João 6:60 - Ritonõpo Omiry: A Bíblia Sagrada na língua Aparai do Brasil

⁶⁰ Morara kary etaryke tyya xine ynara tykase ipoetory tomo: — To! Tupimehxo reh mã kuamorepatohkõ eya. Onetarahme sã reh sytatohse, tykase toto oxime rokene.

João 6:60 ပူးပေါင်းရင်းမြစ်များ

Mateu 11:6

Morara exiryke tãkye kuhse matose exĩko jenetupuhkehpyra awahtao xine, tykase Jezu eya xine.

João 2:2

Jezu roropa toahmase ipoetory tõ maro toto ytotohme myaro.

João 5:25

— Mame zae rokẽ ynara ãko ase oya xine, okynã pyra Ritonõpo mũkuru omiry etãko aorihtyã mana. Seromaroro aomiry etapitõko mã toto. Morarame aomiry etaryhtao tyya xine ẽsemãnõko ropa mã toto. Isene exĩko ropa mã toto.

João 6:52

Morara kary etaryke tyya xine tõsezusezuhse toto juteu tõ tuisary tomo: — Otãtohxo ke tupũke kuopatorỹko hnae? tykase toto, oxime rokẽ tõturuse toto. (“Upũ tonahse oya xine ahtao” kary, “Tonetupuhse oya xine jahtao” katopo.) Yrome moro onenetupuhpyra tokurehse toto.

João 6:64

Yrome toitoine ro matose jenetupuhpyra, tykase. Apitoryme ro tonetupuhpynõ waro Jezu kynexine. Towokane waro roropa kynexine.

João 6:66

Morara kary etaryke tyya xine toeramase ropa toto tuhke, Jezu ekahmahpõkomo.

João 7:3

Ynara tykase Jezu akorõ tõ eya: — Ytoko taroino Jutea pona. Opoetory tomo a ajamitunuru enepota, tykase toto.

João 8:31

Morarame ynara tykase Jezu tonetuputyhpõkomo a, juteu tomo a: — Jomipona awahtao xine ypoetoryme nymyry matose.

João 8:43

Jotururu onenetupuhpyra matose etary se pyra oexirykõke.

Epereu 5:11

Ritonõpo maro oturuketõ tuisaryme Jezu ehtoh poko tuhke nae ase. Oururukõ se roropa ase repe. Yrome tupime ãmoreparykõ ya, tũpore sã õsenetupuhtohkõ exiryke. Onenetupuhpyrahme sã matose.

2 Peturu 3:16

Pape tymerose eya Kuesẽkõ oepyry ropa poko. Toitoine inymerotyã jarao hkopyra mana. Tupime mã enetuputyry kyya xine. Naeroro azahkuru rokẽ kuamorepatorỹko zuaro pyra exiketõ mana. Onenetupuhpynõ roropa zae pyra imehnõ amorepãko mana. Ritonõpo omiry tyorõmãko mã toto. Naeroro etuarimatoh taka ytõko mã toto tynyrihpyrykõ epehpyryme.