João 6:71 - Ritonõpo Omiry: A Bíblia Sagrada na língua Aparai do Brasil

⁷¹ Juta poko morara tykase Jezu, Ximão Ixikariote mũkuru. 12mãkõ maro kynexine repe. Yrome mokyro towokaneme exiry waro kynexine Jezu.

João 6:71 ပူးပေါင်းရင်းမြစ်များ

Saumu 41:9

Jepe kurã roropa, zae exiketyme ekaroase, ymaro otuhkety, mokyro jewokaneme toehse.

Mateu 10:2

Mokaro 12mãkõ ynara kynexine, Ximão te, zakorony Ãtare roropa. Ximão esety akorõ Peturu kynexine. Tiaku kynexine zakorõ roropa João. Zepeteu mũkuru Tiaku tõ kynexine, João maro.

Mateu 10:4

tyorõ Ximão roropa romano kowenu myakãmary poko aerokuhpyry kynexine te, Juta Ixikariote roropa. Juta mokyro Jezu ewokahpono. Enara kynexine toto.

Maku 14:10

Morarame Juta Ixikariote Jezu poetoryme kynexine repe. Mame toytose ynororo Ritonõpo maro oturuketõ tuisary tomo a Jezu ewokase.

João 12:4

Juta Ixikariote moroto kynexine, Jezu poetoryme repe; Jezu ewokaneme roropa kynexine. Ynara tykase ynororo:

João 13:2

Morarame kokonie pukuro tõtuhse Jezu typoetory tõ maro. Morarame joroko tamuru nymenekahpyry Juta kynexine, Ximão Ixikariote mũkuru. Jezu ewokaneme tymenekase joroko tamuru a.

João 13:26

Ynara tykase Jezu eya: — Zupãko ase zuaro oehtohme. Mose ro mã jewokãko, tykase Jezu eya. Morarame wyi tytohkase Jezu a, tyhpase ahtao tokarose Juta a, Ximão Ixikariote mũkuru a.

João 2:2

Jezu roropa toahmase ipoetory tõ maro toto ytotohme myaro.

João 20:24

Toiro Jezu poetory moroto pyra kynexine. Tome pyra kynexine. Kamaramanõpo wãtasẽ pyra kynexine, toto rãnaka Jezu tooehse ahtao.

João 6:64

Yrome toitoine ro matose jenetupuhpyra, tykase. Apitoryme ro tonetupuhpynõ waro Jezu kynexine. Towokane waro roropa kynexine.

João 6:70

Ynara tykase Jezu: — Tymenekase matose ya 12me. Yrome toiro joroko tamuru omipona exikety, tykase ynororo eya xine.

Atos 2:23

Pake Ritonõpo zuaro kynexine, Jezu exixihmapotoh waro. Toxixihmapose oya xine, zehnotokomo a. Moro waro Ritonõpo kynexine Jezu orihpyra ro ahtao. Yrome: “Ah nexixihmã toto,” tykase Ritonõpo.