oesẽkomo a, 7me ẽmepyry ae moro rĩko matose. Mame ẽmepyry 8me aehtoh po oximõnõko matose emero porehme Ritonõpo eahmatohme, tonahsẽ zahkatohme roropa onekarorykõme eya. Moro ẽmepyry ae Ritonõpo eahmary poko rokẽ exĩko matose oximõme, erohpyra matose emero porehme.

Rewitiku 23:39

Õkyryrykõ tapoikehse ahtao oseahmatoh rĩko matose Ritonõpo eahmatohme Oesẽkomo. Moro oseahmatoh exipitõko ẽmepyry 15me aehtoh poe, nuno 7mã po. Mame oseahmãko ẽmepyry 22me aehtoh pona. Ẽmepyry osemazuhmã po etyhpyrymã po roropa erohpyra exĩko matose.

Mikeja 6:9

Ritonõpo oturũko mana Jerusarẽ põkomo a. Etatoko ke! Tomeseke sã aomiry etananõ tuaro exiketõme mã toto. Ynara ãko mana: — Otato ehtoko tuãnohse awahtao xine, Kuenetupuhtoko roropa!

Zakaria 9:15

Ritonõpo Jamihmehxo Exikety typoetory tõ ewomãko mana; topetõkara soutatu tõ poremãkãko mã toto, ipyrekõ kararahnõko mã toto, topetõkara munuru kuãnõko mã toto eukuru jehnahpyry samo, kohtãko mã toto toetỹse exiketõ samo, pehme sã exĩko kasana sã munu ke ikuamyryhtao tynekaroryme apoto apõ pona.

Numeru 29:35

— Ẽmepyry 8mã po oximõtoko Ritonõpo eahmatohme, erohpyra ehtoko.

Mateu 11:28

— Osehtoko ya totaehse awahtao xine, typenekehse roropa awahtao xine oorypyrykõ poko. Omoxinety puimary sã oorypyrykõ mana. Yrome ywy etaehpyra oritorỹko ase. Oeremapotorỹko roropa ase.

Mateu 3:3

João poko tõturuse Izaja ekepyry. Pake Ritonõpo poe urutõme kynexine ynororo. Ynara tykase ynororo: “Opore mokyro oturũko mana ahno esao pyra. Ynara ãko mana: ‘Kuesẽkõ oehsasaka mana. Naeroro esemahtotoko Ritonõpo esemaryme! Oesẽkõme enetupuhtoko. Oorypyrykõ ikorokapotoko topohme aytotohme okurohtaka xine,’ ãko mana,” tykase Izaja pake.

Mateu 5:6

— Ritonõpo omipona se awahtao xine yronymyryme tãkye exĩko matose Ritonõpo poe. Zae ehtoh ekarõko roropa Ritonõpo mana oya xine.

João 1:23

Mame ynara tykase João eya xine: — Ritonõpo omiry ekaroneme rokẽ ase. Imũkuru oehtãne rokẽ ase urutõme. Oorypyrykõ irumekatoko. Kuesẽkõ oehnõko mana. Morara exiryke oorypyrykõ irumekatoko aomiry etatohme oya xine. Morara kynako Izaja ekepyry, Ritonõpo omi poe urutõ pake. Moro saaro morara ãko roropa ase oya xine, tykase João eya xine.

João 14:6

Ynara tykase Jezu eya: — Ywy ase oesemarykõme nymyry Ritonõpo a. Ywyhnao ytopyra matose Papa a. Ywy ase zae oriponekõme nymyry. Jenetuputyryhtao oya xine ajoajohpe pyra exĩko matose. Oẽsemãkaponekõme roropa ase. Jenetuputyryhtao oya xine orihpỹme exĩko matose.

João 4:10

Ynara tykase Jezu eya: — Ritonõpo nekarory onenetupuhpyra mase. Jenetupuhpyra roropa mase. Tonetupuhse oya jahtao: “Oya hko tuna se ano,” mykary ya. Mame tuna kurã ekarory oya soesoekane panõ ekarory oya, orihpyra oehtohme jũme, tykase Jezu nohpo a.

João 4:11

— Yrome moe tuna. Tuna puimatoh pyra roropa mase. Otokoinohxo ke morohne rĩko ma rokẽ?

João 4:14

Yrome ynekarohpyry enyryhtao oya tuna se pyra ropa mase exĩko jũme. Ynara exiryke, ynekarohpyry oya soesoekane sã exĩko okurohtao mana. Moro pokoino orihpyra exĩko matose jũme, tykase Jezu eya.

