João 4:19 - Ritonõpo Omiry: A Bíblia Sagrada na língua Aparai do Brasil

¹⁹ — To! Urutõme mase Ritonõpo poe, tykase nohpo eya morara kary etaryke tyya.

João 4:19 ပူးပေါင်းရင်းမြစ်များ

2 Tuisa 5:26

Yrome ynara tykase Eriseu eya: — Juzenu amaro kynako mokyro tyhtose ahtao tykahu poe tõturutohme amaro. Seromaroro epehpyry apoitoh kara mana, tineru te, upo kurano te, tupito tõkehko tarykase oriwera ke te, uwa ke roropa te, kaneru tomo te, pui tomo te, erohketomo roropa.

2 Tuisa 6:12

— Arypyra, yna emero ãkorehmananõme ynanase. Yrome moe Izyraeu po urutõ nae. Mokyro rokẽ mã tutuisary tuarõtanohnõko õmiry poko toiroro atapyĩ tao awahtao ro. Mokyro Eriseu, tykase toirono.

Mateu 21:11

— Mokyro urutono, Jezu Nazare pono, Karirea rãnaono, tykase imehnomo, imoihmãkomo.

Ruka 24:19

— Otara? tykase ynororo. Mame ynara tykase toto eya: — Jezu Nazare põ poko oturũko ynanase. Ritonõpo poe urutõme nexiase. Orẽpyra aomiry nexiase Ritonõpo a, ahno a, enara. Orẽpyra inyrityã roropa nexiase.

Ruka 7:16

Moro eneryke tyya xine tõsenuruhkase toto. Kure Ritonõpo tyrise eya xine. Ynara tykase toto: — Kure kuhse mase, Ritonõpo. Ritonõpo omiry poko urutõ imehxo exikety kymaro xine mana. Kypynanohse xine Ritonõpo tooehse, tykase toto.

Ruka 7:39

Moro eneryke tyya, ynara tykase Jezu kohmahpono, parixeu tukurohtao: — Mose Ritonõpo poe urutõme nymyry ahtao, nohpo tupupuru poko exikety enetuputyry. Iirypyryme mose nohpo ehtoh waro exiry, tykase ynororo tukurohtao rokene.

João 4:18

Oniõpyamo 5me turumekase oya. Mokyro onio seromato onio nymyry kara. Ajohpe pyra ro mase, tykase Jezu eya.

João 4:29

— Ehmaropa! Ahno senetatose, tykase nohpo. — Jenetupuhno mokyro emero ipunaka. Otarãme Kyrixtu mokyro, Ritonõpo nymenekahpyry, tykase morotõkomo a ynororo.

João 6:14

Morarame Jezu jamitunuru eneryke tyya xine ynara tykase imoihmãkomo: — Ajohpe pyra, urutõ nymyry mose ro, Ritonõpo nenyokyhpyry sero nono pona. Kyneraximahpyrykõ mose ro, tykase toto.

João 7:40

Morara kary etaryke imoihmãkomo a ynara tykase toto: — Urutõ nymyry mose ro Ritonõpo poe, tykase toto.

João 9:17

Morara exiryke tõturupose ropa parixeu tomo. Ynara tykase toto tonuremỹpokara a: — Oenuru tukurãkase ropa na eya? Morara exiryke oty ãko ipoko mah? tykase toto tõturupose. — Urutõ mokyro Ritonõpo poe, tykase ynororo eya xine.

Teuteronomiu 18:15

Oekyry tõ wino urutõ menekãko Ritonõpo mana ysã exikety. Mokyro omiry omipona exĩko matose.