João 3:32 - Ritonõpo Omiry: A Bíblia Sagrada na língua Aparai do Brasil

³² Tynenetyã poko oturũko mana. Tynetatyã poko roropa oturũko mana. Yrome aomiry onetara sero põkõ mana.

João 3:32 ပူးပေါင်းရင်းမြစ်များ

Izaja 50:2

Oty katoh ypoetory tõ oehpyra osẽpatakãmase ymaro toytose jahtao toto pynanohse? Oty katoh jezuhpyra toh nexiase tykohmase toto ahtao ya? Seromaroro opynanohsaromepyra jekarõko matou? Tyjamihkehse jekarõko matou? Arypyra! Toiro tyripõko ase, mame tuna konõto anorỹko mana. Tuna tõ rĩko ase ona tonorẽme. Morara ahtao tuna pyra exiryke kana orihnõko mã toto tuna peneryke, tymoke exipitõko mana.

Izaja 53:1

Ynara ãko mã toto: “Tupimehxo nase yna omiry zae ehtoh enetuputyry, Ritonõpo nyrihpyryme moro enetuputyry.

Mateu 7:8

Ynara exiryke kurãkõ ekaroporyhtao Ritonõpo a ekarõko oya xine mana. Ise oehtohkõ zupiryhtao oya xine ekarõko oya xine mana. Ãpuruhpyry etapuruhmakaporyhtao oya xine etapuruhmakãko roropa mana.

João 1:11

Tosaka tooehse ynororo repe, yrome jekyry tõ ise pyra.

João 15:15

Ynamoto tõme rokẽ pyra matose. Jepeme nymyry matose. Namoto tosẽ nyriry waro pyra mana. Yrome amarokõ jepeme matose. Papa nekarohpyry emero ekaroase oya xine.

João 18:37

Ynara tykase Pirato: — Tuisame nymyry mah? tykase. Ynara tykase Jezu eya: — Zae morara mykano, tuisame jexiry poko. Morome ro tooehse ywy sero nono pona, zae rokẽ imehnõ zurutohme. Zae exiketõ jomiry etãko, emero porehme.

João 3:11

— Zae rokẽ ynara ãko ase oya, zuaro jehtoh poko ase ourũko. Josenuhmatopõpyry poko oya ekarõko ase roropa. Yrome jotururu etary se pyra matose.

João 3:26

Mame João a toytose ipoetory tõ oturupose: — Wenikehpyra ro hma, oximaro oehtopõpyrykõ poko Joatão mõpoe? Mokyro poko moturuase yna a. Mokyro mã imehnõ ẽpurihkãko. Emero mã ytõko toto eya, tykase toto tosẽkomo a.

João 3:33

Aomiry se exiketõ rokẽ imehnõ tuarõtanohnõko mana kure Ritonõpo exiry poko.

João 5:20

Papa Kapuaono Tumũkuru se ipunaka. Morara exiryke tynyriry tõ enepõko mã Tumũkuru a, ise toexiryke. Imeĩpo Papa mã tyorõ enepõko mã ya senohne motye kuhse õsenuruhkatohkõme.

João 8:26

— Tuhke nae ro ase otuarõtanohtohkomo. Tuhke roropa ohxirorykõ se jahtao kyhxirotory, tuhke oorypyrykõ exiryke. Yrome ohxiropyra xine ase. Jenehpohpõ omiry ekarõko rokẽ ase oya xine. Zae ynororo, tykase Jezu eya xine.