João 6:64 - Ritonõpo Omiry: A Bíblia Sagrada na língua Aparai do Brasil

⁶⁴ Yrome toitoine ro matose jenetupuhpyra, tykase. Apitoryme ro tonetupuhpynõ waro Jezu kynexine. Towokane waro roropa kynexine.

João 6:64 ပူးပေါင်းရင်းမြစ်များ

Mateu 10:4

tyorõ Ximão roropa romano kowenu myakãmary poko aerokuhpyry kynexine te, Juta Ixikariote roropa. Juta mokyro Jezu ewokahpono. Enara kynexine toto.

João 10:26

Yrome jenetupuhpyra mexiatose, ypoetoryme pyra oexirykõke.

João 18:4

Morarame tuaro kynexine Jezu, towokary waro. Toorikyry waro roropa kynexine. Morara exiryke toto ẽpatakãmase toytose ynororo. Ynara tykase eya xine: — Onoky zupĩko matou? tykase.

João 5:42

Yrome awaro xine ase. Ritonõpo se pyra matose yronymyryme okurohtao xine.

João 6:36

— Ynara ase oya xine, jenẽko matose repe. Yrome jenetupuhpyra matose ekurehnõko, ase oya xine.

João 6:60

Morara kary etaryke tyya xine ynara tykase ipoetory tomo: — To! Tupimehxo reh mã kuamorepatohkõ eya. Onetarahme sã reh sytatohse, tykase toto oxime rokene.

João 6:61

Tõmiry poihtory waro Jezu kynexine, kara ro mokaro ahtao eya. Morara exiryke ynara tykase ynororo eya xine: — Poremãnõko matohu jomiry etaryke oya xine? Poremãpyra ehtoko.

João 6:66

Morara kary etaryke tyya xine toeramase ropa toto tuhke, Jezu ekahmahpõkomo.

João 8:23

Ynara tykase Jezu: — Sero nono põkõme matose, yrome ywy tarõkara ase. Tarõkõme amarokomo, nono põkomo. Yrome ywy tarõkara ase, kapuaono.

João 8:55

Yrome mokyro waro pyra matose, onenetupuhpitopyra oexirykõke. Yrome zuaro ase. “Ritonõpo waro pyra ase,” karyhtao ya, ajohpe rokẽ jexiry mana, asã xine. Yrome ywy zuaro. Aomipona roropa ase.

Atos 15:18

pake moro poko tuarõtanohpohpõme,” me tymerose.

Romanos 8:29

Ynara exiryke tynymenekatyã tymarõme tyrise Ritonõpo a Tumũkuru sã kuehtohkõme, tuisamehxo Imũkuru ehtohme imoihmãkõ jekyry maro.

2 Timoteu 2:19

Yrome Ritonõpo nukurãkatyã onyryhmara mana. Ynara tymerose exiryke Ritonõpo omiryme: “Kuesẽkõ typoetory tõ waro mana,” me tymerose. Ynara roropa tymerose: “Kuesẽkõ poetoryme kuahtao xine kyyrypyrykõ rumekãko sytatose,” me tymerose roropa.

Epereu 4:13

Otonẽsaromepyra sytatose kuenepyra xine Ritonõpo ehtohme. Tynyrityã emero porehme enẽko Ritonõpo mana. Kuykuytorykõ enẽko mana kuosenetupuhtohkõ roropa enẽko mana. Mame imeĩpo Ritonõpo ẽpataka ytõko sytatose emero porehme. Toiroro Ritonõpo ẽpataka osekarõko sytatose kynyrityãkõ poko. Naeroro kytamurukõ ehtopõpyry sã pyra sehtone, Ritonõpo onenetupuhpynõ ehtopõpyry sã pyra. Aomipona sehtone ekurehpyra kuehtohkõme kuomomyrykõ poko Ritonõpo esaka.