João 3:8 - Ritonõpo Omiry: A Bíblia Sagrada na língua Aparai do Brasil

⁸ Tyryrykane ke mana xiaxiake tyryry ãko. Moro etãko mase repe. Yrome: “Ozeino ke oehnõko nae? Aza ytõko nae?” ãko matose zuaro pyra oexirykõke. Moro sã mã Ritonõpo Zuzenu poe enuruketomo. Zuaro pyra matose repe yrome Ritonõpo Zuzenu poe Ritonõpo poenõme exĩko matose, tykase Jezu eya.

João 3:8 ပူးပေါင်းရင်းမြစ်များ

Saumu 107:25

Aomiry omi poe tyryry tykapitose jamihme exikety, pohkane tõ poh tykapitose.

Saumu 107:29

Tyryrykane konõto tymynyhpãkapose eya, pohkane tõ mynyhme toehse.

Saumu 135:7

Sero nono etyhpyry poe akurũ enehnõko mana, nenenehkane rĩko mana konopo maro, tyryrykane enyohnõko mana tykyryry tõ esary ae.

Ekereziaxti 1:6

Tyryrykane tyryry ãko ikurenaka, imeĩpo tyryry ãko inikahpozakoxi, eraeramãko mana, mame oehnõko ropa mana toesyryhmatopõpyry pona ropa.

Ezekieu 37:9

Mame ynara tykase Ritonõpo ya: — Ahno mũkuru oturuko jomiryme tyryrykane a. Kaxiko, Ritonõpo Oesẽkõ tyryrykane enehpõko mana emero rokẽ wino tyryry katohme mokaro zoko tõ toorihse exiketõ pona, isene toto ehtohme ropa.

João 1:13

Moro enetuputyryke kyya xine Ritonõpo poenõme enurũko sytatose, kysekõ ae kuenurutopõpyrykõ pokoino pyra, imehnõ pokoino pyra roropa. Ritonõpo poe rokẽ enurũko sytatose, typoenõme kyrirykõ se toexiryke.

João 3:7

Osenuruhkara exiko jomiry poko, ynara karyhtao: “Oenururu se ropa mase aporo Ritonõpo esaka oytotohme,” kary poko osenuruhkara exiko.

João 3:9

— Otãto keh morohne nae? tykase Nikotemu Jezu a.

Atos 2:2

Morarame tyryrykane konõto panõ totase toto a topozakoxi xine. Tyhtose tapyi taka tyryrykane panono.

Atos 4:31

Morarame tõturukehse toto ahtao, moro tapyi kywyh kywyh tykase. Ritonõpo Zuzenu tomõse toto aka. Orẽpyra Ritonõpo omiry tokarose eya xine imehnomo a.

1 Korĩtiu 12:11

Tuhke ekarõko Ritonõpo Zuzenu kyya xine mana. Yrome toiro rokẽ ynororo. Tamoreme ekarory se exiryke tyjamitunuru ekarõko kyya xine mana.

1 Korĩtiu 2:11

Kuosenetuputyrykõ waro pyra imehnõ mana. Kymarokõ rokẽ zuaro. Moro saaro Ritonõpo Zuzenu rokẽ Ritonõpo osenetuputyry waro mana.

1 João 2:29

Kyrixtu kure rokẽ exiry waro matose. Morara exiryke kure rokẽ exiketõ enetupuhnõko sytatose Ritonõpo poenõme.