João 5:40

Yrome ooepyrykõ se pyra matose ya. Ya ooepyrykohtao orihpyra matose exĩko rahkene.

João 6:35

— Ourukõme nymyry ase, tykase Jezu eya xine. — Ya ooepyrykohtao omise pyra exikety sã exĩko matose. Tãkye rokẽ exĩko matose jenetuputyryhtao oya xine. Tuna se pyra exikety sã exĩko matose tãkye rokene, tykase ynororo eya xine.

João 6:37

Ritonõpo nekaroryme awahtao xine ya jenetupuhnõko matose. Ya oehnõko roropa matose emero porehme. Mame ooepyrykohtao ya aaropopyra xine ropa ase jũme.

João 6:55

Upũ mã tonahsẽme nymyry, umunuru roropa tõsẽme nymyry.

João 7:28

Morarame toto amoreparyhtao Ritonõpo Tapyĩ tao ynara tykase Jezu opore: — Juaro nymyry hmatohu? Joehtopõpyry waro roropa hmatou ipunaka? Jamoreme oehpyra exine. Jenehpohpõ mã zae rokẽ exikety mokyro. Yrome zuaro pyra matose.

1 Korĩtiu 10:21

Mame Jezu orihtopõpyry enetupuhtoh eukuru enyryhtao oya xine Ritonõpo poenõme oexirykõ poko osenetupuhnõko matose. Naeroro ahno nekarohpyry joroko tõ okurume, moro onẽpyra ehtoko ipunaka. Ahno nyrityã ẽpataka eukuru riryhtao joroko okurume, moro onẽpyra ehtoko. Morararo wyi enapyryhtao oya xine Jezu orihtopõpyry poko osenetupuhtohme Ritonõpo poetoryme oehtohkõ poko osenetupuhnõko matose. Naeroro ahno nyrityã zotỹpyry onõpyra ehtoko, joroko tamuru omi poe moro zoty tyrise exiryke.

1 Korĩtiu 10:4

Ritonõpo nekarohpyry tõse roropa eya xine. Topu ae tuna tutũtase, toto okurume. Yrome moro topu Jezu Kyrixtu enetupuhtoh kynexine. Toto maro toytose ynororo.

1 Korĩtiu 11:25

Mame otuhkehxĩpo eukuru tapoise Jezu a. Ynara tykase: ‘Seny õkurukomo. Tõmiry kasenato ekarõko Ritonõpo sero põkomo a jorihtopõpyry pokoino. Topekahse matose ya umunuru ke. Naeroro sẽ enyryhtao oya xine jorihtopõpyry poko osenetupuhtoko,’ tykase.

1 Korĩtiu 12:13

Tuhkãkõ Jezu Kyrixtu enetupuhnõko mana. Juteu tomo, juteutõkara roropa enetupuhnõko mã toto. Tosẽke exiketomo, tosẽke pyra exiketõ roropa enetupuhnõko mã toto. Enetuputyryke kyya xine tukurãkase sytatose Ritonõpo Zuzenu a Jezu Kyrixtu zokome sã kuehtohkõme. Ritonõpo jamitunuru nae sytatose Zuzenu kukurohtao xine exiryke.

Epezu 5:18

Etỹpyra ehtoko eukuru ke, tahpyra oehtohkõme. Ritonõpo Zuzenu a rokẽ osekarotoko, kanawa ãpuineme sã aaronekõme aehtohme.

Apokaripxi 21:6

Mame ynara tykase ropa ynororo: — Tõtyhkase mana. Ywy ase osemazuhme aexihpyry. Etyhpyrymã roropa ase. Tuna se awahtao xine ekarõko ase oya xine, õkurukõme. Soesoekane kuae anỹnõko ase õkurukõme orihpỹme oehtohkõme. Topehke pyra roropa mana.

Apokaripxi 22:1

Morarame Ritonõpo nenyokyhpyry iporiry panõ enepoase ya, orihpyra ehtopo, zemizemikane, akusasame exikety. Moro tuna Ritonõpo apõ poe tũtãko mana kaneru mũkuru apõ poe.

Apokaripxi 22:17

Kurã Zuzenu ynara ãko niotakety maro: — Osehtoko! ãko toto. Morara kary etaryhtao oya xine, morararo: — Osehtoko! kahtoko. Osehtoko tuna se exiketomo. Topehke pyra ynekarory apoitoko, õkurukõme samo jũme Ritonõpo maro oehtohkõme, emero rokene.