João 6:5 - Ritonõpo Omiry: A Bíblia Sagrada na língua Aparai do Brasil

^5-6 Mame tỹkakoxi tõsenuhmase Jezu. Tomyẽkõ tonese eya. Imoihmãkõ oepyry tonese roropa eya. Mame ynara tykase Jezu otarame tyya rokene: “Taroino moxiã otuhmapõko ase. Otarãme yjamitunuru waro pyra Piripe. Ikuhxi pahne, oturupoxi,” tykase Jezu tyya rokẽ otarame. Mame ynara tykase ynororo Piripe a: — Otoko moxiã napyry epekahnõko exino nah? Imoihmãkõ napyry? tykase Jezu Piripe a.

João 6:5 ပူးပေါင်းရင်းမြစ်များ

Numeru 11:13

Otokoino tõsẽ apoĩko hano ekarotohme mokaro zohme? Ya oehnõko mã toto tyxitarykõme, tõsẽ ekaropõko mã toto.

Mateu 15:33

Ynara tykase ipoetory tomo: — Yrome ahno esary kara sero taro. Otokoino moxiã napyry rĩko sytatohu? tykase ipoetory tomo, tõturupose Jezu a.

Maku 6:32

Mame toytose toto ahno esaka pyra kanawae.

Ruka 9:10

Mame inenyohtyã tooehse ropa Jezu a. Emero tynyrityãkõ tokarose ropa eya xine. Morarame tymaro typoetory tõ tarose Jezu a tokare pyra Petesaita pona.

João 1:43

Yrokokoro Jezu toytose Karirea pona. Piripe toporyse ahtao tarose eya toytotozome. — Eropa, tykase ynororo eya.

João 1:44

(Piripe patary Petesaita, Piripe te, Ãtare te, Peturu, enara. Toto esary moroto kynexine Petesaita.)

João 1:45

Mame Piripe toytose Natanaeu enese. Ynara tykase, eya turuse: — Mokyro ynanenease Ritonõpo nymenekahpyry. Ipoko tymerose Moeze a pake, Ritonõpo nymeropohpyryme. Ipoko tymerose roropa pake urutõ komo a. Jezu mokyro Joze mũkuru, Nazare pono, tykase Piripe Natanaeu a.

João 1:46

— Naary rokene! Imehxo exikety pyra reh moroto mana Nazare po, tykase Natanaeu eya. — Senetase, tykase Piripe. Natanaeu tarose eya.

João 1:48

— Otãto puhkoke juaro mano? tykase Natanaeu Jezu a. — Pake ro oenẽko akene, wikeira zopino ro awahtao. Moeroro awahtao oenẽko akene okohmara ro Piripe ahtao. Moroto wikeira zopino makene, tykase Jezu eya.

João 4:35

— Ynara ãko matose ahno tupi poko: “Okyna ro mana. Asakoropane nuno nae ro tykyrysã anỹtohme,” ãko matose repe. Yrome ynara ãko ase oya xine, sero nono põkõ utupime sã nase. Enetoko ke. Seromaroro oehnõko toto Ritonõpo mũkuru enetupuhse. Tamorepanekõ se rokẽ toh nase, tykase Jezu typoetory tomo a.