João 5:15 - Ritonõpo Omiry: A Bíblia Sagrada na língua Aparai do Brasil

¹⁵ Morarame mokyro toytose, Jezu ekarose juteu tomo a. — Jezu mokyro, ukurãkahpõ ropa, tykase ynororo eya xine.

João 5:15 ပူးပေါင်းရင်းမြစ်များ

Maku 1:45

Yrome toytory ropa ahtao tokãtose eya itamurume. Emero tõsekãtose rahkene. Morara exiryke Jezu tokare ytoytosaromepyra toehse pata tõ pona. Ahno esao pyra rokẽ ynororo ehse. Mame pata põkõ tuhke toytose eya.

João 1:19

Morarame juteu tomo a typoetory tõ tonyohse. — Ytotoko, oturupotatoko João a: “Onoky nymyry keh mano?” kaxitatoko eya, tykase toto tynenyokyry tomo a. Inenyohtyãkõ Ritonõpo maro oturuketõ kynexine, Rewi pakomotyã kynexine, enara. Toto enyokyhpõkõ juteu tõ kynexine Jerusarẽ põkomo, parixeu tomo, enara enyokyhpõkõ kynexine. Mame toytose toto oturupose: — Onoky nymyry keh mano? tykase toto, juteu tõ nenyohtyã João a.

João 4:29

— Ehmaropa! Ahno senetatose, tykase nohpo. — Jenetupuhno mokyro emero ipunaka. Otarãme Kyrixtu mokyro, Ritonõpo nymenekahpyry, tykase morotõkomo a ynororo.

João 5:10

Morara exiryke juteu tõ tõturupose eya: — Oty katoh erohnõko mano? Awãty aroarõko mano? Erohtoh kara sero seroae. Ritonõpo nymeropohpyry Moeze a omipona pyra mase, tykase juteu tõ esã kuranõpokara a.

João 5:12

— Onokyh mokyro awãty anỹpohpõ rohpa? tykase toto eya tõturupose.

João 5:16

Morara exiryke mokaro a Jezu tykerekeremapitose, kurãkara tukurãkase ropa oserematoh ae eya exiryke.

João 5:18

Morara kary etaryke tyya xine juteu tõ esã Jezu etapary se toehse yronymyryme oseremara Jezu exiryke oserematoh ae, tumyme Ritonõpo tokarose eya exiryke roropa. Morara exiryke Ritonõpo mũkurume aosekaroryke eya Jezu etapary se toehse juteu tõ tuisary tomo.

João 9:15

Morarame tonuremỹpokara a tõturupose parixeu tomo: — Otãto puhkoke oenutã ropa puhko? tykase toto eya. — Orino pitiko jenuru pokona tyrise mokyro a. Morara exiryke tosẽkurikase ropa jahtao jenutã ropa samo mokyro poe, tykase ynororo eya xine.

João 9:25

Yrome ynara tykase ynororo: — Iirypyryme aexiry waro pyra ase. Ynara rokẽ zuaro ase, tonure pyra exiase. Yrome seromaroro ase osenuhmãko ropa ipoe, tykase tonuremỹpokara eya xine.

João 9:30

— To! Otãto puhkoke zuaro pyra hmatou? Yrome jenuru tukurãkase ropa eya.

João 9:34

Yrome ynara tykase toto eya: — To! Tyyrypyhpyke oenurune. Tuãtase mase iirypyryme ro. Yna anamorepara exiko, tykase toto eya. Morarame atamorepatoh tae tonuremỹpokara tupurohpurohmase toto a oehzomopyra aehtohme.